‘Бир үрәк вә бир ҹанла’ Аллаһа хидмәт едирик
ЈӘҺУДИЛӘР вә прозелитләр Иса Мәсиһин шаҝирдләринин әтрафына топлашыблар. Пентикост бајрамыдыр. Јерусәлимә ҝәләнләр гәрб вә шәргдән — Рома вә Парфија кими узаг әразиләрдәндир. Издиһам арасында мүхтәлиф дилләр ешидилир. Лакин онларла данышанлар Исанын галилејалы шаҝирдләридир. Чаш-баш галан инсанлардан бәзиләри сорушур: «Бәс неҹә олур ки, һәр биримиз өз ана дилимизи ешидир?» (Һәв. иш. 2:8).
Һәвари Петер галхыб, шаһиди олдуглары мөҹүзәнин сәбәбини изаһ едир. Петерин сөзләринин онлара бағышладығы ҝүҹлү тәсир нәтиҹәсиндә минләрлә инсан вәфтиз олур! (Һәв. иш. 2:41). Јығынҹаг сүрәтлә бөјүсә дә, бирлијини горујуб сахлајыр. Мүгәддәс Китабы јазанлардан бири олан Лука дејир: «Иман едәнләрин... бир үрәк вә бир ҹаны вар иди» (Һәв. иш. 4:32).
рамызын 33-ҹү илинин Пентикост ҝүнүндә вәфтиз олан минләрлә инсан јени иманлары һагда өјрәнмәк үчүн Јерусәлимдә даһа чох галмаг истәди. Анҹаг онлар бу гәдәр узун вахт галмағы планлашдырмамышдылар. Буна ҝөрә дә, онлара көмәк етмәк мәгсәдилә мадди вәсаит топламаг гәрара алынды. Мәсиһчиләрин бәзиләри көнүллү олараг мүлкләрини сатыб, пулуну еһтијаҹы оланлара көмәк етмәк үчүн һәвариләрә вердиләр (Һәв. иш. 2:42-47). Онлар неҹә дә ҝөзәл мәһәббәт вә сәхавәтлилик руһу тәзаһүр етдирдиләр!
Һәгиги мәсиһчиләр һәр заман белә мәһәббәт вә сәхавәт руһуну ҝөстәрмишләр. Мүасир мәсиһчи јығынҹағы да Јеһоваја ‘бир үрәк вә бир ҹанла’ хидмәт едир. Һәр бир мәсиһчи вахтыны, ҝүҹүнү вә вәсаитини хош хәбәрин тәблиғинә вә Аллаһын Падшаһлығынын мараглары үчүн сәхавәтлә сәрф едир. («Бәзиләри неҹә ианә едирләр?» чәрчивәсинә бах.)
[6-ҹы сәһифәдәки чәрчивә]
БӘЗИЛӘРИ НЕҸӘ ИАНӘ ЕДИРЛӘР?
ҮМУМДҮНЈА ИШИ ҮЧҮН ПУЛ ИАНӘЛӘРИ
Чохлары өз бүдҹәләриндә мүәјјән мигдарда пул ајырыб, үзәриндә «Үмумдүнја иши үчүн ианәләр (Матта 24:14)» јазылан гутуја атырлар.
Јығынҹаглар бу көнүллү ианәләри һәр ај јерли филиала ҝөндәрирләр. Көнүллү едилән пул ианәләрини өлкәнизә хидмәт едән филиала ҝөндәрмәк олар. Зәһмәт олмаса, ианә илә бирликдә онун һәдијјә олдуғуну билдирән гыса мәктуб да ҝөндәрин.
ИАНӘНИН ДИҜӘР НӨВЛӘРИ
Бәзи өлкәләрдә үмумдүнја тәблиғ ишини дәстәкләмәк үчүн пул ианә етмәкдән савајы, башга үсуллар да вар. Онлардан бәзиләри бунлардыр:
Дашынмаз әмлак. Сатыша јарарлы олан дашынмаз әмлакы һәдијјә кими ја бирбаша филиала ианә етмәк олар, ја да һәдијјә едәнин өләнәдәк орада јашајыб әмлакына саһиблик һүгугуна малик олмаг шәртилә ианә етмәк олар. Өз әмлакынызы һәдијјә олараг филиала вермәк үчүн сәнәдләри һазырламаздан өнҹә, зәһмәт олмаса, филиал илә әлагә јарадын.
Вәсијјәтнамә. Әмлакы вә ја пулу ганунла мүәјјән олунмуш формада тәртиб едилән вәсијјәтнамә әсасында филиала вермәк олар. Белә олан һалда, зәһмәт олмаса, вәсијјәтнамәнин сурәтини филиала ҝөндәрин.