Јеһованын Шаһидләринин 2006-ҹы илдә кечириләҹәк «Гуртулуш јахындыр» адлы вилајәт конгреси
1. Гәдимдә Аллаһын халгы һәгиги ибадәтә ҝөрә олан миннәтдарлығыны неҹә ҝөстәрә биләрди вә бу ҝүн биз һансы охшар имкана маликик?
1 Гәдим Јәһуда һөкмдары Хизгија, чапарлар васитәсилә халга мәктублар ҝөндәрди. Бу мәктубларда онларын һамысы Јерусәлимә топлашмаға дә’вәт олунурду (2 Салн. 30:6, 13). Халгын ҹавабы онун һәгиги ибадәтә олан мүнасибәтини ачыглајырды (2 Салн. 30:10-12). Јахын ајларда Јеһованын мүасир хидмәтчиләри дә бирликдә топлашараг, Јеһоваја ибадәт етмәк имканына ҝөрә сәмими миннәтдарлыгларыны нүмајиш етдирә биләҹәкләр. Јығынҹағыныза сизи «Гуртулуш јахындыр» адлы вилајәт конгресинә дә’вәт едән мәктуб ҝөндәрилмишдир. Бу дә’вәтә сән неҹә ҹаваб верәҹәксән?
2. Конгрес програмындан там фајдаланмаг үчүн биз индидән нә едә биләрик?
2 Индидән һазырлыг ҝөр. Мәһәббәтлә тәгдим олунан руһани програмдан там мә’нада фајдаланмаг үчүн конгресин һәр үч ҝүнүндә иштирак етмәмиз лазымдыр. Аиләнлә бирликдә конгресин һәр үч ҝүнүндә иштирак етмәк үчүн индидән мүдрикликлә һазырлыг ҝөр (Сүл. мәс. 21:5). Бу, өзүнә мүдирдән иҹазә алмағы, планларыны иманына шәрик олмајан һәјат јолдашынла мүзакирә етмәји, меһманханада отаг сифариш етмәји вә Мүгәддәс Китабы өјрәндијин адамлара конгресин һәр үч ҝүнүндә иштирак етмәк үчүн көмәји дахил едә биләр. Бу ваҹиб мәсәләләри сон дәгигәјә кими тә’хирә салма. ‘Онун едәҹәјинә’ инанараг бу һагда Јеһоваја дуа ет (Мәз. 37:5).
3. Бизим мәнзиллә тә’мин олунмамыз үчүн тәдбир ҝөрән гардашларла нә үчүн әмәкдашлыг етмәлијик?
3 Јеһованын тәшкилаты вилајәт конгреси кечирилән шәһәрләрин һәр бириндә нүмајәндәләр үчүн кифајәт гәдәр јашајыш јерләринин олмасына сә’ј ҝөстәрир. Бу һазырлыгларын тәшкилиндә иштирак едән фәдакар гардашларын сә’јләрини гијмәтләндирир вә конгресин диҝәр нүмајәндәләрини нәзәрә алырыгса, һәмчинин теократик низам-интизама һөрмәт бәсләјириксә, бу мәгаләдә тәгдим олунан рәһбәрлијә әмәл едәҹәјик (1 Кор. 13:5; 1 Салон. 5:12, 13; Ибр. 13:17).
4-6. Меһманханада отаг сифариш едәркән һансы ваҹиб мәсәләләри јадда сахламалыјыг вә нәјә ҝөрә? (4-ҹү сәһифәдәки чәрчивәјә дә бах.)
4 Меһманханаларда отаг сифариши. Бу мәгалә хидмәти ҝөрүшдә мүзакирә едилдикдән сонра е’ланлар лөвһәсиндә мүнасиб меһманханаларда «Мәсләһәт ҝөрүлән мәнзилләрин сифариши» бланкы асылаҹагдыр. Зәһмәт олмаса, 4-ҹү сәһифәдәки чәрчивәдә олан ҝөстәришләрдән истифадә едәрәк јалныз бу сијаһыда ады чәкилән меһманханаларда вә јалныз ҝөстәрилән гијмәтә отаг сифариш ет. Хаһиш олунур, сијаһыда олмајан меһманханалара конгресин нүмајәндәләри үчүн ендиримли гијмәтләрлә отагларын олуб-олмадығыны өјрәнмәк мәгсәди илә зәнҝ етмә. Белә меһманханалар чох вахт онларда Јеһованын Шаһидләри үчүн мүнасиб гијмәтләри олдуғуну сөјләјирләр. Бу ҹүр әмәкдашлығын сајәсиндә, һәр ил конгрес кечирилән јерә јахын, јахшы меһманханаларла уҹуз гијмәтли мәнзилләр үчүн мүгавилә бағламаг мүмкүн олур(1 Кор. 14:40).
5 Јадда сахламаг ваҹибдир ки, һәгигәтән дә истифадә едәҹәјимиз отаглары сифариш етмәлијик. Әҝәр конгресин башга нүмајәндәләри илә әввәлҹәдән разылашмамысанса вә ја һәмин меһманханада јашамаг истәјәнләрин гәрарларынын гәти олдуғуну билмирсәнсә отаг сифариш етмә. Бу, конгрес үчүн сифариш олунан отагларын сајыны сүн’и олараг артырыр вә конгресин диҝәр нүмајәндәләринин отаг сифариш етмәсини чәтинләшдирир. Һәр бир отаг орада јашајаҹаг шәхсләрдән јалныз биринин адына сифариш олунмалыдыр.
6 Әҝәр тәләб олунурса, һәр бир сифариш олунмуш отаг үчүн беһ јолламаг лазымдыр. Әкс тәгдирдә сизин отағыныз башга кимәсә тәклиф олуна биләр. Әҝәр сән сијаһыдакы бүтүн меһманханалара зәнҝ етдикдән сонра онларын һеч бириндә отаг тапа билмәзсәнсә вә ја меһманхана илә бағлы башга бир проблем јаранарса, бу барәдә јығынҹағын катибинә хәбәр вер. О, сијаһынын әввәлиндә верилән мә’луматдан истифадә едәрәк, филиалла дејил, ҝедәҹәјин конгресин мәнзил шө’бәси илә әлагә сахламалыдыр. Хаһиш олунур, сијаһыда олмајан меһманханаја зәнҝ етмәк әвәзинә, мәнзил шө’бәси сәнин иштирак едәҹәјин конгрес үчүн меһманханаларын ән јени сијаһысыны ҝөндәринҹәјә гәдәр ҝөзлә.
7, 8. Хүсуси тәләбатлары олан шәхсләрә неҹә гајғы ҝөстәрилә биләр?
7 Хүсуси тәләбатлар. Сүлејманын мәсәлләри 3:27 ајәсиндә дејилир: «Әлиндән јахшылыг ҝәлирсә, буна лајиг инсанлардан әсирҝәмә». Сән конгреслә әлагәдар олараг башгаларына неҹә јахшылыг едә биләрсән? Јашлы вә зәиф баҹы-гардашларымызын, таммүддәтли хидмәтчиләрин вә башгаларынын конгресә ҝетмәк вә ја мәнзил тапмаг үчүн практики көмәјә еһтијаҹлары ола биләр. Онларын гајғысына галмаг илк нөвбәдә гоһумларын вәзифәсидир (1 Тим. 5:4). Әҝәр онлар буну едә билмирләрсә, о заман һәмиманлылар көмәклик ҝөстәрә биләрләр (Гал 6:10). Китабөјрәнмә нәзарәтчиси гајғы ҝөстәрәҹәк ки, хүсуси тәләбатлары оланлар үчүн әввәлҹәдән тәдбирләр ҝөрүлсүн.
8 «Хүсуси тәләбатлы шәхсләр үчүн мәнзил сорғусу» бланкы јалныз доғрудан да хүсуси јашајыш шәраитинә еһтијаҹы олан вә бу еһтијаҹы аиләси вә ја јығынҹаг үзвләри тәрәфиндән тә’мин едилә билмәјән тәблиғчиләр үчүн нәзәрдә тутулуб. Јығынҹағын хидмәти комитәси бланкдакы вә бүтүн ағсаггаллара ҝөндәрилән 14 декабр 2004-ҹү ил тарихли мәктубундакы ҝөстәришләрә әмәл едәрәк тәблиғчинин сифаришини нәзәрдән кечирәҹәк. Бу ҹүр сифаришләр јалныз нүмунәви вә ушаглары јахшы тәрбијә олунан тәблиғчиләр үчүндүр.
9. а) Биз нә үчүн тә’јин олундуғумуз конгресдә иштирак етмәлијик? б) Әҝәр шәраит сәнин башга конгресдә иштирак етмәни тәләб едирсә, о заман һансы тәдбирләр ҝөрүлмәлидир?
9 Башга конгресдә иштирак етмәк. Һамыја кифајәт гәдәр јер, әдәбијјат вә мәнзил чатсын дејә тәблиғчиләрдән хаһиш олунур ки, јығынҹаглары дә’вәт едилән конгресдә иштирак етсинләр. Әҝәр шәраитдән асылы олараг сән башга конгресдә иштирак етмәк мәҹбуријјәтиндәсәнсә, онда хаһиш олунур, јығынҹағын катибинә мүраҹиәт ет. О, сәнә ҝетмәк истәдијин конгрес бүросунун үнваныны верәҹәк. Бу үнван «Хүсуси тәләбатлы шәхсләр үчүн мәнзил сорғусу» бланкынын архасында дәрҹ олунуб. «Мәсләһәт ҝөрүлән мәнзилләрин сијаһысы»нын вә ја һәр һансы башга әлавә мә’луматын ҝөндәрилмәси һагда етдијин хаһишлә бирликдә, маркалы конверт вә өз үнваныны јолламағы унутма. Әҝәр һәмин шәһәрдә бир нечә конгрес кечириләҹәксә, иштирак едәҹәјин конгресин тарихини ҝөстәр.
10. Үзүмүзә ҝәлән конгресдә севинҹимизи неҹә артыра биләрик?
10 Көнүллүләрә еһтијаҹ вар. Шүбһә јохдур ки, руһани гиданы вә һәмиманлылары илә руһландырыҹы үнсијјәти јүксәк гијмәтләндирәнләр, конгресдә иштирак етмәкдән бөјүк севинҹ дујаҹаглар. Конгресин уғурла кечмәси үчүн едилән ишләрдә көнүллү олараг көмәклик ҝөстәрсәк, бизим севинҹимиз даһа да артаҹаг (Һәв. иш. 20:35). Јерли конгрес комитәси бу ишдә көмәклик етмәк үчүн тезликлә көнүллүләри дә’вәт едәҹәк. Сән дә бу ишдә иштирак едә биләрсәнми? (Мәз. 110:3)
11. Вилајәт конгресиндә нәји гијмәтләндирирсән вә биз нәјә гәрарлы олмалыјыг?
11 Вилајәт конгресиндә иштирак едән беш јашлы оғлан дејир: «Ән чох хошладығым һадисә вилајәт конгресидир». Бу сәмими сөзләр бизим һамымыза һәр ил вилајәт конгресиндән дујдуғумуз севинҹи хатырладыр. Бу доғрудан да мәзмурчунун сөјләдији сөзләрә бәнзәјир: «Сәнин һәјәтиндә кечән бир ҝүнүм мин ҝүнүмдән јахшыдыр» (Мәз. 84:10). Давуд мәзмурунда ‘бүтүн өмрү боју Рәббин евиндә јашамаг, Она пәрәстиш етмәк’ арзусуну ифадә едирди (Мәз. 27:4). Јеһованын хидмәтчиләри арасында олмаг Давуда бөјүк мәмнунлуг һисси ҝәтирирди. Буна бәнзәр шәкилдә биз дә «Гуртулуш јахындыр» адлы вилајәт конгресинин һәр үч ҝүнүндә иштирак етмәклә, Јеһоваја ибадәт етмәк имканына ҝөрә миннәтдарлығымызы тәзаһүр етдирә биләрик.
[3 сәһифәдәки чәрчивә]
Конгресин ҹәдвәли
Ҹүмә вә шәнбә ҝүнләри
9:30 — 17:05
Базар ҝүнү
9:30 — 16:10
[4 сәһифәдәки чәрчивә]
Меһманханада отаг сифариш етмәјин јоллары
1. Меһманханалара иш вахты зәнҝ ет. «Мәсләһәт ҝөрүлән мәнзилләрин сијаһысы»нда ҝөстәрилән телефон нөмрәләриндән истифадә ет.
2. Меһманхана ишчиләринә хәбәр вер ки, сән Јеһованын Шаһидләринин конгресинә ҝәлирсән.
3. Меһманханада галаҹағын мүддәти билдир.
4. Әҝәр меһманханада јер јохдурса, сијаһыдакы башга меһманханаја зәнҝ вур.
5. Сијаһыда ҝөстәрилмиш гијмәтдән баһа гијмәтә разы олма.
6. Отаг сифариш ет вә хаһиш ет ки, һәмин отағын сәндән башга һеч кимә верилмәјәҹәјини тәсдигләсинләр.
7. Беһи кредит карты, гәбз вә ја почт васитәсилә мүәјјән едилмиш вахт әрзиндә ҝөндәр. Һеч вахт нәғд пул ҝөндәрмә. Нәзәрә алмаг лазымдыр ки, отагларын сифариши үчүн бә’зи меһманханалар әлавә пул алырлар.
Хаһиш олунур
◼ Јалныз «Мәсләһәт ҝөрүлән мәнзилләрин сијаһысы»нда олан меһманханаларда гал.
◼ Сәнә доғрудан да лазым олан отағы сифариш ет.
◼ Биринҹи сифаришини дәјишмә (Мат. 5:37).
◼ Әҝәр сијаһыда башга ҹүр ҝөстәрилмәјибсә, бир отагда, ушаглар да дахил олмагла, дөрд адамын јерләшдирилмәсини планлашдыр.