Вәфтиз ән ҝөзәл мәгсәддир

Иса вәфтизин мәсиһиләр үчүн тәләб олдуғуну билдирмишди. (Мәтта 28:19, 20 ајәләрини охујун.) Бәс вәфтиз нәдир? Вәфтиз олунмаг үчүн инсан нә етмәлидир?

1. Вәфтиз нәдир?

«Вәфтиз» сөзү јунан дилиндән ҝәлиб. Мәнасы суја «батырмаг» демәкдир. Иса Иордан чајында, суја тамамилә батырылараг вәфтиз олунмушду. Буна ҝөрә дә ајәдә јазылыб ки, «Иса вәфтиз олан кими судан чыхды» (Мәтта 3:13, 16). Буна бәнзәр тәрздә әсл мәсиһиләр дә тамамилә суја батырылмагла вәфтиз олунур.

2. Вәфтизин мәнасы нәдир?

Инсан вәфтиз олунанда өзүнү Јеһова Аллаһа һәср етдијини ҝөстәрир. Бәс Јеһоваја һәср олунмаг нә демәкдир? Вәфтиздән габаг инсан дуа едиб Јеһоваја дејир ки, әбәдијјән Она хидмәт етмәк истәјир. Дуасында сөз верир ки, тәкҹә Јеһоваја ибадәт едәҹәк вә Онун бујругларыны јеринә јетирмәји һәр шејдән үстүн тутаҹаг. О гәрар верир ки, өзүнү инкар етсин вә даима Исанын ардынҹа ҝетсин, јәни онун тәлимләринә ујғун јашасын вә нүмунәсини изләсин (Мәтта 16:24). Инсан өзүнү Аллаһа һәср едиб вәфтиз олунмагла һәм Јеһова илә дост олур, һәм дә диндашлары илә.

3. Вәфтиз олунмаг үчүн инсан нә етмәлидир?

Вәфтиз олунмаздан габаг Јеһова барәдә өјрәнмәк вә Она иман етмәк ваҹибдир. (Ибраниләрә 11:6 ајәсини охујун.) Билијиниз вә иманыныз артдыгҹа, Јеһоваја мәһәббәтиниз дә артаҹаг. Онун һаггында инсанлара данышмаг, Онун дедији кими јашамаг истәјәҹәксиниз (2 Тимутијә 4:2; 1 Јәһја 5:3). Јеһованы там разы салмаг үчүн Онун адына лајиг јашајанда исә һәјатынызы Она һәср едиб вәфтиз олунмаг истәјәҹәксинизa (Колослулара 1:9, 10).

Д Ә Р И Н Л И Ј Ә  В А Р Ы Н

4. Исанын вәфтизиндән нә өјрәнирик?

Исанын вәфтизи илә бағлы әтрафлы өјрәнмәк үчүн Мәтта 3:13—17 ајәләрини охујун. Сонра нөвбәти суаллары мүзакирә един:

• Иса вәфтиз олунанда көрпә иди?

• О неҹә вәфтиз олунду?

Вәфтиз олунандан сонра Иса Јеһованын тапшырдығы хүсуси иши иҹра етмәјә башлады. Лука 3:21—23 вә Јәһја 6:38 ајәләрини охујун. Сонра нөвбәти суалы мүзакирә един:

• Вәфтиздән сонра Иса һансы иши һәјатында биринҹи јерә гојду?

5. Вәфтиз әлчатан мәгсәддир

Өзүнү Аллаһа һәср етмәк вә вәфтиз олунмаг ашылмаз дағ кими ҝөрүнә биләр. Анҹаг Јеһова һагда өјрәндикҹә вә Ону јахындан таныдыгҹа бу ваҹиб гәрары вермәјә өзүнүзү һазыр һисс едәҹәксиниз. Бу гәрары верән бәзи инсанларла таныш олмаг үчүн ВИДЕОЈА бахын.

ВИДЕО: «Јеһованын досту олмаг мүмкүндүр» (1:11)

Јәһја 17:3 вә Јагуб 1:5 ајәләрини охујун. Сонра нөвбәти суалы мүзакирә един:

• Вәфтизә һазыр олмаға инсана нә көмәк едә биләр?

1. А) Јеһоваја дуа едиб әбәдијјән Она хидмәт едәҹәјимизә сөз вермәклә өзүмүзү Она һәср едирик

2. Б) Вәфтиз олунанда исә өзүмүзү Аллаһа һәср етдијимизи инсанлара билдиририк

6. Вәфтиз олунмагла Јеһованын аиләсинә дахил олуруг

Биз вәфтиз олунанда үмумдүнја аиләнин бир үзвү олуруг. Мүхтәлиф өлкәләрдән вә халглардан олсаг да, һамымызын етигады вә әхлаг дәјәрләри ејнидир. Зәбур 25:14 вә 1 Бутрус 2:17 ајәләрини охујун. Сонра нөвбәти суалы мүзакирә един:

• Вәфтиз инсанын Јеһова Аллаһла вә Онун хидмәтчиләри илә мүнасибәтинә неҹә тәсир едир?

ИҸМАЛ

Иса вәфтизин мәсиһиләр үчүн тәләб олдуғуну билдирмишди. Бу мәгсәдә наил олмаг үчүн инсан Јеһоваја ҝүҹлү иман јетишдирмәли, Онун ганунларына ујғун јашамалы вә өзүнү Она һәср етмәлидир.

Тәкрар

• Вәфтиз нәдир вә нә үчүн ваҹибдир?

• Өзүнү Јеһоваја һәср етмәклә вәфтиз олунмаг арасында һансы әлагә вар?

• Јеһоваја һәср олунмаздан вә вәфтиз олунмаздан әввәл һансы аддымлары атмаг лазымдыр?

Ә Л А В Ә  М Ә Л У М А Т

Вәфтизин нә олдуғу барәдә әтрафлы өјрәнин.

«Вәфтиз нәдир?» (интернет мәгаләси)

Вәфтиз олунмаг үчүн һансы тәләбләрә ҹаваб вермәк лазымдыр?

«Мәһәббәт вә миннәтдарлыг вәфтизә апаран јолдур» («Ҝөзәтчи гүлләси», март 2020)

Ҝөрүн бир нәфәри вәфтиз олунмаға нә тәшвиг етмишди.

«Онлар истәјирдиләр ки, өјрәндикләримин һәгигәт олдуғуна өзүм әмин олум» («Ҝөзәтчи гүлләси», апрел—ијун 2013)

Нәјә ҝөрә вәфтиз олунмаг ҝөзәл мәгсәддир вә бу мәгсәдә неҹә чатмаг олар?

«Нә үчүн вәфтиз олунум?» («Ҝәнҹләрин суаллары. Практики мәсләһәтләр», ҹилд 2, фәсил 37)