Јадыныздадырмы?
«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын:
• Мүнәҹҹимләр Исанын јанына нә вахт ҝәлмишдиләр?
Мүгәддәс Китаба аид бир нәшрдә дејилир: «Чобанлар кими, Сеһрбазлар да ҝәлиб Исаны доғулдуғу ҝеҹә ахурда ҝөрмәмишдиләр. Онлар ушаға бир нечә ајдан сонра... баш чәкмишдиләр». Һәмин вахт ‘көрпә’ Иса артыг өз евләриндә иди (Мат. 2:7-11). Әҝәр мүнәҹҹимләр Исанын јанына гызыл вә башга гијмәтли һәдијјәләрлә доғулдуғу ҝеҹә ҝәлсәјдиләр, Мәрјәм 40 ҝүндән сонра Исаны мәбәддә тәгдим едәркән ҹәми ики гуш гурбан ҝәтирәрдими? (јанвар-март, сәһ. 31).
• Чохлары һәјатларыны даһа мәналы етмәк үчүн нә етмишләр?
Кимсә соруша биләр: «Нәјисә дәјишдирәрәк һәјатымы садәләшдирә биләрәмми?» Еми белә дә етди. О, мадди ҹәһәтдән имканлы олса да, хошбәхт дејилди. О анлады ки, бу дүнјада карјера далынҹа дүшмәклә, аз гала иман јолундан узаглашмышды. Буна ҝөрә дә Падшаһлығы һәјатында биринҹи јерә гојмағы гәрара алды вә бир мүддәт пионерлик етди. О дејир: «Инди вахтымын чох һиссәсини дүнјәви ишә сәрф едәркән дујмадығым мәмнунлуғу дујурам» (15.1. сәһ. 19).
• Бәзи аналара нә мәмнунлуг ҝәтирир?
Аналарын әксәријјәти ишләјир. Бәзиләри аиләнин зәрури еһтијаҹларыны өдәмәк үчүн, диҝәрләри мадди ҹәһәтдән һеч кимдән асылы олмамаг вә ја тәмтәраг ичиндә јашамаг үчүн ишләјирләр. Бир чохлары исә өз пешәсини севир. Мәсиһчи аналарын евдә, хүсусилә дә ушагларын көрпәлик чағында ојнадығы рол әвәзсиздир. Бәзиләри аз ишләмәк вә ја ишдән чыхмаг гәрарына ҝәлирләр ки, аиләләринә даһа чох диггәт јетирсинләр, бу исә онлара мәмнунлуг ҝәтирир (апрел-ијун, сәһ. 28-31).
• Исанын Матта 24:34 ајәсиндә һаггында данышдығы ‘нәсил’ кимдир?
Иса чох вахт «нәсил» сөзүнү пис инсанларла сөһбәт едәркән вә ја онлар һаггында данышаркән мәнфи мәнада ишләдирди. Анҹаг о, тезликлә мүгәддәс руһла мәсһ едиләҹәк шаҝирдләри илә данышанда белә етмәди. Матта 24:32, 33 ајәләриндә дејиләнләрдән јалныз онлар мүәјјән нәтиҹә чыхара биләҹәкдиләр. Бурадан белә нәтиҹәјә ҝәлирик ки, Иса һәм биринҹи әсрдә, һәм дә мүасир дөврдә јашајан мәсһ олунмуш давамчыларыны нәзәрдә тутурду (15.2. сәһ. 23, 24).
• Јагуб 3:17 ајәсинә әсасән, һансы кејфијјәтләри тәзаһүр етдирмәлијик?
Саф олмаг үчүн биз пис шејләри дәрһал рәдд етмәлијик (Јар. 39:7-9). Биз һәм дә сүлһпәрвәр олмалы, агрессивликдән вә ја сүлһү поза биләҹәк һәрәкәтләрдән узаг дурмалыјыг. Буна ҝөрә дә јахшы олар ки, һәр биримиз өзүмүздән сорушаг: «Мән неҹә танынырам, сүлһ јарадан, јохса сүлһү позан адам кими? Асанлыгла инҹијәрәк, ја да башгаларыны инҹидәрәк, онларла тез-тез наразылығым јаранырмы? Мән бағышламаға вә шәхси гајда-ганунларымы тәјин етмәјәрәк башгаларына ҝүзәштә ҝетмәјә һазыраммы?» (15.3. сәһ. 24, 25).