“Аллаһын кәламыны... там бәјан” ет
1 Һәр һансы һәдијјә үчүн сәмими гәлбдән миннәтдар олдуғун заман, мәҝәр бу сәнин һиссләриндә вә һәрәкәтләриндә әкс олунмурму? Әлбәттә, олунур! Јеһованын инсанлара олан мәрһәмәтинә ҝөрә Павелин ҝөстәрдији мүнасибәтә диггәт јетирәк. О, уҹадан демишдир: “Сөзлә тәсвир едилә билмәјән һәдијјәси үчүн Аллаһа шүкүр олсун!” Бу “һәдијјә” өзүнә нәји дахил едир? “Аллаһын бизә ҝөндәрдији һәддиндән артыг лүтфүн” һамысыны; Онун өз Оғлуну бизим ҝүнаһларымыз үчүн фидијә кими гурбан вермәси исә бунун ән бөјүк тәзаһүрүдүр (2 Кор. 9:14, 15; Јәһ. 3:16).
2 Павел миннәтдарлығыны јалныз дилдәми билдирирди? Әлбәттә, јох! О өз дәрин миннәтдарлығыны әмәлләри илә дә ҝөстәрирди. Павел һәмиманлыларынын руһани рифаһы үчүн чох нараһат олурду вә Аллаһын мәрһәмәтинин онлара да фајда ҝәтирмәси үчүн әлиндән ҝәләни етмәк истәјирди. Павел белә адамлара јазырды: “Бу јолла үрәкдән сизин һәсрәтинизи чәкән бизләр, сизә јалныз Аллаһын Мүждәсини дејил, өз ҹанларымызы да вермәк истәдик. Чүнки сиз бизим үчүн чох әзиз олдунуз” (1 Сал. 2:8). Јығынҹағын үзвләринин хиласа лајиг сәвијјәдә галмаларына көмәк етмәкдән әлавә, Павел јорулмаг билмәдән хош хәбәри тәблиғ едир, гуруда вә дәниздә минләрлә километр гәт едәрәк, “әбәди һәјата мејлли оланлары” ахтарыб тапырды (Һәв. иш. 13:48, ЈД). Јеһованын онун үчүн етдији һәр шејә ҝөрә дујдуғу дәрин миннәтдарлыг һисси, Павели “Аллаһын кәламыны... там бәјан” етмәјә тәшвиг едирди (Кол. 1:25, 26).
3 Мәҝәр Јеһованын бизим үчүн етдији ишләринә ҝөрә дујдуғумуз миннәтдарлыг һисси, јығынҹагда көмәјә еһтијаҹы оланлара руһани ҹәһәтдән јардым етмәјә бизи дә тәшвиг етмирми? (Гал. 6:10). Мәҝәр саһәләримиздә Падшаһлыг һаггында хош хәбәрин тәблиғиндә даһа сәмәрәли иштирак етмәјә тәшвиг олунмуругму? (Мат. 24:14).
4 Миннәтдарлыг тәзаһүр етдирмәк имканы. Һәр ил Мәсиһин өлүмүнүн Хатирә Ҝеҹәси, Јеһованын вә Исанын бизим үчүн етдикләри һәр шејә ҝөрә миннәтдарлығымызы билдирмәк үчүн хүсуси имкан јарадыр. Бу, садәҹә олараг нөвбәти бир ҝөрүш вә ја һәр һансы бир һадисәнин хатырланмасы дејил. Иса демишдир: “Буну Мәни анмаг үчүн един” (Лука 22:19). Иса Мәсиһин өлүмүнүн Хатирә Ҝеҹәси — онун неҹә шәхсијјәт олдуғу барәдә дүшүнмәк үчүн мүнасиб вахтдыр. Бу мәрасим, онун өз садиглијини горудуғуна вә һәјатыны гурбан вердијинә ҝөрә, бу ҝүн дири вә фәалијјәт ҝөстәрән, иззәтә вә падшаһлыг етмәк сәлаһијјәтинә малик олан бир шәхс олдуғуну е’тираф етмәјин вахтыдыр. Бу бајрамы гејд етмәклә һәмчинин ҝөстәририк ки, мәсиһчи јығынҹағынын ишләрини идарә едән Мәсиһин башчылығына табе олуруг (Кол. 1:17–20). Аллаһын бүтүн халгы, һөрмәт һиссиндән ирәли ҝәләрәк, Мәсиһин өлүмүнүн Хатирә Ҝеҹәсиндә иштирак етмәји өзүнә борҹ биләҹәкдир. Бу мәрасим 2002–ҹи илдә, мартын 28–и ҹүмә ахшамы, ҝүн батандан сонра кечириләҹәкдир.
5 Кечән ил Хатирә Ҝеҹәсиндән әввәл ҝөстәрилән сә’јләр нәтиҹәсиндә, Азәрбајҹанда бу мәрасимә ҝәләнләрин сајы 849 нәфәр олмушдур. Бәс ҝәләнләрин сајы бу ил нә гәдәр олаҹаг? Бу мәрасимә ҝәләнләрин сајынын мүмкүн гәдәр чох олмасына көмәк етмәк үчүн, нә дәрәҹәдә “зәһмәт чәкиб”, сә’ј ҝөстәрмәјимиздән чох шеј асылыдыр (1 Тим. 4:10).
6 Биз, Рәббин Хатирә Ҝеҹәсинә ҝәлмәкдән әлавә, тәблиғ ишиндә даһа чох иштирак едә биләрик. Шүбһәсиз ки, он минләрлә баҹы вә гардашлар бир ај, јахуд даһа чох вахт әрзиндә көмәкчи пионер кими хидмәт едәҹәкләр. Кечән ил Хатирә Ҝеҹәси мөвсүмүндә— мартдан маја гәдәр Азәрбајҹанда 36 көмәкчи пионер хидмәт етмишдир. Сән ишләрини елә планлашдыра биләрсәнми ки, бу ил көмәкчи пионер кими хидмәт едәсән? Бу сәнә, Аллаһын тәгдим етдији Мәсиһин гурбанлығына ҝөрә сәмими гәлбдән миннәтдарлығыны изһар етмәјә ҝөзәл имкан јарадаҹаг. Нөвбәти һадисәнин дә тәсдиг етдији кими, сән Јеһованын хејир–дуаларына мүтләг наил олаҹагсан.
7 Там иш ҝүнү ишләјән бир баҹы, өтән илин март ајында көмәкчи пионер кими етдији хидмәти һагда јазыр: “2001–ҹи илин феврал ајы үчүн олан “Бизим Падшаһлыг Хидмәтимиз” имканы оланларын һамысыны јаз мөвсүмүндә көмәкчи пионер кими хидмәт етмәјә тәшвиг едирди. Март ајында беш шәнбә варды, бу да мәним үчүн чох әлверишли иди. Буна ҝөрә дә әризә јазмаг гәрарына ҝәлдим”. Баҹы ајын әввәлиндә гаршысына мәгсәд гојду ки, Мүгәддәс Китабын евдә өјрәнмәсини башласын. О өз мәгсәдинә наил олдуму? Бәли, һәмин ај хидмәтинин 52–ҹи саатында! О, һансы нәтиҹәјә ҝәлди? “Әлавә сә’ј ҝөстәрдијимиз заман, валеһедиҹи хејир–дуалар газанырыг”.
8 Бәс пионер кими бирликдә хидмәт едән аилә һансы фајданы әлдә едир? Өтән илин апрел ајында пионер хидмәтиндә иштирак едән дөрд нәфәрдән ибарәт бир аилә, һәмин ајы унудулмаз вахт һесаб едир. Ана өз һиссләри илә бөлүшүр: “Һәр ҝүнү неҹә дә бөјүк севинҹлә гаршылајырдыг! Хидмәтимиз бизи бирләшдирирди. Һәр ҝүн наһар вахты хидмәтимизи мүзакирә етмәк чох хошумуза ҝәлирди”. Оғул дејир: “Атамла иш ҝүнләриндә хидмәт етмәк чох хошума ҝәлди, чүнки о, адәтән һәмин ҝүнләри ишләјир”. Ата әлавә едир: “Бир аилә башчысы кими, дөврүмүзүн ән ваҹиб ишиндә бирликдә иштирак етдијимизи дәрк етмәкдән мәмнунлуг дујурам”. Сизин аиләниз пионер хидмәтиндә бирликдә иштирак едә биләрми? Нәјә ҝөрә бир јерә топлашыб, бу илин јазында һамынызын бирликдә көмәкчи пионер кими хидмәт едиб–едә билмәјәҹәји һагда дүшүнмәјәсиниз?
9 Март ајы бизим үчүн ән сәмәрәли ај ола биләрми? 2000–ҹи илин “Бизим Падшаһлыг Хидмәтимиз” вәрәгәсиндә әввәлҹә белә бир суал гојулмушду: “2000–ҹи илин апрел ајы бизим үчүн ән сәмәрәли ај ола биләрми?” Чағырыша неҹә һај верилди? Чох јахшы нәтиҹәләр әлдә етдик. Һәмин ај бизим әразидә көмәкчи пионерләрин сајы олдугҹа чох—22 нәфәрә чатды. Бундан әлавә саатларын, тәкрар баш чәкмәләрин вә Мүгәддәс Китаб өјрәнмәләринин сајы ән јүксәк нөгтәјә чатмышдыр. Һәмин хүсуси ајда кечирилән ҹошғун руһани фәалијјәт сајәсиндә һамымызын дујдуғу севинҹи хатырлајаг. Өтән илин наилијјәтләрини тәкрарлаја вә јахуд даһа да артыра биләҹәјикми? Әҝәр һамымыз сә’ј ҝөстәрсәк, 2002–ҹи илин март ајы бизим үчүн “ән сәмәрәли ај ола биләр”. Бәс нәјә ҝөрә мәһз март ајы?
10 Март ајынын хүсусилә сәмәрәли ај олаҹағына ики сәбәб вар. Биринҹиси, Хатирә Ҝеҹәси мартын сонунда кечириләҹәк; буна ҝөрә ајын әввәлиндә кифајәт гәдәр имканымыз олаҹаг ки, бајрама мүмкүн гәдәр чох адам дә’вәт едәк. Икинҹиси, бу илин мартында беш шәнбә вә беш базар ҝүнү вар; бунун сајәсиндә ишләјәнләрә вә ја охујанлара көмәкчи пионер нормасыны јеринә јетирмәк асан олаҹаг. Бу вәрәгәдә чап олунмуш тәгвимдән истифадә едәрәк, нәјә ҝөрә артыг индидән хидмәт үчүн реал график тәртиб етмәјәсиниз? Көмәкчи пионер олмаг бир о гәдәр дә чәтин дејил. Мисал үчүн, һәр һәфтәнин истираһәт ҝүнләриндә хидмәтә 8 саат ајырсан, ајын галан ҝүнләринә ҹәми 10 саат планлашдырмаг галыр. Беләликлә дә 50 саатлыг норма јеринә јетирилмиш олаҹаг.
11 Ағсаггаллар “Аллаһын кәламыны... там бәјан” етмәкдә јығынҹағын бүтүн үзвләринә неҹә көмәк едә биләрләр? Ҝөрүшләрдә етдикләри руһландырыҹы чыхышлар вә шәхси сөһбәтләр васитәсилә. Јығынҹагдакы китабөјрәнмәләрин рәһбәрләри тәшәббүсү өз үзәрләринә ҝөтүрүб, групларынын һәр бир үзвү илә шәхсән сөһбәт едәрәк, онлара көмәк тәклиф едә биләрләр. Бә’зән садәҹә бир нечә руһландырыҹы сөз вә ја јарарлы мәсләһәт кифајәт едир (Сүл. мәс. 25:11). Бир чох баҹы вә гардашлар, еһтимал ки, өз графикләрини бир балаҹа дәјишмәклә, көмәкчи пионер кими хидмәт едә биләҹәкләрини ҝөрәҹәкләр. Јығынҹагларын чохунда, ағсаггалларын вә хидмәти көмәкчиләрин әксәријјәти вә ја һамысы, јазда һәјат јолдашлары илә бирликдә көмәкчи пионер кими хидмәт едәрәк ҝөзәл нүмунә верирләр. Бу, бир чох тәблиғчиләри онлара гошулмаға тәшвиг едир. Сәһһәтләринин пис олдуғуна вә ја башга сәбәбләрә ҝөрә бә’зи тәблиғчиләр пионер кими хидмәт едә билмирләр, лакин онлары тәшвиг етмәк олар ки, јығынҹагла бәрабәр хидмәтдә әлләриндән ҝәләни етмәклә өз миннәтдарлыгларыны тәзаһүр етдирсинләр.
12 Мүвәффәгијјәт, ағсаггалларын һәр шеји неҹә планлашдыраҹагларындан асылыдыр. Иш ҝүнләриндә тәблиғ хидмәти үчүн ҝөрүшләр мүнасиб вахтда кечирилмәлидир. Әҝәр мүмкүндүрсә, хидмәти нәзарәтчи бу ҝөрүшләри кечирмәји баҹарыглы гардашлара әввәлҹәдән һәвалә етмәлидир. Груплар тәшкил етмәк, саһәләри пајламаг вә дуа етмәк вахтыны да дахил етмәк шәртилә, тәблиғ үчүн ҝөрүшләрин 10–15 дәгигәдән артыг кечмәмәси үчүн јахшы һазырлыг тәләб олунаҹагдыр. (2001–ҹи илин сентјабр ајы үчүн “Бизим Падшаһлыг Хидмәтимиз”дә “Суаллар гутусу”на бах, рус.) Март ајы үчүн олан фәалијјәт програмыны јығынҹаға ајдын шәкилдә изаһ етмәк, сонра исә е’ланлар лөвһәсинә вурмаг лазымдыр.
13 Әлдә кифајәт гәдәр тәблиғ саһәләри олмалыдыр. Хидмәти нәзарәтчи саһәләрә ҹавабдеһ олан гардашла ҝөрүшмәли вә тәдбир ҝөрмәлидир ки, бир о гәдәр дә тез–тез тәблиғ олунмајан саһәләр ишләнсин. Евдән–евә тәблиғ етмәјә, евдә олмајанлара јенидән баш чәкмәјә, групларла хидмәтә вә ахшам вахтлары шәһадәт етмәјә хүсуси әһәмијјәт верилмәлидир.
14 Јенидән хидмәтә башламагда онлара көмәк ет. Сизин јығынҹағын әразисиндә узун мүддәт әрзиндә хош хәбәрин фәал олмајан тәблиғчиләри вармы? Онлар һәлә дә јығынҹағын бир һиссәсидирләр вә көмәјә еһтијаҹ дујурлар (Мәз. 119:176). Көһнә дүнјанын сонунун јахынлашдығыны вә јени дүнјанын артыг астанада олдуғуну нәзәрә алараг, вар ҝүҹүмүзлә гејри–фәал оланлара көмәк етмәјә чалышмалыјыг (Ром. 13:11, 12). Сон беш ил әрзиндә Азәрбајҹанда һәр ил бир чохлары көмәк гәбул етмиш вә өз хидмәтләрини бәрпа етмишләр. Бәс јердә галан бир чох инсанлара башланғыҹда олан мәһәббәтләрини јенидән аловландырмаға вә әминликләрини мөһкәмләндирмәјә неҹә көмәк етмәк олар? (Ибр. 3:12–14).
15 Ағсаггаллар шурасы, сон бир нечә ил әрзиндә гејри–фәал олан кәсләрә неҹә көмәк едәҹәкләри барәдә дүшүнмәлидирләр (Мат. 18:12–14). Катиб “тәблиғчиләрин һесабатлары үчүн јығынҹағын карточкалары”ны јохлајаҹаг вә бүтүн гејри–фәал тәблиғчиләри гејд едәҹәкдир. Ағсаггал зијарәти заманы, көмәк ҝөстәрмәк үчүн хүсуси сә’ј тәләб олунур. Ағсаггал јахындан таныш олдуғу адама баш чәкә биләр вә јахуд башга тәблиғчиләри көмәјә чағыра биләр. Ола билсин, онлар һәмин адамла әввәлләр Мүгәддәс Китаб өјрәнмәси кечирмишләр, инди исә она лазыми көмәклик ҝөстәрмәјә шад олаҹаглар. Үмидварыг ки, гејри–фәал оланларын әксәријјәти јенидән Аллаһын Кәламыны тәблиғ етмәјә тәшвиг олунаҹаглар. Әҝәр онлар јарарлыдырларса, онда хидмәтләрини јенидән бәрпа етмәјин ән јахшы вахты — Хатирә Ҝеҹәси кечирилән ајдыр. (Әлавә мә’луматы 2000–ҹи илин нојабр ајы үчүн олан “Бизим Падшаһлыг Хидмәтимиз”дә “Суаллар гутусу”ндан ала биләрсән, рус.).
16 Даһа кимләр тәблиғ ишинә башлаја биләр? Јеһова “бүтүн милләтләрин дәјәрли шејләри”ни топлајараг, өз хидмәтчиләринә хејир–дуа вермәјә давам едир (Һаг. 2:7). Һәр ил минләрлә адамлар вәфтиз олунмамыш тәблиғчи олурлар. Онлар кимләрдир? Јеһованын Шаһидләринин өвладлары вә Мүгәддәс Китабын өјрәнилмәсиндә артыг мүәјјән наилијјәтләр әлдә едән кәсләр. Онларын хош хәбәрин тәблиғчиләри олмаға јарарлы олуб–олмадыгларыны неҹә мүәјјән етмәк олар?
17 Јеһованын Шаһидләринин өвладлары. Бир чох ушаглар, һәлә вәфтиз олунмамыш тәблиғчи олсалар да, евдән–евә тәблиғ етмәкдә валидејнләрини илләрлә мүшајәт едирләр. Март ајы, тәблиғчи олмаг үчүн әлверишли ајдыр. Өвладынызын буна һазыр олуб–олмадығыны неҹә мүәјјән етмәк олар? “Хидмәтимизи јеринә јетирмәк үчүн тәшкил олунмушуг” (рус.) китабынын 100–ҹү сәһифәсиндә дејилир ки, ушаг “нүмунәви һәрәкәт тәрзинә малик олдуғу, башгалары илә хош хәбәр һаггында сөһбәт едәркән е’тигадыны шәхсән ифадә едә билдији вә буну өз арзусу илә етдији” һалда бу аддымы атмаға һазырдыр. Әҝәр сәнин зәннинҹә ушаг бу тәләбләрә мүвафигдирсә, јығынҹағын хидмәти комитәсинин үзвү олан ағсаггаллардан бири илә сөһбәт ет.
18 Мүгәддәс Китабы өјрәнәнләр. Мүәјјән мүддәт әрзиндә Мүгәддәс Китабы өјрәнән вә ҝөрүшләрә ҝәлән инсан, јәгин ки, Падшаһлығын тәблиғчиси олмаг истәјир. Әҝәр сән белә бир шәхслә өјрәнмә кечирирсәнсә, нөвбәти суалларын үзәриндә дүшүн: О, јашына вә габилијјәтләринә мүвафиг наилијјәтләр едирми? Өз е’тигадыны башгалары илә бөлүшмәјә башлајыбмы? “Јени мәнлик” ҝејинирми? (Кол. 3:10). “Хидмәтимиз” китабынын 98–100–ҹү сәһифәләриндә јазылан вәфтиз олунмамыш тәблиғчиләр үчүн тәләбләрә мүвафигдирми? Әҝәр һәр шеј гајдасындадырса, онда бу һагда јығынҹағын хидмәти комитәсинин үзвү олан ағсаггаллардан биринә билдир ки, сәнинлә вә өјрәндијин адамла ики ағсаггалын ҝөрүшүнү тәшкил етсинләр. Әҝәр јарарлы оларса, ағсаггаллар она билдирәҹәкләр ки, о, һәмин ҝүндән е’тибарән рәсми олараг тәблиғ хидмәтиндә иштирак едә биләр.
19 Апрел вә мај үчүн планлар. Биз, апрел вә мај ајларында да сә’јлә тәблиғ едәҹәјик. Мартда көмәкчи пионер кими хидмәт едәнләрин чоху, јәгин ки, хидмәтин бу нөвүнә апрелдә вә (јахуд) мајда да давам едә биләҹәкләр. Апрел вә мај ајларында “Ҝөзәтчи Гүлләси” вә “Ојанын!” журналларынын пајланмасына хүсуси диггәт јетирәҹәјик. Бу журналлар өз охуҹуларынын һәјатына неҹә дә фајдалы тә’сир бағышлајыр! Онлар Падшаһлыг һаггында хош хәбәрин бүтүн дүнјада сүр’әтлә јајылмасында ваҹиб рол ојнамышлар. Апрел вә мај ајларында бу журналлары мүмкүн гәдәр чох инсанлара тәклиф етмәк үчүн вар гүввәмизлә чалышаҹағыг. Бу ишдә фәал иштирак етмәји артыг индидән планлашдыр.
20 Бу ҹүр гызғын тәблиғ фәалијјәти планлашдырылдығы үчүн, јығынҹаг васитәсилә алдығын журналларын сајыны артырмаг лазым ҝәлмирми? Хидмәт или әрзиндә, биз “Ҝөзәтчи Гүлләси” вә “Ојанын!” журналларыны шәнбә ҝүнләриндә — журналларла хидмәт ҝүнләриндә тәклиф едирик. Бир һалда ки, чохлары көмәкчи пионер кими хидмәт едәҹәк вә бүтөв ики ај әрзиндә һамымыз журналлар пајлајҹағыг, еһтимал ки, журнал сифаришләримизи артырмаг тәләб олунаҹагдыр. Белә исә, журналлар үчүн ҹавабдеһ олан гардаша хәбәр вер. Әдәбијјат үчүн ҹавабдеһ олан гардаша ҝәлдикдә исә, о нәзарәт етмәлидир ки, јығынҹагда кифајәт гәдәр “Мүгәддәс Китаб һаггында даһа чох билмәк истәјәрдинизми?” трактаты олсун.
21 “Бизим Падшаһлыг Хидмәтимиз”дәки “Журналлары неҹә тәклиф етмәк олар?” рубрикасына даир чохлары рә’јләрини миннәтдарлыгла сөјләмишләр. Тәклиф олунан журнал тәгдимәләрини әзбәрләјәрәк, бу материалдан сән дә истифадә едирсәнми? Мүгәддәс Китабын һәфтәлик аиләви өјрәнмәсинин бир һиссәсини нәјә ҝөрә бу тәгдимәләри мәшг етмәк үчүн ајырмајасыныз?
22 Бүтүн гүввәни сәрф ет. Ҝәлин, вар ҝүҹүмүзлә, Хатирә Ҝеҹәси кечириләҹәк бу мөвсүм үчүн планлашдырылмыш руһани ишләрдә иштирак етмәк әһвал–руһијјәсиндә олаг; беләликлә биз, һәвари Павел кими, Јеһоваја онун “тәсвир едилә билмәјән һәдијјәси”ни нә дәрәҹәдә гијмәтләндирдијимизи ҝөстәрәҹәјик. Ҝәлин, 1) 2002–ҹи ил, мартын 28–дә, ҹүмә ахшамында кечириләҹәк, илин ән ваҹиб һадисәсиндә — Рәббин Хатирә Ҝеҹәсинин бајрам едилмәсиндә иштирак едәк; 2) гејри–фәал оланлара башланғыҹда олан “илк мәһәббәт”ләрини јенидән аловландырмаға көмәк едәк (Вәһј 2:4; Ром. 12:11); 3) вәфтиз олунмамыш тәблиғчи олмаға һазыр олан өвладларымыза вә Мүгәддәс Китабы өјрәтдијимиз инсанлара дајаг олаг вә 4) еһтимал ки, март вә сонракы ајларда да тәблиғ фәалијјәтиндә там иштирак едәрәк көмәкчи пионер кими хидмәт едәк (2 Тим. 4:5).
23 Үрәкдән дуа едирик ки, бу јаз ајы, Падшаһлыг һаггындакы хош хәбәри һамымыз вар гүввәмизлә тәблиғ едәрәк, Јеһованын бизим үчүн етдији ишләринә ҝөрә дәрин миннәтдарлығымызы билдирәк.
[6 сәһифәдәки чәрчивә]
Март үчүн хидмәт графиким.
Базар ер. Чәршәнбә ахш. Чәршәнбә Ҹүмә ахш. Ҹүмә Шәнбә Базар ҝүнү
1 2
Журналларла хидмәт ҝүнү
3 4 5 6 7 8 9
Журналларла хидмәт ҝүнү
10 11 12 13 14 15 16
Журналларла хидмәт ҝүнү
17 18 19 20 21 22 23
Журналларла хидмәт ҝүнү
24 25 26 27 28 29 30
ХАТИРӘ Журналларла хидмәт ҝүнү
ҜЕҸӘСИ ҜҮН
31 БАТАНДАН СОНРА
Сән 50 сааты елә бөлүшдүрә биләрсәнми ки, март ајында көмәкчи пионер кими хидмәт едәсән?