Әҝәр јығынҹағынызын әразиси бөјүкдүрсә
1 Иса Мәсиһ гәдим Исраилин бүтүн ҝениш әразиси боју — Јәһудејанын шәһәрләриндән тутмуш Галилејанын кәндләринә кими һәр јердә сә’јлә тәблиғ едирди (Марк 1:38, 39; Лука 23:5). Бу ҝүн бизим дә гаршымызда, баҹардыгҹа даһа чох сајда инсанлара хош хәбәри данышмаг тапшырығы дурур (Марк 13:10). Лакин буну етмәк чәтин ола биләр. Нәјә ҝөрә?
2 Белорусијада вә Русијада чох јығынҹаглар бөјүк әразиләрә маликдирләр. Әҹнәби дилли јығынҹаглар, о ҹүмләдән жест дилиндә олан јығынҹаглар әһалиси чох олан шәһәрләрдә тәблиғ едирләр: өз дилләриндә данышан инсанлары ахтарырлар. Бу ҹүр бөјүк әразидә јашајан инсанлара Јеһова, Иса вә Падшаһлыг һаггында һәгигәти өјрәнмәкдә неҹә көмәк едә биләрик?
3 Диггәтлә планлашдырын. Јахшы нәтиҹәләр әлдә етмәк үчүн хидмәти нәзарәтчи вә әразиләрә ҹавабдеһ олан гардаш јығынҹағын сә’јини мүәјјәнләшдирмәлилдир. Еһтимал ки, хидмәти, тәблиғчиләрин әксәријјәтинин тәблиғә бүтүн ҝүнләрини һәср едә биләҹәкләри шәнбәләрдә планлашдырмаг олар. Узаг әразијә јолланаркән, имкан дахилиндә ади ҝүнләрдә олдуғундан даһа чох хидмәт етмәји планлашдырын вә өзүнүзлә наһар ҝөтүрүн. Әразијә гәдәр олан јола вахтыныз олсун дејә даһа тез ҝөрүшә биләрсиниз вә ја хидмәт үчүн ҝөрүшү тәблиғ едәҹәјиниз әразијә јахын јердә кечирә биләрсиниз. Кәнд јерләриндә тәблиғи илин елә вахтында тәшкил един ки, һава вә јол шәраити әлверишли олсун.
4 Әҹнәби дилли әразиләрдә хидмәт едәнләр, өзләри илә адларын вә үнванларын ән јени сијаһысыны, һәмчинин хәритә ҝөтүрсәләр гијмәтли вахтларына гәнаәт едә биләрләр. Әразиләри елә тәшкил един ки, тәблиғә ҝедән груп һәмин әразидә олан бүтүн үнванлара баш чәкә билсинләр.
5 Өзүнүзлә мүтләг кифајәт сајда әдәбијјат ҝөтүрүн. Әҝәр әрази ҝеҹ-ҝеҹ ишләнилирсә, евдә олмајан кәсләрә трактат вә ја журналын көһнә бурахылышыны сахламаг олар. Әҝәр сизин дилиниздә “Мүгәддәс Китаб һаггында даһа чох билмәк истәјәрдинизми?” трактаты варса, ону евдә тапдығыныз һәр бир кәсә тәклиф един, һеч кәс олмајан евләрдә дә бир нүсхә сахлајын.
6 Әмәкдашлыг ваҹибдир. Бөјүк әразидә хидмәт етмәк, јығынҹағын бүтүн тәблиғчиләриндән бирҝә сә’ј тәләб едир. Әҝәр чох вахт машындан истифадә етмәк лазым ҝәлирсә, онда машындан бирликдә истифадә едәнләр јанаҹағын хәрҹини араларында бөлүшә биләрләр. Данышмаға һазыр олан инсанларла гаршылашанда дүшүнҹәли тәрздә давранын. Һәмишә хатырлајын ки, әразидә јашајан бүтүн инсанлара баш чәкмәк лазымдыр.
7 Инсанларын ҝөстәрдији һәр-һансы бир марағы инкишаф етдирмәк үчүн гәти тәдбирләр ҝөрүн. Үнвандан әлавә, марагланан адамын телефон нөмрәсини дә өјрәнин ки, сонра да сөһбәт етмәк үчүн онунла әлагә сахлаја биләсиниз. Кәнд күчәләринин адлары вә евләрин нөмрәләри јохдурса, јахшы план чәкин вә ја әразинин тәсвирини гејд един ки, тәкрар башчәкмә заманы, марагланан инсаны тапа биләсиниз.
8 Исанын — “һансы шәһәрә, ја кәндә ҝирсәниз орада ләјагәтли кимдирсә ахтарын” тапшырығыны јеринә јетирмәк неҹә дә шәрәфдир! (Мат. 10:11). Бу ҹүр мүкафатландырыҹы ишә өзүнүзү һазырлыгла һәср едирсинизсә, Јеһова, шүбһәсиз ки, сә’јләринизә хејир-дуа верәҹәк!