Падшаһлығы алмаға лајиг ҝөрүлмүшләр

«Бу тәҹрүбәләр Аллаһын адил һөкмүнүн әламәтидир ки... Аллаһын Сәлтәнәтинә лајиг сајыласыныз». 2 САЛОН. 1:5

1, 2. Аллаһын һөкмә даир нијјәти нәдир вә бу һөкмү ким иҹра едәҹәк?

ЕРАМЫЗЫН тәхминән 50-ҹи илидир. Һәвари Павел Афинададыр. Бурада бүтпәрәстлијин ҝениш јајылдығыны ҝөрүб үрәјиндә дәрин кәдәр дујан Павел мәһарәтлә шаһидлик верир. О, нитгинә елә јекун вурур ки, бу, бүтпәрәст динләјиҹиләрин диггәтини ҹәлб етмәјә билмәзди. О дејир: «Аллаһ... инди исә һәр јердә инсанлара әмр едир ки, һамы төвбә етсин. Чүнки Аллаһ елә бир ҝүн тәјин етди ки, о ҝүн сечдији Адам васитәси илә дүнјаја әдаләтлә һөкм едәҹәкдир. Ону өлүләрдән дирилдәрәк, бүтүн инсанлара бу барәдә сүбут верди» (Һәв. иш. 17:30, 31).

² Аллаһын ҝәләҹәкдә бәшәријјәтә һөкм етмәк үчүн ҝүн тәјин етмәси сон дәрәҹә ваҹиб мәсәләдир. Бу һөкм Павелин Афинадакы нитги заманы адыны чәкмәдији шәхс тәрәфиндән иҹра олунаҹаг. Анҹаг биз онун дирилмиш Иса Мәсиһ олдуғуну билирик. Исанын чыхардығы һөкм кимин үчүнсә һәјат, кимин үчүнсә өлүм демәк олаҹаг.

3. Јеһова Ибраһимлә нә үчүн әһд бағлады вә онун јеринә јетмәсиндә ваҹиб ролу ким ојнајыр?

³ Һөкм ҝүнү мин ил сүрәҹәк. Иса Јеһованын вердији сәлаһијјәтлә Аллаһын Падшаһлығынын Падшаһы кими Һөкм ҝүнүнә рәһбәрлик едәҹәк, лакин о, тәк олмајаҹаг. Һәмин мин ил әрзиндә Иса илә бирликдә падшаһлыг вә һөкм етмәк үчүн Јеһова јер үзүндән башга инсанлары да сечир. (Лука 22:29, 30 ајәләри илә мүгајисә ет.) Јеһова тәхминән 4 000 ил әввәл садиг хидмәтчиси Ибраһимлә әһд бағлајанда һәмин ҝүнүн тәмәлини гојду. (Јарадылыш 22:17, 18 ајәләрини оху.) Һәмин әһд, ҝөрүнүр, б. е. ә. 1943-ҹү илдә гүввәјә минди. Әлбәттә, Ибраһим бу әһдин бәшәријјәт үчүн һансы мәнаны кәсб етдијини там баша дүшмүрдү. Анҹаг биз бу ҝүн, әһдә әсасән, Ибраһимин нәслинин Аллаһын бу нијјәтинин јеринә јетмәсиндә ваҹиб рол ојнадығыны ҝөрүрүк.

4, 5. а) Ибраһимин нәслинин әсас һиссәси кимдир вә о, Падшаһлыг һаггында нә демишдир? б) Падшаһлығын үзвү олмаг имканы нә заман ачылды?

⁴ Ибраһимин нәслинин әсас һиссәси Иса олду. О, б. е. 29-ҹу илиндә мүгәддәс руһла мәсһ олунараг вәд едилмиш Мәсиһ олду (Галат. 3:16). Иса үч ил јарым әрзиндә Падшаһлыг һаггында хош хәбәри јәһуди халгына тәблиғ етди. Вәфтизчи Јәһја һәбс едилдикдән сонра, Иса башгаларынын да бу Падшаһлығын үзвү ола биләҹәкләрини ҝөстәрәрәк деди: «Вәфтиз едән Јәһјанын ҝүнләриндән индијә гәдәр Сәмави Сәлтәнәт зорла ҝөтүрүлүр вә зор ишләдәнләр ону әлә кечирирләр» (Мат. 11:12).

⁵ Мараглыдыр ки, Иса сәмави Падшаһлығы ‘әлә кечирәнләр’ һаггында данышмаздан әввәл демишди: «Сизә доғрусуну дејирәм: гадындан доғуланлар арасында, вәфтиз едән Јәһјадан даһа бөјүјү олмамышдыр; амма Сәмави Сәлтәнәтдә ән кичик олан ондан бөјүкдүр» (Мат. 11:11). Иса Јәһја һаггында нә үчүн белә деди? Чүнки б. е. 33-ҹү илинин Пентикост ҝүнүндә мүгәддәс руһ вериләнә гәдәр садиг инсанлар Падшаһлығын үзвү ола билмәздиләр. Һәмин вахт Вәфтизчи Јәһја артыг өлмүшдү (Һәв. иш. 2:1-4).

Ибраһимин нәсли салеһ елан олунур

6, 7. а) Ибраһимин нәсли һансы мәнада «ҝөјдәки улдузлар» гәдәр олду? б) Ибраһим һансы хејир-дуалары алды, бәс онун нәсли һансы охшар хејир-дуалары алыр?

⁶ Ибраһимә вәд едилмишди ки, онун нәсли чохалаҹаг, «ҝөјдәки улдузлар вә дәниз кәнарындакы гум гәдәр» олаҹаг (Јар. 13:16; 22:17). Башга сөзлә десәк, бу нәслин нә гәдәр олаҹағыны билмәк Ибраһимин вахтында инсанлар үчүн гејри-мүмкүн иди. Анҹаг онун руһани нәслинин дәгиг сајы ахырда мәлум олду. Ора Исадан башга 144 000 нәфәр дахил иди (Вәһј 7:4; 14:1).

⁷ Аллаһын Кәламында Ибраһимин иманы һаггында дејилир ки, о, «Рәббә иман етди вә Рәбб буну она салеһлик сајды» (Јар. 15:5, 6). Дүздүр, тамамилә салеһ инсан јохдур (Јаг. 3:2). Буна бахмајараг, Јеһова ҝүҹлү иманына ҝөрә Ибраһимә салеһ кими бахыр вә ону һәтта Өз досту адландырырды (Јешаја 41:8). Ибраһимин руһани нәслинин диҝәр үзвләри дә Иса илә бирликдә салеһ елан олундулар вә бу онлара Ибраһимин алдығы хејир-дуалардан да артыг хејир-дуалар ҝәтирир.

8. Ибраһимин нәслинин үзвләри гаршысында һансы хејир-дуалары алмаг имканы ачылыр?

⁸ Мәсһ олунмуш мәсиһчиләр Исанын фидијә гурбанлығына иман ҝәтирдикләри үчүн салеһ елан олунурлар (Ром. 3:24, 28). Јеһованын ҝөзүндә онлар ҝүнаһлардан азад олмушлар, буна ҝөрә дә Аллаһын руһани оғуллары, Иса Мәсиһин гардашлары олмаг үчүн мүгәддәс руһла мәсһ олуна билирләр (Јәһ. 1:12, 13). Онлар јени әһдә дахил олур вә јени халгы, «Аллаһын Исраили»ни тәшкил едирләр (Галат. 6:16; Лука 22:20). Бу онлар үчүн бөјүк шәрәфдир! Бүтүн бунлардан ирәли ҝәләрәк, мәсһ олунмуш мәсиһчиләр јер үзүндә әбәди јашамаг үмидинә малик дејилләр. Онлар Һөкм ҝүнүндә Иса илә бирликдә олмаг вә ҝөјдә онунла идарә етмәјин ҝәтирдији, сөзлә ифадә едилә билмәјән севинҹи дујмаг үчүн, бу имканы гурбан верирләр. (Ромалылара 8:17 ајәсини оху.)

9, 10. а) Мәсиһчиләр илк дәфә нә заман мүгәддәс руһла мәсһ олундулар вә онлары гаршыда нә ҝөзләјирди? б) Мәсһ олунмушлар һансы көмәји алырдылар?

⁹ Ерамызын 33-ҹү илинин Пентикост ҝүнүндә бир груп садиг инсана Иса илә бирликдә Һөкм ҝүнүндә идарә етмәк имканы верилди. Исанын 120-јә јахын давамчысы мүгәддәс руһла вәфтиз олунду вә беләликлә онлар илк мәсһ олунмуш мәсиһчиләр олдулар. Анҹаг бу, ҝөјләрдә әбәди һәјаты алмаг үчүн һәлә илк аддым иди. О вахтдан етибарән, Шејтанын сынагларына бахмајараг, онлар Јеһоваја олан садигликләрини нүмајиш етдирмәли идиләр. Әҝәр сәмави һәјат таҹыны алмаг истәјирдиләрсә, өләнә гәдәр садиг галмалы идиләр (Вәһј 2:10).

¹⁰ Бунун үчүн Јеһова мәсһ олунмушлара Өз Кәламы вә мәсиһчи јығынҹағы васитәсилә лазыми нәсиһәтләри верир вә онлары руһландырырды. Мәсәлән, һәвари Павел Салоникдәки мәсһ олунмушлара јазырды: «Сизләрдән һәр бирини, ата өз өвладлары илә даврандығы кими руһландырыр, сизә тәсәлли верир вә исрар едирдик ки, сизи Өз Сәлтәнәтинә вә иззәтинә чағыран Аллаһа лајиг шәкилдә һәрәкәт едәсиниз» (1 Салон. 2:11, 12).

11. «Аллаһын Исраили»нин үзвләри үчүн Јеһова нә јаздырмышды?

¹¹ Мәсһ олунмушларын јығынҹағынын илк үзвләри сечилдикдән сонра, онилликләр әрзиндә Јеһова Исанын јерүзү хидмәтинин, һәмчинин онун Ы әср мәсиһчиләри илә рәфтарынын вә онлара вердији мәсләһәтләрин гәләмә алынмасынын гајғысына галды. Беләликлә, Јеһова илһамланмыш Јунанҹа Мүгәддәс Јазылары артыг мөвҹуд олан Ибраниҹә Мүгәддәс Јазылара әлавә етди. Ибраниҹә Мүгәддәс Јазылар ҹисмани Исраилин Аллаһла хүсуси мүнасибәтләри олан заман јазылмыш вә илк нөвбәдә онлара үнванланмышды. Јунанҹа Мүгәддәс Јазылар исә әсас етибарилә Мәсиһин мәсһ олунмуш гардашлары вә Аллаһын руһани оғуллары олан «Аллаһын Исраили» үчүн јазылмышдыр. Әлбәттә, бу о демәк дејил ки, гејри-исраиллиләр Ибраниҹә Мүгәддәс Јазылары өјрәниб фајдалана билмәздиләр. Буна бәнзәр тәрздә, мәсһ олунмамыш мәсиһчиләр дә Јунанҹа Мүгәддәс Јазылары өјрәнәрәк вә орадакы мәсләһәтләрә ујғун јашајараг, сонсуз фајдалар әлдә едирләр. (2 Тимотејә 3:15-17 ајәләрини оху.)

12. Павел мәсһ олунмушлара нәји хатырлатды?

¹² Биринҹи әсрин мәсиһчиләри сәмави мирасларыны ала билмәк үчүн салеһ елан олундулар вә мүгәддәс руһла мәсһ едилдиләр. Онларын мәсһ олунмасы јер үзүндә олдуглары мүддәтдә диҝәр мәсһ олунмушларын үзәриндә падшаһлыг етмәләринә әсас вермир. Ҝөрүнүр, бәзи еркән мәсиһчиләр буну нәзәрдән гачырмышдылар, онлар јығынҹагда гардашлары үзәриндә ағалыг етмәк истәјирдиләр. Нәтиҹәдә Павел онлара белә сөзләр демәјә мәҹбур олду: «Сиз артыг дојмусунуз, сиз артыг зәнҝинләшмисиниз, сиз бизсиз һөкмдарлар олмусунуз! Каш ки, сиз һәгигәтән һөкмдарлар олајдыныз ки, биз дә сизинлә бәрабәр һөкмдарлыг едәк!» (1 Кор. 4:8). Бу сәбәбдән Павел мәсһ олунмушлара деди: «Бу о демәк дејилдир ки, ҝуја биз сизин иманыныз үзәриндә һакимик, лакин биз сизин севинмәниз үчүн сизинлә чалышырыг» (2 Кор. 1:24).

Габагҹадан дејилмиш сајын јығылмасы

13. Ерамызын 33-ҹү илиндән етибарән мәсһ олунмушлар неҹә сечилирләр?

¹³ Мәсһ олунмушларын сечилмәси биринҹи әсрдә баша чатмады. Онларын сечилмәси һәвариләрин дөврүндә давам едирди, анҹаг сонра ҝет-ҝедә азалмаға башлады. Лакин әсрләр бојунҹа онларын чағырылмасы дајанмамыш, бизим ҝүнләрә гәдәр давам етмишдир (Мат. 28:20). Иса 1914-ҹү илдә падшаһлыг етмәјә башлајандан сонра сечим сүрәтләнди.

14, 15. Бизим ҝүнләрдә мәсһ олунмушларын сечилмәси илә бағлы нә демәк олар?

¹⁴ Әввәлҹә Иса ҝөјләри Аллаһын рәһбәрлијинә гаршы чыханлардан тәмизләди. (Вәһј 12:10, 12 ајәләрини оху.) Сонра 144 000 нәфәрин сајыны тамамламаг үчүн диггәтини Падшаһлығынын ҝәләҹәк үзвләрини топламаға јөнәлтди. Бу тапшырыг 1930-ҹу илләрин орталарына јахын битмәк үзрә иди. Тәблиғә һај верәнләрин чохунун ҝөјә ҝетмәк арзусу јох иди; руһ онлара Аллаһын оғуллары олдугларына шәһадәт етмирди. (Ромалылара 8:16 ајәси илә мүгајисә ет.) Әксинә, онлар өзләринин јерүзү ҹәннәтдә әбәди јашамаг үмидинә малик олан ‘башга гојунлара’ аид олдугларыны баша дүшүрдүләр (Јәһ. 10:16). Беләликлә, 1935-ҹи илдән сонра тәблиғ ишиндә әсас диггәт һәвари Јәһјанын вәһјдә ҝөрдүјү, «бөјүк мәшәггәтдән» сағ чыхаҹаг ‘бөјүк издиһамын’ јығылмасына јөнәлдилди (Вәһј 7:9, 10, 14).

¹⁵ Бунунла белә 1930-ҹу илләрдән сонра да бәзиләри сәмави үмидә малик олмаг үчүн сечилмишләр. Нә үчүн? Еһтимал ки, бәзән онлар иманда садиг олмајан мәсиһчиләри әвәз етмәк үчүн сечилирдиләр. (Вәһј 3:16 ајәси илә мүгајисә ет.) Һәгигәти тәрк едәнләр арасында Павелин шәхсән таныдығы адамлар да варды (Филип. 3:17-19). Јеһова онлары кимләрлә әвәз едә биләрди? Әлбәттә, гәрар Онундур. Бунунла белә, мәнтигәујғун оларды ки, Јеһова онлары јениҹә имана ҝәләнләрдән јох, Хатирә Ҝеҹәсини тәсис едәркән Иса илә олан шаҝирдләри кими, артыг мүәјјән гәдәр садигликләрини сүбут едән мәсиһчиләрдән сечсинa (Лука 22:28).

16. Мәсһ олунмушларла әлагәдар миннәтдар олмаг үчүн һансы сәбәбләримиз вар вә биз нәјә әмин ола биләрик?

¹⁶ Анҹаг ҝөрүнүр 1930-ҹу илләрдән сәмави үмидә дәвәт олунанларын һамысы имандан дөнәнләри әвәз етмәк үчүн чағырылмајыб. Јеһова, «Бөјүк Бабил» мәһв едиләнә гәдәр, бу системин сон ҝүнләри әрзиндә арамызда мәсһ олунмуш мәсиһчиләрин олмасынын гајғысына галыбb (Вәһј 17:5). Вә биз әмин ола биләрик ки, Јеһованын мүәјјән етдији вахтда 144 000 нәфәрин сајы тамамланаҹаг вә онлар Падшаһлыгда өз јерләрини тутаҹаглар. Ејни заманда Аллаһын пејғәмбәрлик Кәламы бизи архајын едир ки, сајы артмагда олан бөјүк издиһам бир груп кими садиг галаҹаг. Тезликлә бу издиһам Шејтанын дүнјасыны јахалајаҹаг «бөјүк мәшәггәтдән» сағ чыхаҹаг вә севинҹлә Аллаһын јени дүнјасына дахил олаҹаг.

Аллаһын сәмави һөкумәтинин үзвләринин сајы тамамланмаг үзрәдир!

17. 1 Салониклиләрә 4:15-17 вә Вәһј 6:9-11 ајәләринә әсасән, өләнә гәдәр садиг галан мәсһ олунмуш мәсиһчиләрлә нә баш вермишдир?

¹⁷ Ерамызын 33-ҹү илиндән бәри он минләрлә мәсһ олунмуш мөһкәм иман ҝөстәрәрәк өләнә гәдәр садиг галмышдыр. Онлар артыг Падшаһлығы алмаға лајиг ҝөрүлмүш вә, ҝөрүнүр, Мәсиһин иштиракынын илк чағларындан башлајараг мүкафатларыны алмышлар. (1 Салоникилиләрә 4:15-17; Вәһј 6:9-11 ајәләрини оху.)

18. а) Һәлә дә јер үзүндә олан мәсһ олунмушлар нәјә әминдирләр? б) ‘Башга гојунлар’ мәсһ олунмуш гардашларына неҹә јанашырлар?

¹⁸ Һәлә дә јер үзүндә олан мәсһ олунмуш мәсиһчиләр там әминдирләр ки, садиг галсалар, тезликлә мүкафатларыны алаҹаглар. Милјонларла башга гојунлар мәсһ олунмуш гардашларынын иманы үзәриндә дүшүнәндә һәвари Павелин сөзләри илә разылашырлар. О, Салоникдәки мәсһ олунмуш гардашлары һаггында дејирди: «Биз өзүмүз, гатлашдығыныз бүтүн тәгибләр вә сыхынтылардакы дөзүмүнүзә вә иманыныза ҝөрә, Аллаһын ҹәмијјәтләриндә сизинлә фәхр едирик. Бу тәҹрүбәләр Аллаһын адил һөкмүнүн әламәтидир ки, уғрунда әзаб чәкдијиниз Аллаһын Сәлтәнәтинә лајиг сајыласыныз» (2 Салон. 1:3-5). Мәсһ олунмушларын сонунҹусу өләндә, Аллаһын сәмави һөкумәтинин үзвләринин сајы тамамланаҹаг. Бу, истәр ҝөјдә, истәрсә дә јердә неҹә дә бөјүк севинҹә сәбәб олаҹаг!

[Һашијәләр]

Изаһ едә биләрсинизми?

• Јеһова Һөкм ҝүнү илә бағлы Ибраһимә нәји ачыглады?

• Ибраһим нә үчүн салеһ елан едилди?

• Салеһ елан олунмаг Ибраһимин нәслинә һансы хејир-дуалары ҝәтирди?

• Бүтүн мәсиһчиләр нәјә әминдирләр?

[20-ҹи сәһифәдәки шәкил]

Иса давамчыларыны Падшаһлыға ҹан атмаға тәшвиг едирди

[21-ҹи сәһифәдәки шәкил]

Ерамызын 33-ҹү илинин Пентикост ҝүнүндә Јеһова Ибраһимин нәслинин икинҹи дәрәҹәли үзвләрини сечмәјә башлады

[23-ҹү сәһифәдәки шәкилләр]

‘Башга гојунлар’ бу сон ҝүнләрдә мәсһ олунмушларын онларла олмаларына ҝөрә миннәтдардырлар