Мүнтәзәм олараг журнал вердијимиз адамларла Мүгәддәс Китаб өјрәнмәсинә неҹә башламаг олар?
1. Сентјабр ајлы әрзиндә мәгсәдимиз нә олаҹаг?
1 Биз тәкрар башчәкмә заманы «Мүгәддәс Китаб өјрәдир» нәшриндән истифадә едәрәк Мүгәддәс Китаб өјрәнмәси башламаг мәгсәдилә сентјабр ајларында «Ҝөзәтчи Гүлләси» журналыны пајлајаҹағыг. Ашағыда бир нечә фајдалы мәсләһәтләр тәгдим едилир. Јадда сахла ки, тәгдимәләри өз әразинә ујғунлашдырмаг вә өз сөзләринлә демәк олар. Сәнин үчүн еффективдирсә, башга үсуллардан истифадә етмәјә чәкинмә.
2. Биз Мүгәддәс Китаб өјрәнмәси башламаг үчүн «Мүгәддәс Китаб өјрәдир» нәшринин ҝириш сәһифәләриндән неҹә истифадә едә биләрик?
2 Китабын ҝириш сәһифәләрдән истифадә ет. Тәкрар ҝәләркән тәхминән белә дејә биләрсән: «Мәним сизә вердијим журналлар диггәти бирбаша Мүгәддәс Китаба јөнәлдир. Бурада, Мүгәддәс Китабы охумағын нә үчүн ваҹиб олдуғу гејд едилир». Јешаја 48:17, 18; Јәһја 17:3 вә ја Мүгәддәс Јазылардан башга мүнасиб ајәләр оху. «Мүгәддәс Китаб өјрәдир» китабынын ҝириш сөзләрини дедикдән вә ев саһибинә бу китабы вердикдән сонра, ашағыда ҝөстәрилән кими давам едә биләрсән:
◼ «Мүгәддәс Китаб ҝәләҹәјә даир реал үмид верир». Ев саһибинә 4-ҹү вә 5-ҹи сәһифәләри ҝөстәриб соруш: «Сиз бу вәʼдләрдән һансынын јеринә јетмәсини истәјәрдиниз?» Ев саһибинә онун сечдији вә’дин мүзакирә олундуғу фәсли ҝөстәр вә әҝәр о, иҹазә верәрсә, гысаҹа бир-ики абзасы мүзакирә ет.
◼ Јахуд белә дејә биләрсән: «Мүгәддәс Китаб һәјатын ән ваҹиб суалларына ҹаваб верир». Ев саһибинин диггәтини 6-ҹы сәһифәјә јөнәлт вә соруш ҝөр сәһифәнин ашағы һиссәсиндәки суаллардан һансы ону марагландырыр. Һәмин суала ҹаваб верән сәһифәни ач вә гысаҹа бир-ики абзасы мүзакирә ет.
◼ Бундан әлавә, мүндәриҹатда олан фәсилләри ҝөстәр вә ев саһибиндән һансы мөвзунун мараглы олдуғуну соруш. Һәмин фәсли ач вә Мүгәддәс Китаб өјрәнмәсинин неҹә кечдијини гысаҹа ҝөстәр.
3. Гојдуғумуз журнал а) дүнјада шәраитин писләшмәсиндән, б) аиләдән, ҹ) Мүгәддәс Китабын е’тибарлы олмасындан бәһс едирсә, Мүгәддәс Китаб өјрәнмәсинә неҹә башлаја биләрик?
3 Биринҹи башчәкмәдә галдырылан суал. Илк ҝөрүшдә тәкрар башчәкмәјә тәмәл гојмаг даһа бир үсулдур. Ев саһиби журналлары ҝөтүрдүкдән сонра, бир суал вер вә нөвбәти ҝөрүшдә ҹаваб верәҹәјини вә’д ет. Дәгиг вахт тә’јин етмәјә вә мүтләг вахтында ҝәлмәјә чалыш (Мат. 5:37). Тәкрар ҝәлдијин заман суалы ев саһибинә хатырлат вә «Мүгәддәс Китаб өјрәдир» китабындан һәмин суалын ҹавабыны гысаҹа охујуб мүзакирә ет. Она да бир китаб вер ки, мүзакирәни изләјә билсин. Ашағыда бир нечә нүмунә тәклиф едилир.
◼ Әҝәр дүнјада шәраитин писләшмәсиндән бәһс едән журнал гојмусанса, белә дејә биләрсән: «Ҝәлән дәфә биз сизинлә “Аллаһ јер үзүндә һансы дәјишиклији едәҹәк?” суалыны Мүгәддәс Китабын васитәсилә мүзакирә едә биләрдик». Тәкрар ҝәләркән 4-ҹү вә 5-ҹи сәһифәләрдән истифадә ет. Јахуд бу суалы галдыра биләрсән: «Фәлакәтләр Аллаһын ирадәси иләми баш верир?» Тәкрар башчәкмә заманы ев саһибинә 1-ҹи фәслин 7-ҹи вә 8-ҹи абзасларыны ҝөстәр.
◼ Аиләдән бәһс едән журнал гојмусанса, ајрылмаздан өнҹә белә бир суал галдыра биләрсән: «Аилә һәјатыны хошбәхт етмәк үчүн аиләнин һәр бир үзвү нә едә биләр?» Тәкрар ҝәлдикдә исә 14-ҹү фәслин 4-ҹү абзасыны мүзакирә ет.
◼ Мүгәддәс Китабын е’тибарлы олмасындан бәһс едән журнал вермисәнсә, нөвбәти дәфә мүзакирә етмәјин үчүн бу суалы верә биләрсән: «Мүгәддәс Китаб елми ҹәһәтдән дәгигдирми?» Тәкрар баш чәкәндә 2-ҹи фәслин 8-ҹи абзасыны мүзакирә ет.
4. Ев саһиби «Мүгәддәс Китаб өјрәдир» китабыны ҝөтүрмәкдән имтина едирсә, биз нә етмәлијик?
4 Һәр мүзакирәнин сонунда нөвбәти башчәкмәдә ҹаваб верәҹәјин бир суал галдыр. Мүнтәзәм өјрәнмә баш тутан кими, китабы башдан ахыра гәдәр систематик мүзакирә ет. Бәс әҝәр ев саһиби «Мүгәддәс Китаб өјрәдир» китабыны ҝөтүрмәкдән имтина едирсә? Онда сән она журналлар ҝәтирмәјә вә Мүгәддәс Јазылардан ајәләр мүзакирә етмәјә давам едә биләрсән. Сән онун марағыны артырдыгҹа, бәлкә бир вахт олур Мүгәддәс Китаб өјрәнмәсинә разылыг верир.
5. Нә үчүн биз инсанлара журналлар вермәкдән даһа артыг иш етмәјә чалышмалыјыг?
5 Иса бизә ‘шаҝирдләр һазырламағы, онлары өјрәтмәји’ тапшырыб (Мат. 28:19, 20). Буна ҝөрә дә, журналлар верәркән бизим әсас мәгсәдимиз, сәмими инсанлара һәгигәти өјрәтмәкдир. Сентјабр ајы әрзиндә, «Ҝөзәтчи Гүлләси» журналыны верәркән Мүгәддәс Китаб өјрәнмәсинә башламаг үчүн хүсусилә сә’ј ҝөстәр.