Севинән валидејнләр
1 Сән мәсиһчи аиләсиндә јашајан ҝәнҹсәнсә, валидејнләрини хүсуси тәрздә хошбәхт едә биләрсән. Әҝәр салеһлик јолунда јеримәјә сәʼј ҝөстәрсән, ‘ата-анан севинәрʼ (Сүл. мәс. 23:22-25). Тәбби ки, валидејнләрин сәнин үчүн ән јахшы шејләр арзулајырлар. Онлар ҝөрәндә ки, сән һәгигәти мәнимсәјир вә һәјатыны Јеһоваја һәср едирсән, бу онлара һеч нәјин верә билмәдији мәмнунлуғу ҝәтирир.
2 Һәгигәтдә олдугларына ҝөрә валидејнләринә миннәтдар ола биләрсән. Анадан олдуғун ҝүндән онлар сәни једирир, ҝејдирир вә евлә тәʼмин едир, һәмчинин сән хәстәләнән заман гејдинә галырлар. Даһа ваҹиби, сәнә Јеһова вә Онун салеһлик јоллары һаггында өјрәтмәјә чалышырлар; бу ҹүр тәʼлим исә сәни әбәди һәјата апара биләр (Ефес. 6:1-4). Бәс сән өз миннәтдарлығыны неҹә ҝөстәрә биләрсән?
3 Һәгигәти мәнимсә. Валидејнләрин чалышмышлар ки, һәгигәтә ҹидди јанашмағы, руһән инкишаф етмәји вә Јеһованын тәшкилатына бағлы галмағы сәнә өјрәтсинләр. Өз миннәтдарлығыны, аиләви өјрәнмәдә көнүлсүз јох, үрәкдән иштирак етмәјинлә тәзаһүр етдирә биләрсән. Јығынҹаг ҝөрүшләринә ҝетмәк истәјини ҝөстәр вә лазыми һазырлығы өзүн ҝөр ки, аилән јығынҹаға вахтында чата билсин. Ҝөрүш заманы валидејнләринлә бирҝә отур вә өјрәнилән нәшрләрдә јазыланлары изләјәрәк диггәтлә гулаг ас. Ҝөрүшләрдә шәрһләр вермәклә иштирак етмәјә чалыш. Теократик Хидмәт Мәктәбиндә чалышган шаҝирд олмаға, тапшырыглар алмаға вә онлары мүмкүн гәдәр јахшы јеринә јетирмәјә сәʼј ҝөстәр. Падшаһлыг Залыны јахшы вәзијјәтдә сахламаг үчүн көмәјин тәләб олунан саһәләрдә өз көмәјини тәгдим ет. Бу ҹүр ишләрдә иштирак етмәк сәнә руһән фајдалы олан шејләрә үрәјини мәркәзләшдирмәјә көмәк едәҹәк.
4 Тәрәгги етмәк үчүн мәгсәдләр гој. Тәблиғчи олмаг истәдијини ҝөстәрмәк үчүн, тәблиғ хидмәтиндә шүурлу тәрздә иштирак етмәјә чалыш. Мүгәддәс Китабын һәфтәлик охунмасы графикинә риајәт ет, даһа јахшысы исә, Мүгәддәс Китабы әввәлдән ахыра гәдәр оху. Һәср вә вәфтиз үчүн олан тәләбләрә мүвафиг олмағы гәрара ал. Јеһоваја хидмәтдә там иштирак етмәјин үчүн сәни лазыми шејләрлә тәʼмин едәҹәк тәһсили сечмәкдә валидејнләрин сәнә көмәк едә биләрләр. Диггәтини јахшы ад газанмаға јөнәлт, бу башгаларыны тәшвиг едәҹәк ки, сәни пионер вә ја Бет-Ел хидмәти кими хүсуси хидмәтләрә төвсијә етсинләр (Һәв. иш. 16:1, 2). Мәгсәдләрә наил олмаг, ‘ән үстүн дәјәрләри ајырд едәрәк салеһлик бәһрәләри илә долмагдаʼ сәнә көмәк едәҹәк (Филип. 1:10, 11).
5 Ҝәнҹлик—өјрәнмәк, тәҹрүбә топламаг вә башгалары илә давранмаг баҹарығына наил олмаг чағыдыр. Ҝәнҹлик, јеткинлијин ҝәтирдији бүтүн тәзјиг вә мәсʼулијјәтләрдән азад јашаја билдијин илләрдир. Сүлејман демишдир: «Еј ҝәнҹ, ҹаванлығында севин, гој үрәјин сәни ҹаванлыг ҝүнләриндә севиндирсин» (Ваиз 11:9). Әҝәр ҝәнҹ јашларындан үрәјини Јеһоваја хидмәт етмәјә мејлләндирсән, әбәдијјән хејир-дуалар бичәҹәксән (1 Салн. 28:9).
6 Әҝәр ‘ҝәнҹлик еһтирасларыныʼ дејил, ‘салеһлик јолунуʼ изләјирсәнсә, валидејнләрини нараһатчылығын вә үрәкағрысынын ағыр јүкүндән азад едәҹәксән (2 Тим. 2:22). Сән өз үрәјини дә севиндирәҹәксән (Сүл. мәс. 12:25). Ән башлыҹасы исә, Јараданымыз Јеһова Аллаһа севинҹ ҝәтирәҹәксән (Сүл. мәс. 27:11).