Ҝәлин, ибадәт јеримизи јахшы вәзијјәтдә сахлајаг

1. Падшаһлыг Заллары һансы мәгсәдә хидмәт едир?

¹ Бүтүн дүнјада Јеһованын Шаһидләринин 94 000-дән артыг јығынҹағы вар. Јығынҹагларын чоху Мүгәддәс Китабы өјрәнмәк вә мәсиһчи ҝөрүшләри кечирмәк үчүн, һәгиги ибадәтин јерли мәркәзи кими хидмәт едән Падшаһлыг Залларында топлашырлар.

2. Падшаһлыг Залынын тәмиз вә сәлигәли вәзијјәтдә олмасы нәјә ҝөрә ваҹибдир?

² Падшаһлыг Залынын јығышдырылмасы. Падшаһлыг Залына гуллуг етмәк — мүгәддәс хидмәтимизин зәрури һиссәсидир. “Хидмәтимиз” китабынын 61, 62-ҹи сәһифәләриндә (рус.) дејилир: “Гардашлар Падшаһлыг Залыны тәкҹә мадди ҹәһәтдән тә’мин етмәји дејил, һәмчинин ону тәмиз, сәлигәли вә јахшы вәзијјәтдә сахламаг үчүн көнүллү олараг имканларыны тәгдим етмәји дә үстүнлүк сајмалыдырлар. Падшаһлыг Залы һәм дахилдән, һәм дә хариҹдән Јеһованын тәшкилатыны лајигли шәкилдә тәмсил етмәлидир”. Падшаһлыг Залы һәфтә әрзиндә бир нечә дәфә истифадә олундуғу үчүн, ораны мүнтәзәм олараг тәмизләмәк вә башга ишләр ҝөрмәк лазымдыр. Адәтән бу иши, һәмин Залда ҝөрүшләр кечирән јығынҹаглардан көнүллү шәхсләр ҝөрүр. Мүгәддәс Китабын јазылдығы дөврләрдә олдуғу кими, Јеһованын хидмәтчиләри бу ҝүн дә мәсиһчи ҝөрүшләринин кечирилдији јери “јениләмәк вә тә’мир етмәк үчүн” сә’ј ҝөстәрмәлидирләр (2 Тарих. 34:10).

3. Падшаһлыг Залынын јығышдырылмасы неҹә тәшкил едилир вә бу ишдә кимләр иштирак едә биләр?

³ Е’ланлар лөвһәсиндә Падшаһлыг Залынын һәфтәлик јығышдырылмасы ҹәдвәлини асмаг лазымдыр. Һәр бир китабөјрәнмә групу һәфтә әрзиндә Падшаһлыг Залыны ишләрин сијаһысы ҹәдвәлинә әсасән нөвбә илә јығышдырыр, сонра буну нөвбәти груп едир. Падшаһлыг Залыны һәр һәфтә јығышдырмагда вә сәлигәјә салмагда имканы олан һәр кәс иштирак етмәлидир. Ушаглар валидејнләринин нәзарәти алтында Залы јығышдырмагда иштирак едәндә, онлар башгаларына хидмәт етмәк имканыны гијмәтләндирмәји өјрәнирләр. Әҝәр Падшаһлыг Залындан бир нечә јығынҹаг истифадә едирсә, онларын јығышдырмаг вә Зала гуллуг етмәк ишиндә әмәкдашлығы хүсусилә ваҹибдир ки, бу иши јеринә јетирмәк мәс’улијјәти јалныз ејни кәсләрин үзәринә дүшмәсин.

4. Јығынҹаг үзвләринә Падшаһлыг Залыны неҹә јығышдырмаг лазым ҝәлдијини баша дүшмәкдә неҹә көмәк етмәк олар?

⁴ Јығышдырмаг үчүн тәтбиг едилән аләт вә кимјәви вәсаитләрин сахланылдығы јердә һәр ҝөрүшдән сонра ҝөрүләси ишләрин сијаһысыны асмаг олар: мәсәлән, бура дөшәмәни тозсоранла тәмизләмәк, пәнҹәрәләри јумаг, тозу силмәк, зибили атмаг, ҝүзҝүләри вә дөшәмәни јумаг дахилдир. Бә’зи ишләри, мәсәлән, тахта мебели парылдатмаг вә стуллары, пәрдәләри вә чыраглары әсаслы сурәтдә тәмизләмәк кими ишләри һәр дәфә етмәк ваҹиб дејил. Јығышдырмаг үчүн истифадә едилән бүтүн кимјәви васитәләри ушагларын әли чатмајан јердә сахламаг вә үзәрини ајдын шәкилдә јазмаг лазымдыр. Һәмчинин һәр бир васитәдән истифадә етмәјин үсулуну гыса олараг изаһ етмәк лазымдыр.

5. Тәһлүкәсизлик нә дәрәҹәдә ваҹибдир вә вахташыры олараг нәји јохламаг лазымдыр? (4-ҹү сәһифәдәки чәрчивәјә бах.)

⁵ Падшаһлыг Залындакы тәһлүкәсизлијә хүсуси диггәт јетирмәк лазымдыр, буна ҝөрә дә 4-ҹү сәһифәдәки чәрчивәдә бунунла әлагәли бә’зи тәләбләр садаланыр (Тәс. 22:8). Вахташыры олараг бу тәләбләрә риајәт едилиб-едилмәдијини јохламаг лазымдыр. Бу, баш верә биләҹәк бәдбәхт һадисәләрин гаршысыны алмаға көмәк едәр.

6. Падшаһлыг Залына гуллуг едилмәси иши неҹә тәнзимләнир?

⁶ Падшаһлыг Залына гуллуг етмәк вә онун тә’мири. Падшаһлыг Залына гуллуг едилмәсинин гејдинә галмаг ағсаггаллар шурасынын вәзифәсидир. Бир гајда олараг бу иши тәнзимләмәк мәгсәдилә ағсаггал вә ја хидмәти көмәкчи тә’јин едилир. О, Залын тәмиз олмасына вә һәр шејин өз гајдасында ишләмәсинә, һәмчинин лазым олан һәр шејин олмасына нәзарәт едәрәк, Падшаһлыг Залынын ҝүндәлик ишини тәшкил едир. Ваҹибдир ки, нә Залда, нә дә һәјәтјаны саһәдә тәһлүкәли һеч бир шеј олмасын. Падшаһлыг Залындан бир нечә јығынҹаг истифадә едирсә, ағсаггаллар шурасы бинаја вә мүлкијјәтә гуллуг едилмәси ишини тәшкил едән истисмар комитәси тә’јин едир. Бу комитә ағсаггаллар шурасынын рәһбәлији алтында ишләјир.

7. а) Падшаһлыг Залыны јахшы вәзијјәтдә сахламаг үчүн һәр ил һансы ишләр ҝөрүлүр? б) Һансы мәсәләләр вахташыры олараг диггәт тәләб едир? (5-ҹи сәһифәдәки чәрчивәјә бах.)

⁷ Һәр ил Падшаһлыг Залына һәртәрәфли нәзарәт едилир. Әҝәр ағсаггаллар мүәјјән едирләр ки, Падшаһлыг Залында вә ја һәјәтјаны саһәдә нә исә етмәк лазым ҝәлдијини ашкар едирләрсә, онлар лазыми тәдбирләр ҝөрүрләр. Тә’мир ишләринин јеринә јетирилмәси вә ја Зала гуллуг едилмәси үчүн тәблиғчиләри дә’вәт етмәк олар. Һамы һәтта хырда нөгсанлары ҝөрдүкдә онлары арадан галдырмаг үчүн јубанмадан бир тәдбир ҝөрмәлидирләр.

8. Подратчы тәләб олунан һалда неҹә давранмаг лазымдыр?

⁸ Јығынҹағын пул вәсаитинин мүдрик тәрздә истифадә олунмасы. Падшаһлыг Залындакы вә һәјәтјаны саһәдәки ишин чох һиссәси көнүллүләр тәрәфиндән јеринә јетирилир. Онларын фәдакар әмәји илк нөвбәдә мәһәббәтин ҝөзәл тәзаһүрүдүр. Бу әмәк Падшаһлыг Залына гуллуг етмәк үчүн сәрф едилән хәрҹләри хејли дәрәҹәдә азалтмаға көмәк едир. Әҝәр һансыса ишләрин јеринә јетирилмәси үчүн (мәсәлән, һәшәратларла мүбаризә вә ја гарын тәмизләнмәси) подратчы тәләб олунурса, ағсаггаллар даһа сәмәрәли үсулу сечирләр. Бу иш нөвбәти тәрздә һәјата кечирилир: әввәлҹә јеринә јетириләси ишин вә бу иш үчүн лазым олан материалларын ајдын тәсвири јазылы шәкилдә һазырланыр. Бу тәсвирин сурәтләри ајры-ајры подратчылара өтүрүлүр. (Бу заман ишин кејфијјәтинә вә тарихинә даир тәләбләр һәр јердә ејни олмалыдыр.) Нәзәрдә тутулан бир нечә подратчыдан јазылы шәкилдә тәклифләр алдыгдан сонра, ағсаггаллар даһа сәрфәли олан тәклифи сечә биләрләр. Бу иши јеринә јетирмәји вә ја лазыми материаллары мүәјјән гијмәтә әлдә едиб чатдырмағы гардашлардан ким исә тәклиф едән заман да бу ҹүр давранмаг лазымдыр.

9. Јығынҹағын малијјә вәсаитләринин лазыми тәрздә истифадә едилмәси үчүн нә етмәк олар?

⁹ Ағсаггаллар һәм дә дини тәшкилатлар үчүн нәзәрдә тутулмуш, мәсәлән, коммунал хидмәти кими бүтүн верҝиләрдән азад едилмә имканларындан истифадә етмәјә чалышырлар. Падшаһлыг Залындан бирдән артыг јығынҹаг истифадә едирсә, истисмар комитәси ајрыҹа малијјә фонду јарадыр вә ајда бир дәфә малијјә хәрҹләри һаггында һәр ағсаггаллар шурасы гаршысында јазылы сурәтдә һесабат верир. Ағсаггаллар јығынҹағын вәсаитләринин лазыми тәрздә өдәнилмәси үчүн ҹавабдеһлик дашыјырлар.

10. Әҝәр әсаслы тә’мир вә ја јениләшдирмәк тәләб олунурса, нә етмәк лазымдыр?

¹⁰ Әсаслы тә’мир вә јениләшдирмә. Истисмар комитәси Падшаһлыг Залында бөјүк һәҹмли иш ҝөрүлмәли олдуғуну дүшүнүрсә, гәрар гәбул едилмәси үчүн өз тәклифләрини ағсаггаллар шурасына тәгдим едир. Әҝәр Залда әсаслы тә’мир кечирилмәси вә ја онун јениләшдирилмәси, ја да һәмин Залда ҝөрүш кечирән јығынҹағын (јығынҹагларын) кәнардан көмәјә еһтијаҹы олдуғу һагда гәрар гәбул едилибсә, ағсаггаллар филиалла әлагә сахламалыдырлар. Белә олдугда тәҹрүбәли гардашлар мүәјјән мәсләһәтләр верә биләр вә ја лазыми рәһбәрлик ҝөстәрә биләр. Әҝәр нәзәрдә тутулан ишин јеринә јетирилмәси үчүн бөјүк мәбләғдә пул лазым оларса, онун дәгиг дәјәрини һесабламаг вә јығынҹағын нәзәринә чатдырылаҹаг гәтнамә һазырламаг лазымдыр. (“Бизим Падшаһлыг Хидмәтимиз”ин 1994-ҹү ил феврал сајындакы (рус.) “Суаллар гутусу”на бах.)

11. Падшаһлыг Залында ҝөрүшләр кечирә билдијимиз үчүн миннәтдарлығымызы неҹә ҝөстәрә биләрик?

¹¹ Биз Падшаһлыг Залында ҝөрүш кечирмәк имканыны чох гијмәтләндиририк. Ҝөрүшләримизә е’тинасыз јанашмаг вә ја онлары ади бир һал кими гәбул етмәк истәмирик. Падшаһлыг Залымыза гајғы ҝөстәрәрәк һәр биримиз бу ҝөрүшләрә ҝөрә миннәтдарлыг билдирә биләрик. Бу, Падшаһлыг ишинин инкишафына көмәк едир вә Јеһованын адына иззәт ҝәтирир. Ҝәлин, елә едәк ки, Падшаһлыг Залымыз һәгиги Аллаһа иззәт ҝәтирмәк үчүн лајигли јер олсун!

[4 сәһифәдәки чәрчивә]

Тәһлүкәсизлик тәдбирләри

◻ Одсөндүрән вә јанғын һидрантлары әлчатан јердә олмалыдыр вә һәр ил јохланылмалыдыр.

◻ Чыхышлар вә пилләкәнләр ајдын сурәтдә јазыларла ишарәләнмәли, јахшы ишыгланмалы, манеә төрәдәҹәк шејләрлә галагланмамалы, мүһәҹҹәрләр е’тибарлы олмалыдыр.

◻ Анбарларда, туалетләрдә вә гардеробларда сәлигә-саһмана вә тәмизлијә фикир верилмәлидир. Орада тезалышан, шәхси вә лазымсыз әшјалар олмамалыдыр.

◻ Дамы вә су новуну мүнтәзәм олараг јохламаг вә тәмизләмәк лазымдыр.

◻ Сәкиләр вә дајанаҹаглар јахшы ишыгландырылмалыдыр. Оралары елә вәзијјәтдә сахламаг лазымдыр ки, һеч ким сүрүшүб јыхылмасын.

◻ Електрик хәтти, иситмә системи вә әҝәр варса вентилјасија јохланылмалы вә лазыми тәрздә гуллуг едилмәлидир.

◻ Даман һәр бир јери јубанмадан дүзәлтмәк лазымдыр ки, нәмишлијин гаршысы алынсын.

◻ Бинада һеч ким олмајанда гапылар килидләнмәлидир.

[5 сәһифәдәки чәрчивә]

Бинанын вә әразинин нәзәрдән кечирилмәси

◻ Хариҹдән. Падшаһлыг Залынын үзәриндәки лөвһәҹик, Залын дамы, өн тәрәфи, рәнҝи вә пәнҹәрәләри јахшы вәзијјәтдәдирми?

◻ Әрази. Әразијә јахшы гуллуг едилирми? Сәкиләр, һасарлар вә машынларын дајанаҹағы јахшы вәзијјәтдәдирми?

◻ Дахилдән. Дөшәмәнин өртүјү, пәрдәләр, стуллар, ишыгландырма вә сантехника ҹиһазлары, диварлар, гардероблар вә әдәбијјат үчүн шкафлар јахшы вәзијјәтдәдирми?

◻ Ләвазиматлар. Ишыгландырма ҹиһазлары, иситмә вә сәсләндирмә системи вә әҝәр варса вентилјасија, јахуд кондисионер системи лазыми тәрздә ишләјирми?

◻ Туалетләр. Тәмиздирми вә лазыми гајдада ишләјирми?

◻ Јығынҹағын сәнәдләри. Бинаја вә торпаг саһәсинә һүгуг барәдә, верҝи һесабаты, верҝиләр, коммунал хидмәтләр вә башгалрындан ҝүзәшт барәдә тәләб олунан һүгуги, верҝи вә башга сәнәдләр, һәмчинин һесабатлар вахтында тәртиб олунурму?