Журналлары неҹә тәклиф етмәк олар?

“Ҝөзәтчи Гүлләси” 15 јан. (рус.)

“Бир чох инсанлар Аллаһа ибадәт едәркән сурәтләрдән истифадә едир. Сиз неҹә фикирләширсиниз, бу ҹүр әшјалар хиласедиҹи гүввәјә маликдирми? [Ҹавабы динлә.] Зәһмәт олмаса, һәгиги Аллаһын бизим үчүн нәләр едәҹәјинә диггәт јетирин. [Вәһј 21:3, 4 ајәләрини оху.] Бунлары јалныз һәгигәтән дә мөвҹуд олан Аллаһ јеринә јетирә биләр. Бу журналда Онун ким олдуғу вә Она үмид бәсләмәјин нәјә ҝөрә фајдалы олдуғу изаһ едилир”.

“Ојанын!” 22 јан. (рус.)

“Биз мәнзилимизи дәбдәбә һесаб етмәјә вәрдиш етмәмишик. Лакин бүтүн јер үзүндә гачгын һәјаты јашајан милјонларла инсанлар сығынаҹаг тапа билмирләр. “Ојанын!” журналында бу проблемин сәбәбләри, һәмчинин ҝәләҹәкдә һәр адамын өз евинин олаҹағына даир Мүгәддәс Китабда јазылан вә’д мүзакирә едилир”.

“Ҝөзәтчи Гүлләси” 1 февр. (рус.)

“Әтраф мүһитин чиркләнмәсинә ҝөрә инсанлар чох нараһат олурлар. Бәс сизҹә, инсан ағлынын чиркләнмәси һаггында нә демәк олар? [Ҹавабы динлә.] Мүгәддәс Китаб, һәм физики, һәм дә руһани ҹәһәтдән тәмиз олмағын ваҹиблијини гејд едир. [2 Коринфлиләрә 7:1 ајәсини оху.] Әминәм ки, сиз бурадакы мә’луматын практики вә фајдалы олдуғуну ҝөрәҹәксиниз”.

“Ојанын!” 8 февр. (рус.)

“Јәгин диггәт јетирмисиниз ки, никаһлар шән тојла башласа да, сонра онлардан чохлары дағылыр. Мән сизә “Ојанын!” журналынын бу сајыны вермәк истәјәрдим. Бурада никаһын хошбәхт вә мөһкәм олмасына даир Мүгәддәс Китабда верилән мәсләһәтләр мүзакирә едилир”.