Јадыныздадырмы?
«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын.
• Бу дүнјада дүрүст олмаға бизә һансы үч амил көмәк едәҹәк?
1) Аллаһ горхусу инкишаф етдирмәлијик (1 Пет. 3:12). 2) Виҹданымызы Мүгәддәс Китаб әсасында тәрбијә етмәлијик. 3) Оланымызла кифајәтләнмәји өјрәнмәлијик (15.4, сәһифә 6 вә 7).
• Һарадан билирик ки, Аллаһа ҹиддијјәтлә хидмәт етмәк ағыр хасијјәтли олмаг вә һеч әјләнмәмәк демәк дејил?
Биз Исадан нүмунә ҝөтүрмәлијик. О, башгалары илә сүфрә архасында јығышмағы хошлајырды. Биз билирик ки, о, һәддән артыг ҹидди вә ағыр хасијјәтли инсан дејилди. Башгалары, һәтта балаҹа ушаглар белә өзләрини онун јанында чох раһат вә сәрбәст һисс едирдиләр (15.4, сәһифә 10).
• Әҝәр әрлә арвад өвладлары дүнјаја ҝәлдикдән сонра мүнасибәтләринин зәифләдијини һисс едирләрсә, нә едә биләрләр?
Онлар бир-бирләрини мәһәббәтләринә әмин етмәлидирләр. Әр арвадыны јерсиз нараһатчылыгдан горумаг үчүн сәј ҝөстәрмәлидир. Һәр икиси дә һиссләрини вә физики тәләбатларыны ачыг мүзакирә етмәји өјрәнмәлидир (ијул—сент., сәһифә 12 вә 13).
• Павел «Ромалылара мәктуб»унун 11-ҹи фәслиндә зејтун ағаҹы нүмунәси әсасында нәји изаһ етмәк истәјирди?
Зејтун ағаҹы нүмунәси Ибраһимин нәслиндән олан өвладын икинҹи дәрәҹәли үзвләринә аиддир. Бу символик зејтун ағаҹынын көкү Јеһованы, ҝөвдәси исә Исаны тәмсил едир. Әслән јәһуди оланларын әксәријјәти Мәсиһи рәдд едәндә һәгигәти гәбул едән гејри-јәһудиләрин гаршысында зејтун ағаҹына ҹалаг едилмәк имканы ачылды. Бунун сајәсиндә Ибраһимин нәслиндән олан өвлады тәшкил едән икинҹи дәрәҹәли үзвләрин сајы тамамлана биләҹәкди (15.5, сәһифәләр 22—25).
• Исанын Кајафаја дедији: «Сән өзүн буну дедин», — сөзләри һансы мәнаны дашыјыр? (Мат. 26:63, 64).
Ҝүман ки, «сән өзүн буну дедин» ифадәси дејилән сөзүн һәгигәт олдуғуну тәсдигләјән јәһуди идиому иди. Баш каһин Кајафа Исадан онун Мәсиһ олуб-олмадығыны сорушмушду. Иса ҹавабында: «Сән өзүн буну дедин», — демәклә онун сөзләрини тәсдигләди (ијул—сент., сәһифә 26).
• Камил инсан олан Исадан төрәјә биләҹәк нәсил фидјә гурбанлығынын бир һиссәси ола биләрдими?
Хејр. Исанын милјардларла камил инсанларын улу бабасы олмаг имканы олса да, онлар фидјә гурбанлығынын һиссәси ола билмәјәҹәкдиләр. Тәкҹә Исанын камил һәјаты Адәминкинә мүвафиг иди (1 Тим. 2:6) (15.6, сәһифә 13).
• Мәсиһчиләр Һәвариләрин ишләри 20:29, 30 ајәләриндә сахта мүәллимләр һаггындакы хәбәрдарлыға ҹидди јанашдыгларыны неҹә ҝөстәрә биләрләр?
Мәсиһчиләр белә инсанлары нә саламлајыр, нә дә ки евләринә дәвәт едирләр (Ром. 16:17; 2 Јәһ. 9—11). Дөнүкләр телевизијада чыхыш едәндә мәсиһчиләр һәмин верилишләрә бахмыр, онларын әдәбијјатларыны охумур вә тәлимләри јерләшдирилән Интернет сәһифәләринә дахил олмурлар (15.7, сәһифә 15 вә 16).
• Мәһсулун галығы һаггында ганун кимләрә фајда ҝәтирирди?
Һамыја. Бу ганун мәһсулун галығыны топлајан касыблары зәһмәткеш олмаға, әкинчиләри исә сәхавәт ҝөстәрмәјә вә Аллаһын хејир-дуаларына үмид бәсләмәјә тәшвиг едирди (апр.—ијун, сәһифә 15).