Суаллар гутусу
◼ Јығынҹаг ҝөрүшләриндә хидмәтчи гардашларын вәзифәсинә нәләр дахил олур?
Хидмәтчиләр јығынҹаг ҝөрүшләринә ҝәләнләрин һамысыны үрәкдән саламлајырлар. Онларын вәзифәсинә ҝеҹикәнләрә јер тапмагда көмәк етмәк, иштирак едәнләрин сајыны јазмаг, низам-интизамы вә тәһлүкәсизлији тә’мин етмәк, еләҹә дә Падшаһлыг Залынын һавасынын дәјишмәсинин гајғысына галмаг дахилдир. Јығынҹагда хидмәтчи кими чалышмаг үчүн башгаларына достҹасына мүнасибәт ҝөстәрән вә өз вәзифәләрини сә’јлә јеринә јетирән мәс’ул гардашлары тә’јин етмәк лазымдыр (ом сәһ. 63, 64, рус.).
Хидмәтчиләр јығынҹаға тәзә ҝәләнләри ҝүләрүзлә гаршылајыр вә тәләб олунарса, һазырлыгла онлара көмәк едирләр. Мисал үчүн, тәзә ҝәлән адамлара отурмаг үчүн јер тапмагда көмәк едә биләрләр. Јығынҹаг үзвләринин һамысы илк дәфә ҝөрүшә ҝәләнләрлә таныш олмаға чалышмалы вә гонагпәрвәрлик ҝөстәрмәлидир. Хидмәтчи чалышмалыдыр ки, ҝеҹикәнләрә јер ҝөстәрәркән динләјиҹиләрә мане олмасын. Бә’зән онлар тәзә ҝәләнләрә һәмин ҝүн өјрәнилән журналы верирләр.
Јығынҹаг ҝөрүшләриндә низам-интизамын олмасы зәруридир. Мадам ки, валидејнләри јығынҹаға ушаглары илә бирликдә ҝәлмәјә тәшвиг едирик, бә’зән ушаглар, ола билсин, динләјиҹиләрә мане олсунлар. Әҝәр ушаг сәс салмаға вә ја ағламаға давам едәрсә, хидмәтчи валидејнләрә нәзакәтлә мүәјјән мүддәтә залдан чыхмағы тәклиф едәҹәк. Әҝәр көрпә ушаглы валидејнләр чыхыша јахын отурарларса, лазым ҝәләндә, јығынҹагдакылара мане олмадан ушаглары залдан чыхара биләрләр (км 5/00 сәһ. 7, рус.).
Аллаһын халгынын дүшмәнләринин вандализм акты төрәдә биләҹәкләри вә ја ҝөрүшүн кечмәсинә мане ола биләҹәкләри јерләрдә, тәһлүкәсизлији тә’мин едәҹәк хидмәтчиләр тә’јин етмәк лазымдыр. Ким исә Падшаһлыг Залында ҝөрүшүн кечирилмәсинә мане олурса, ондан бинаны тәрк етмәсини хаһиш етмәк лазымдыр. Әҝәр о, мане олмаға давам едирсә, ағсаггаллар полис чағыра биләрләр. Бә’зи јерләрдә, еһтимал ки, ҝөрүш заманы афтомобил дајанаҹагларында нөвбәтчи гардашлар тә’јин етмәк лазымдыр.
Јығынҹагда иштирак едәнләри сајаркән бөјүкләрлә јанашы, програмы динләјән вә ондан фајда әлдә едән ушаглары да нәзәрә алмаг лазымдыр (км 12/99 сәһ. 7, рус.).