Инсанлары евдә тапмајанда
1. Евдән-евә тәблиғ заманы чох вахт һансы проблемлә гаршылашырыг?
1 Бир чох өлкәдә инсанлары евдә тапмаг ҝет-ҝедә чәтинләшир. Јашадығымыз ‘чәтин анларда’ инсанлар ҝүндәлик чөрәк пулу газанмаг үчүн чох ишләмәли олурлар ( 2 Тим. 3:1). Бә’зиләри исә, мағазалара, истираһәт вә ја әјләнҹәләрә чох вахт ајырдыглары үчүн евдә аз олурлар. Бәс белә инсанлара хош хәбәри неҹә чатдыра биләрик?
2. Евдә олмајанлара баш чәкилсин дејә, нә едә биләрик?
2 Дәгиг гејдләр ет. Әввәлҹә, евдә олмајанлары дәгиг гејд ет. Бу, тез-тез ишләнән саһәләрдә хүсусилә ваҹибдир. Сән үнваны, саһәнин нөмрәсини, өз адыны вә тарихи јазырсанмы? Әлавә јер сахламаг лазымдыр ки, ја өзүн, ја да башга тәблиғчи евдә олмајанлара баш чәкәндә гејдләр етмәк мүмкүн олсун. Саһәндә тәблиғи гуртаранда, әҝәр саһәләрин карточкасына ҹавабдеһ гардаш евдә олмајанлара баш чәкмәји сәнә тәклиф етмирсә, гејдләрини она вермәји унутма. Мараг ҝөстәрән вә өзүн тәкрар баш чәкәҹәјин һәр бир инсан барәдә ајрыҹа вәрәгәдә гејдләр ет.
3. Евдә олмајанлара хош хәбәри һансы үсулларла тәблиғ етмәк олар?
3 Башга вахт ҝәл. Иш ҝүнләри евдә олмајан инсанлары, еһтимал ки, ахшамлар вә ја истираһәт ҝүнләри евдә тапмаг олар. Даһа мүнасиб вахтда ҝәлмәји планлашдыра биләрсәнми? (1 Кор. 10:24). Әҝәр бу мүмкүн дејилсә, онда башга вахт ҝәлмәјә имканы олан тәблиғчидән көмәк истәјә биләрсән. Даһа бир үсул, евдә олмајанлара мәктуб јазмаг вә ја онларла телефон васитәсилә данышмагдыр. Сәһһәтләри евдән-евә тәблиғ етмәјә јол вермәјән тәблиғчиләр бу ишдә сәнинлә әмәкдашлыг етмәјә шад оларлар.
4. Саһиби евдә олмајан мәнзилләрә тәкрар ҝәлмәјин ваҹиб олдуғуну һансы һадисә ҝөстәрир?
4 Бир һадисә, евдә олмајанларла әлагә јаратмаға чалышмағын нә гәдәр ваҹиб олдуғуну ҝөстәрир. Тәблиғчиләр үч ил әрзиндә бир евә тәкрар-тәкрар ҝәлмиш, амма орада һеч кими тапмамышлар. Нәһајәт, орада јашајан бир гадынла сөһбәт етмәјә мүвәффәг олмушлар. Мә’лум олмушдур ки, һәмин гадын бура көчдүкдән сонра Мүгәддәс Китаб өјрәнмәсини давам етмәк үчүн бүтүн бу вахт әрзиндә Јеһованын Шаһидләри илә ҝөрүшмәк истәјирмиш.
5. Саһәни нә заман ишләнмиш һесаб етмәк олар?
5 Саһәни там ишлә. Саһәни нә заман ишләнмиш һесаб етмәк олар? Адәтән һәр бир евин вә ја мәнзилин сакини илә әлагә јаратмаг үчүн сә’ј ҝөстәрилибсә, саһә ишләнмиш һесаб едилир. Әҝәр аз-аз ишләнән саһәдирсә, евдә олмајанлара трактат вә ја журналларын әввәлки сајларындан гојмаг мүнасиб оларды. Бүтүн саһәни дөрд ај әрзиндә ишләмәк лазымдыр. Сонра исә, өз гејдләринә дахил етсин дејә, саһәләрә ҹавабдеһ олан гардаша бу барәдә мә’лумат вермәк ҝәрәкдир.
6. Нәјә ҝөрә саһәмиздәки һәр бир инсана хош хәбәри чатдырмаға чалышмалыјыг?
6 Биз истәјирик ки, имкан дахилиндә даһа чох инсан Јеһованын адыны чағыра вә хилас ола билсин (Ром. 10:13, 14). Бу, биз тәблиғ едәркән евдә олмајанлара да аиддир. Ҝәлин биз дә һәвари Павел кими, ‘Аллаһын лүтфү һаггындакы Мүждәјә шәһадәт едәк’ (Һәв. иш. 20:24).