Падшаһлыг Залына һөрмәтлә јанашырсанмы?
1 «Нә јахшыдыр, нә хошдур гардаш олуб, бир јашамаг!» (Мәз. 133:1). Падшаһлыг Залында кечирилән ҝөрүшләримиз бизим үчүн гардашларымызла бир јердә олмаға шәраит јарадыр вә бунун сајәсиндә бир-биримизи мәһәббәтә вә хејирли ишләрә тәшвиг едә билирик (Ибр. 10:24, 25).
2 Һәјатымызда белә ваҹиб рол ојнајан Падшаһлыг Залына һәгигәтән дә һөрмәтлә јанашырыгмы? Падшаһлыг Залы һәмин әразидә һәгиги ибадәтин мәркәзидир. Буна ҝөрә дә ону јүксәк гијмәтләндирмәлијик. Ону тәмиз вә јахшы вәзијјәтдә сахламаг үчүн һәр биримиз әлимиздән ҝәләни етмәлијик. Вахташыры китабөјрәнмә групумуз залы тәмизләмәјә тә’јин олуна биләр. Бу ишдә бизим дә иштирак етмәк имканымыз варса, буну һәвәслә етмәлијик. Белә давранмагла тәмиз вә јарашыглы ҝөрүш јеримизи гијмәтләндирдијимизи ҝөстәрәҹәјик.
3 Залы тәмизләмәк нөвбәмиз олуб-олмамасына бахмајараг, һамымыз Падшаһлыг Залында сәлигә-саһманы горуја биләрик. Неҹә? Мәсәлән, зала ҝирәндә ајагларымызы силә биләрик ки, дөшәмәни чиркләндирмәјәк. Буну, хүсусилә сәрт һаваларда етмәк ваҹибдир. Әлләримизи јујандан сонра тәмиз галмасы үчүн, әлүзјујаны һәртәрәфли силә биләрик. Әдәбијјата бахан гардашлар бош гутулары дәрһал атмагла тәмизлијин гајғысына галдыгларыны ҝөстәрә биләрләр. Лазым олмајан шејләр онлар үчүн нәзәрдә тутулан хүсуси јерләрә гојулмалыдыр. Дөшәмәдә кағыз вә ја башга зибил ҝөрсәк, башгасынын ҝөтүрәҹәјини ҝөзләмәк әвәзинә, буну өзүмүз етмәлијик. «Бизим Падшаһлыг Хидмәтимиз»ин 2000-ҹи ил, октјабр сајынын «Суаллар гутусу»нда е’ланлар лөвһәсини сәлигәли сахламаг барәдә мәсләһәтләр верилир. Сәдрлик едән нәзарәтчинин ҝөстәришинә мүвафиг олараг һамы бу мәсләһәтә әмәл етмәлидир (км 10/00 с. 7, рус.).
4 Бүтүн бунлар конгресләрә дә аиддир. Конгрес кечирилән јер, Конгрес Залы вә ја башга бина олмасындан асылы олмајараг, тәмиз ибадәтин мәркәзидир вә бизим һөрмәтимизә лајигдир. Орадан чыханда отурдуғумуз јердә зибил галыб-галмадығыны јохламалыјыг. Биз һәмишә әмәкдашлыг етмәјә һазыр олмалыјыг вә дүшүнмәмәлијик ки, јығышдырмаға тә’јин олунанлар биздән сонра оралары тәмизләмәлидирләр.
5 Үмуми Зал. Дашынмаз әмлак баһа олдуғу үчүн бир чох јерләрдә Падшаһлыг Залындан бир нечә јығынҹаг истифадә едир. Шәһәр јерләриндә беш вә ја алты јығынҹағын јалныз бир Падшаһлыг Залы олур. Һәр јығынҹаг залын гајғысына галмалы вә баша дүшмәлидир ки, бура Јеһоваја мәхсусдур вә Она ибадәт етмәк үчүн истифадә олунур. Бизи Падшаһлыг Залына һөрмәтлә јанашмаға тәкҹә Јеһоваја дејил, һәм дә залдан истифадә едән башга јығынҹагдакы гардашлара мәһәббәтимиз тәшвиг едәҹәк.
6 Адәтән Падшаһлыг Залы һәфтәдә бир дәфә јығышдырылыр. Әҝәр залдан бир нечә јығынҹаг истифадә едирсә, һәр ҝөрүшдән сонра тәмизләмәк лазымдыр ки, нөвбәти јығынҹаг ҝәләндә зал тәмиз олсун. Буну, базар ҝүнләри ҝөрүшләр бир-биринин архасынҹа кечириләндә дә етмәк лазымдыр. Вахтдан асылы олараг, нөвбәти јығынҹаг ҝәләнә кими бә’зи тәмизлик ишләри апармаг олар. Ејни ҝүндә залдан бир нечә јығынҹаг истифадә едәндә, онлардан һеч бири залы јығышдырмаса, ҝүнүн ахырында залда сәлигә-саһман галмаз.
7 Руһани мәсәләләрдә ‘һамымыз ејни дүшүнҹәдә вә ејни рә’јдә бирләшдијимиз’ кими, ҝәлин Падшаһлыг Залына һөрмәтлә јанашмагда да бирләшәк (1 Кор. 1:10).