Ҝөрүшләр ушаглара фајда ҝәтирир
1 Гәдим Исраилдә һәтта балаҹа ушаглар белә, ибадәт етмәк үчүн тәшкил олунан ҝөрүшләрә ҝәлирдиләр (Ганун. т. 31:12). Бу ҝүн дә Јеһованын Шаһидләринин јығынҹаг ҝөрүшләри ушаглара фајда ҝәтирир (Мәз. 148:1, 12).
2 Дүздүр, ушагларын фикри асанлыгла јајыныр. Диггәтлә гулаг асмағы онлара өјрәтмәк лазымдыр. Онларын һәм дә еһтијаҹы вар ки, тәгдим олунан материалын мүәјјән һиссәләри онлара баша салынсын.
3 Ҝөрүшләрә һазырлыг. Евдә ушаглара дүзҝүн баша саланда, онлар Јеһоваја ибадәт етмәк үчүн башгалары илә бир јердә јығышмағы гијмәтләндирәҹәкләр. Онлара изаһ етмәк лазымдыр ки, бу һалда да итаәткарлыг ҝөстәрмәјин хејри вар. Һәтта јашы лап аз оланлара белә ҝөрүшләрин онлар үчүн дә олдуғуну баша салмаг олар (Мәз. 133:1; Јешаја 48:17; Мат. 19:14).
4 Јахшы оларды ки, һәр ушағын өз Мүгәддәс Китабы, нәғмә китабы вә ҝөрүш заманы истифадә олунан башга әдәбијјаты олсун. Валидејнләр ушагларына һәр ҝөрүшүн һеч олмаса һансыса бир һиссәсинә һазырлашмаға көмәк етмәлидирләр (Ибр. 10:23). Анҹаг ушағын дәркетмә габилијјәтини вә ҝөрүшләрдә нә дәрәҹәдә иштирак едә биләҹәјини дә нәзәрә алмаг лазымдыр.
5 Бә’зи ушаглара ҝөрүш заманы хүсуси тапшырыглар верилир. Балаҹа ушагларын Аллаһын адынын, Падшаһлыг сөзүнүн вә ја мүәјјән Мүгәддәс Китаб мөвзусунун ҝөрүш заманы нечә дәфә сәсләнмәсини гејд етмәк вә бу барәдә нә исә демәк хошуна ҝәлир. Јашы бир аз чох олан ушаглара охунан вә ја ситат ҝәтирилән ајәләри ачмағы тапшырмаг олар. Ушаглары јалныз ҝөстәрдикләри сә’јә ҝөрә тә’рифләјәндә тапшырығын онлара фајдасы олаҹаг. Вахт кечдикҹә онлар шәрһ верә вә ја ҝөрүшдә тәгдим олунан материалдан хошларына ҝәләни сөјләјә биләрләр.
6 Охумағы баҹаран ушаглары тәшкилатын бурахдығы әдәбијјаты охумаг үчүн ҹәдвәл тутмаға тәшвиг етмәк вә бу ишдә онлара көмәк етмәк олар. Баҹарығындан асылы олараг, ушаг «Мүгәддәс Китаб һекајәләри», «Бөјүк Мүәллим» (рус.) вә «Ҝәнҹләрин суаллары» (рус.) китабларыны, о ҹүмләдән, журналлардан мүәјјән мәгаләләри сечә биләр. Бунунла ушаг, тәшкилатын һазырда нәшр етдији бүтүн әдәбијјатлары охујаҹаг.
7 Ҝејим вә давраныш. Чох вахт олур ки, мараглананлар ҝөрүшләрә ҝәләндә ушагларымызын әдәбли ҝејими онлара ҝүҹлү тә’сир бағышлајыр. Ушағын ҝејими онун ҝөрүшләрә мүнасибәти вә ҝөрүшләрдә өзүнү апармасы илә сых бағлыдыр. Тәшкилатын Бруклиндәки мәркәзи идарәсинә вә ја башга филиалларына ҝедәндә јахшы олар ки, ушаглар вә бөјүкләр ҝөрүшләрә ҝејиндикләри кими ҝејинсинләр.
8 Ҝөрүшләрдә ушагларын јахшы давранышы, һәмчинин Јеһованы иззәтләндирир вә адына шәрәф ҝәтирир. Буна ҝөрә дә, валидејнләр ҝөрүшләрдә ушагларына нәзарәт етмәјин ваҹиб олдуғуну баша дүшмәлидирләр. Мәс’улијјәтли валидејнләр аиләси илә бирҝә отураҹаг вә бүтүн ҝөрүш боју ҝөз гојаҹаглар ки, ушаглар өзләрини јахшы апарсынлар. Әлавә мәсләһәт үчүн валидејнләр ушагларыны јахшы тәрбијә етмиш диҝәр валидејнләрә мүраҹиәт едә биләрләр.
9 Биз истәјирик ки, ушаглар мәсиһчи ҝөрүшләриндә там иштирак едәрәк башгаларыны ‘мәһәббәтә вә хејирли ишләрә тәшвиг етсинләр’ (Ибр. 10:24). Јеһова Аллаһын халгынын кечирдији ҝөрүшләрдә ушагларын да јери вар.