ЈАДЫНЫЗДАДЫРМЫ?

«Ҝөзәтчи гүлләси»нин сон сајларыны диггәтлә охумусунузса, ашағыдакы суаллара ҹаваб вермәјә чалышын.

Мәсиһчиләрә ҹәназәни јандырмаг ҹаиздирми?

Ҹәназәни јандырыб-јандырмамаг һәр кәсин шәхси гәрарыдыр. Мүгәддәс Китабда бу барәдә дәгиг һеч нә дејилмәсә дә, гејд етмәјә дәјәр ки, Шаул падшаһын вә оғлу Јонатанын ҹәсәди јандырылыб басдырылмышды (1 Шам. 31:2, 8—13) (15/6, сәһифә 7).

Неҹә әмин ола биләрик ки, баш верән пис шејләрин сәбәбкары Аллаһ дејил?

Аллаһ бүтүн јолларында адилдир. Һагг, садиг вә доғру олан Одур. Јеһова һәмчинин нәвазишли вә мәрһәмәтлидир (Ганун. т. 32:4; Мәз. 145:17; Јаг. 5:11) (1/7, сәһифә 4).

Даһа чох тәләбат олан әразијә көчән тәблиғчи һансы чәтинликләрлә үзләшә биләр?

Үч чәтинлик вар: 1) фәргли шәраитә ујғунлашмаг, 2) ев һәсрәти чәкмәк вә 3) орадакы баҹы-гардашларла достлашмаг. Белә чәтинликләрдән кечәнләрин чохлары бол хејир-дуалар бичибләр (15/7, сәһифә 4, 5).

Нәјә ҝөрә јени буклетләр еффектив вә истифадәси асандыр?

Онларын тәртибаты ејнидир. Һәр буклет инсана Мүгәддәс Китаб ајәси охумаға вә суалла мүраҹиәт етмәјә көмәк едир. Ҹавабындан асылы олмајараг биз икинҹи сәһифәни ачыб Мүгәддәс Китабда бу барәдә нә дејилдијини ҝөстәрә биләрик. Һәмчинин тәкрар башчәкмә үчүн суал верә биләрик (15/8, сәһифә 13, 14).

Валидејнләр ушагларынын гајғысына галмаг үчүн нә едә биләрләр?

Ушаглары танымаг үчүн онлары динләмәк ваҹибдир. Онлары руһани ҹәһәтдән гидаландырын. Мәсәлән, ушаглар руһани гида илә бағлы шүбһәләрини дилә ҝәтирәндә меһрибанҹасына јол ҝөстәрин (15/9, сәһифә 18—21).

Аллаһын Падшаһлығы нәләрә сон гојаҹаг?

Хәстәликләрә, өлүмә, ишсизлијә, мүһарибәләрә, аҹлыг вә касыбчылыға (1/10, сәһифә 6, 7).

Мүгәддәс Китабдакы һансы әһд башгаларына Мәсиһлә бирҝә идарә етмәјә јол ачды?

Ахырынҹы Пасха јемәјини једикдән сонра Иса садиг шаҝирдләри илә Падшаһлыг әһди адланан бир әһд бағлады (Лука 22:28—30). Бу, онлары әмин етди ки, онлар ҝөјдә Иса илә бирликдә идарә едәҹәкләр (15/10, сәһифә 16, 17).

Јагубун Һәвариләрин ишләри 15:14 ајәсиндә бәһс етдији кими, Аллаһын «Өз адына бир халг» кимләр иди?

Онлар Аллаһын «әзәмәтли кејфијјәтләрини бәјан етмәк» үчүн јәһудиләрдән вә гејри-јәһудиләрдән сечилмиш сој иди (1 Пет. 2:9, 10) (15/11, сәһифә 24, 25).