Видеофилмләр һәгигәт һаггында шәһадәт едир
1 “Оғлумуз бу филмә бахмаға, јеримәји өјрәнмәздән әввәл башлајыб. О бу филмә дәфәләрлә тамаша едиб. Ушагларымыза Јеһоваја мәһәббәт һисси ашылајан ҝөзәл вәсаитләрә малик олмаг сон дәрәҹә хошдур!” Мәсиһчи валидејнләр һансы филм һаггында јазырлар? Сөһбәт “Нуһ. О, Аллаһын јолу илә ҝедирди” (инҝ.) адлы филмдән ҝедир. Јеһованын Шаһиди олмајан бир гадын, оғлу һарадаса Нуһ һаггында филмә бахдыгдан сонра, филиала 90 доллар мәбләғиндә ианә ҝөндәрмиш вә ушаглар үчүн башга филмләримизин олуб–олмадығы илә марагланмышдыр. Јеһованын ҹәмијјәтинин истеһсал етдији филмләр һәм ушаглара, һәм дә бөјүкләрә ҝүҹлү тә’сир бағышлајыр.
2 Аиләдә. Бир мәсиһчи аиләси “Јеһованын Шаһидләринин насизм гаршысында ҝөстәрдикләри мәрдлик” филминә бахдыгдан сонра аиләдәки ана демишдир: “Мән бүтүн ҝүнү, Јеһованын садә адамлара сон дәрәҹәдә ағыр сынаглара таб ҝәтирмәкдә неҹә көмәк етдијинин үзәриндә дүшүндүм. Бу һагда дүшүнмәјим мәнә хатырлатды ки, о сынагларла мүгајисәдә мәним шәхси проблемләрим олдугҹа ҹүз’идир. Гызларым исә бу филмин көмәјилә Јеһоваја ҝүвәнмәјин ваҹиб олдуғуну даһа ајдын дәрк етдиләр. Бу филм һаггында әримлә бирҝә гызларымызла етдијимиз сөһбәт, онлары, һәјатда гаршылаша биләҹәкләри чәтинликләрә вә тәзјигләрә дөзмәјә һазырлады”.
3 Мәктәбдә. Ҝәнҹ Шаһид Насизм дөврүндә күтләви гырғына мә’руз галанлар һагда чыхышынын бир һиссәси кими, синифдә “Мәрдлик” филминдән бир парча нүмајиш етдирди. Әввәлләр мүәллимә дејирди ки, Шаһидләрдән хошу ҝәлмир. Лакин филмә бахдыгдан сонра о е’тираф етди: “Бу филм, Јеһованын Шаһидләри һаггында олан нөгтеји–нәзәрими тамамилә дәјишди. Сөз верирәм ки, нөвбәти дәфә онларла ҝөрүшәндә, мән онлары динләјәҹәм вә Мүгәддәс Китабы өјрәнмәјә башлајаҹағам!” Мүәллимәнин бизим һаггымызда фикрини дәјишән нә олду? Онун сөзләринә ҝөрә Шаһидләрин “һәгиги мәһәббәти вә садиглији”.
4 Хидмәтдә. Бир баҹы, бизим вә иманымыз һагда суаллары олан, лакин әдәбијјат ҝөтүрмәјә еһтијат едән гадына раст ҝәлди. Нөвбәти дәфә баҹы өзү илә “Јеһованын Шаһидләри. Адына лајиг тәшкилат” адлы видеофилми ҝәтириб, гадына вә онун әринә ҝөстәрди. Бу филм һәр икисинә јахшы тә’сир бағышлады вә онлар Мүгәддәс Китабы өјрәнмәјә башладылар. Һәгигәти дәрк едәркән, онлар Аллаһын ирадәсинә мүвафиг олараг јашамаға башладылар.
5 Ҹәмијјәтин видеофилмләриндән там сурәтдә сән дә истифадә едирсәнми?