Бизи гаршылыглы руһландырылма ҝөзләјир

¹ Јеһованын халгы ҝүндән-ҝүнә иманын сынағы илә гаршылашыр. Иблис, вахтынын аз олдуғуну биләрәк, вар ҝүҹү илә Јеһоваја олан бағлылығымызы гырмаға чалышыр (Вәһј 12:12). Биз “Рәббдә вә Онун үстүн гүдрәтиндә” гүввәтләнмәлијик ки, “пис ҝүндә мүгавимәт ҝөстәриб” әлимиздән ҝәлән һәр шеји етдикдән сонра јеримиздә дура биләк (Ефес. 6:10, 13).

² Һәмиманлыларымызла ҝөрүшләр, гүввә әлдә етмәјимизә көмәк үчүн Јеһованын ҝөстәрдији гајғыдыр. Һәвари Павел бу ҹүр ҝөрүшләри гијмәтләндирирди. О, ­мәсиһчи гар­дашларыны гуввәтләндирмәк үчүн онларла ҝөрүшмәји чох арзу едирди. Павел “мүштәрәк иман васитәсилә” руһландырылманын әһәмијјәтини дәрк едирди (Ром. 1:11, 12). Аллаһын ирадәсини јеринә јетирмәјимизә көмәк етмәк үчүн, Рәһбәрлик шурасы гајғыкешликлә бизим үчүн “Падшаһлығын чалышган тәблиғчиләри” адлы вилајәт конгреси һазырлајыб. Бу конресдә бир-биримизи руһландыра биләрик.

³ Фајдаланмаг үчүн иштирак ет. Үч ҝүнүн һамысында иштирак етмәји гаршына мәгсәд гој. Фајда әлдә етмәк үчүн биринҹи маһны сәсләнмәздән әввәл ҝәл вә јекун дуаја кими гал (Иш. 48:17, 18). Конгресин һеч бир ҝүнүнү бурахмасынлар дејә, бир чохлары иш графикләриндә дәјишикликләр етмәк үчүн мүдирләри илә габагҹадан данышмалыдырлар. Ишдән иҹазә алмаг һәмишә асан олмур, амма Јеһова әмин едир ки, Онун ирадәсини јеринә јетирмәкдә бизә көмәк едәҹәкдир (1 Јәһ. 5:14, 15). Нәглијјат вә јашајыш јери илә мәсәләни һәлә һәлл етмәмишиксә, инди буну етмәјин әсл вахтыдыр: бу иши өзбашына бурахмаг лазым дејил. Әмин ола биләрик ки, конгресин кечәҹәји үч ҝүндә иштирак етмәк ҹәһдимизә Јеһова хејир-дуа верәҹәкдир (Сүл. мәс. 10:22).

⁴ Руһландырылаҹағымызы сәбирсизликлә ҝөзләјирик. Јәгин ки, вилајәт конгресиндән гајыдаркән демисән: бу, һәјатымда ән јахшы конгрес олду! Бу һиссләри нә илә изаһ етмәк олар? Руһланмағынла. Гејри-камил олан биз инсанларын һамысынын руһландырылмаға еһтијаҹы вар, ахы һәјат бизи руһдан сала биләр (Иш. 40:30). Бир баҹы өз һиссләри илә бөлүшүр: “Бу дүнја мәни тагәтдән салыр. Конгресләр исә, диггәтими јенидән руһани шејләрә ҹәлб етмәкдә вә еһтијаҹ дујдуғум руһани гүввәни әлдә етмәкдә мәнә көмәк едир. Елә тәәссүрат јараныр ки, руһландырма, даһа чох еһтијаҹ дујдуғум анда көмәјимә чатыр”. Чох ҝүман ки, сән буна бәнзәр һиссләр јашамысан.

⁵ Биз јалныз мә’рузәләрдән вә мүсаһибәләрдән дејил, програмын руһән зәнҝинләшдирән диҝәр һиссәләриндән дә руһланырыг. Бир гардаш данышырды: “Конгресдә Мүгәддәс Китаб принсипләринин ајдын вә практики тәтбигини изаһ етмәләри чох хошума ҝәлир. Һәмчинин, гәдим дөврдәки истәр јахшы, истәрсә дә пис нүмунәләрдән фајда әлдә етмәјин үсулуну ҝөстәрән драмалар да чох көмәк едир. Јени нәшрләрин бурахылышыны сәбирсизликлә ҝөзләјирәм вә евә гајытдыгдан сонра онлары охумагдан узун мүддәт һәзз алырам”.

⁶ Конгресләр, јашадығымыз бу “чәтин анларда” Јеһованын бәхш етдији олдугҹа гијмәтли јардымдыр (2 Тим. 3:1). Онлар бизә Мүгәддәс Китабын “ајыг олун, иманда сабит дурун, мәрданә вә мөһкәм олун” нәсиһәтинә диггәт јетирмәјә көмәк едир (1 Кор. 16:13). Буна ҝөрә дә ҝәлин “Падшаһлығын чалышган тәблиғчиләри” адлы вилајәт конгресимизин бүтүн һиссәләриндә иштирак едәк вә гаршылыглы руһландырылмадан һәзз алаг!

[3 сәһифәдәки чәрчивә]

Үч ҝүнүн һамысында иштирак етмәји планлашдыр

■ Ишдән иҹазә ал.

■ Конгресин кечириләҹәји шәһәрдә мәнзил тап.

■ Конгресә неҹә ҝедәҹәјини гәрарлашдыр.