Суаллар гутусу
◼ Вәфтиз олунмамыш тәблиғчи, вәфтиз олунмаға иҹазә вериләнә гәдәр тәблиғ хидмәтиндә нә дәрәҹәдә иштирак етмәлидир?
Вәфтиз олунмамыш тәблиғчиләр үчүн тәләбләрә мүвафиг олан кәс, артыг әмәлдә Јеһованын Шаһиди олмаг үчүн ҝүҹлү истәјә малик олдуғуну ҝөстәриб (Мәз. 110:3). Мүгәддәс Јазылары диггәтлә тәдгиг етдији үчүн, онун дүшүнҹә тәрзи, бахышлары вә һәтта һәјат тәрзи дә дәјишмишдир. Мүгәддәс Китабы өјрәнән адамын гәлбиндә Јеһованы разы салмаг вә Онун ирадәсини јеринә јетирмәк арзусу јаранмышдыр. Бу сәбәбдән о, мүнтәзәм олараг јығынҹаг ҝөрүшләриндә вә конгресләрдә Јеһованын халгы илә үнсијјәтдә олур (Ибр. 10:24, 25). Јығынҹаг ҝөрүшләринә ҝәлмәкдән башга, еһтимал ки, үрәји артыг ону өз иманы һагда ачыг шәкилдә данышмаға тәшвиг едиб вә о, буну ҝөрүш заманы шәрһ вермәклә едир. Һәмчинин о, еһтимал ки, Теократик Хидмәт Мәктәбинә дә јазылыб (Мәз. 40:9, 10; ом с. 73, 74, рус.).
Мүгәддәс Китабы өјрәнән шәхс һәгигәти гәбул едәндә вә Падшаһлыг һаггындакы хәбәри һәгигәтән дә гијмәтләндирмәјә башлајанда, о, евдән-евә тәблиғ етмәк үстүнлүјүнү ала биләр. Евдән-евә тәблиғ етмәк Јеһованын Шаһидләринин биринҹи дәрәҹәли ишидир (Мат. 24:14; 28:19, 20; ом с. 111, рус.). Бунунла әлагәдар, һәм өјрәнмәни кечирән тәблиғчинин, һәм дә ағсаггалларын үзәринә ҹидди мәс’улијјәт дүшүр: онлар әмин олмалыдырлар ки, Мүгәддәс Китабы өјрәнән шәхс һал-һазырда мәсиһчи принсипләринә мүвафиг һәјат тәрзи сүрүр. О, Јеһованын Шаһиди олмағы үрәкдән арзу етмәли, һәмчинин Падшаһлыг һаггында тәблиғ етмәк вә шаҝирдләр һазырламаг үстүнлүјүнү гијмәтләндирмәлидир (Галат. 6:6; w89 15.09. с. 13, 14, рус.; ом с. 98-100, 172, 173, рус.).
Ваҹиб дејил ки, өјрәнән адамын бизимлә тәблиғ етмәк үчүн тәләбләрә мүвафиг олдуғу вахтдан вәфтизә һазыр олдуғу вахтаҹан узун мүддәт кечсин. Һал-һазырда онун һәјаты мәсиһчи принсипләринә мүвафигдир, лакин онун хидмәтдә тәҹрүбәси бир гәдәр аздыр. Мүнтәзәм олараг вә сә’јлә тәблиғ етмәјә гәти гәрарлы олдуғуну ҝөстәрмәк үчүн, она кифајәт гәдәр вахт вермәк лазымдыр (Мәз. 40:8; Ром. 10:9, 10, 14, 15).
Чох еһтимал ки, вәфтиз олунмаға һазыр олан кәс артыг хидмәтә ај әрзиндә бир вә ја ики саат дејил, даһа чох вахт һәср едәрәк, мүнтәзәм олараг хош хәбәри тәблиғ едир. Сөзсүз ки, вәфтиз олунмаг истәјәнләрин вәзијјәтини, мәншәјини, јашыны, мәһдудијјәтләрини вә бу кими диҝәр шејләри нәзәрә алмаг лазымдыр. Ағсаггаллар “Хидмәтимиз” китабынын 174-ҹү сәһифәсиндә (рус.) дејиләнләри әлдә рәһбәр тутмалыдырлар. Орада дејилир: “Бизим диггәтимиз үрәји Јеһоваја тәрәф јөнәлән вә Мүгәддәс Китабын әсас һәгигәтләрини дәрк едән кәсләрә јөнәлдилиб. Сизин мәһәббәтдән ирәли ҝәлән көмәјиниз сајәсиндә, вәфтиз олунанлар бу ваҹиб тапшырығы јеринә јетирмәк үчүн кифајәт гәдәр һазыр олараг мәсиһчи хидмәтини башламаға тәшвиг олунаҹаглар” (Мат. 16:24; Јәһ. 4:34; 1 Пет. 2:21).