Рајон конгресинин јени програмы
1 Бу дәјишкән дүнјада, иманда мөһкәм дурмаг үчүн, Јеһоваја ҝүвәнмәлијик. Бәс бу ифадә практикада һансы мә’наны дашыјыр? Јеһоваја ҝүвәнмәк бизим шәхси вә аилә һәјатымыза неҹә тә’сир ҝөстәрир? Бизә, Шејтан дүнјасынын тә’сирләринә мүгавимәт ҝөстәрмәјә неҹә көмәк едир? Бу суаллара, 2003-ҹү хидмәт илинин рајон конгреси ҹаваб верәҹәк. Бу конгрес белә адланаҹаг: “Јеһоваја ҝүвән вә јахшылыг ет” (Мәз. 37:3).
2 Биз Јеһоваја јалныз хүсуси һалларда вә ја чыхылмаз вәзијјәтләрә дүшәндә ҝүвәнмирик. Аллаһа ҝүвәнмәк һәјатымызын бүтүн саһәләрини әһатә едир. Бу фикрә, “Һәр заман Јеһоваја ҝүвәнин” адлы ҝириш мә’рузәдә диггәт јетириләҹәк (Мәз. 62:8). “Јеһоваја ҝүвәндијимизи ајдын ҝөстәририк” үмуми башлыг алтында олан дөрд мә’рузә, никаһда хошбәхтлијә наил олмаг, аилә проблемләрини һәлл етмәк вә мадди тәләбатлар барәдә гајғы ҝөстәрмәк үчүн Мүгәддәс Китаб мә’луматларыны неҹә тапмаг вә тәтбиг етмәк һаггында данышаҹаг.
3 Шејтанын дүнјасы бизә хејирлә шәрә даир тәһриф олунмуш бахышлар ашыламаға вә ваҹиб олан олмајан шејләри мүәјјән етмәкдә мане олмаға чалышыр (Иш. 5:20). “Мә’насыз ишләрдән горунун” вә “Шәрдән гачынын вә јахшылыг един” мә’рузәләри, Јеһованын јүксәк нормаларыны дәстәкләмәк гәрарымызы мөһкәмләдәҹәк (Амос 5:14).
4 Јеһова һазырки системи мәһв едәҹәји заман, Онун хидмәтчиләри бүтүнлүклә Она ҝүвәнмәлидирләр. Бу, “Дүнја фәлакәтләриндән хилас јахындыр” адлы ачыг мә’рузәдә гејд олунаҹаг. Сонра “Аллаһын Падшаһлығына лајиг сајылаҹагсынызмы?” мә’рузәси заманы бизә, өзүмүзү јохламағы тәклиф едәҹәкләр. Програм “Јеһованын вә’дләринә ҝүвәнин” адлы тәшвигедиҹи мә’рузә илә баша чатаҹаг.
5 Адәтән олдуғу кими, конгрес програмынын диггәтә лајиг һиссәси, вәфтиз олунанлар үчүн мә’рузә олаҹагдыр. Вәфтиз олмаг истәјәнләр, истәкләри барәдә сәдрлик едән нәзарәтчијә мүмкүн гәдәр тез хәбәр вермәлидирләр ки, лазыми тәдбирләр ҝөрүлсүн.
6 Бу нараһат ҝүнләрдә әминликлә ҝүвәниләҹәк вә үмид бәсләнәҹәк јеҝанә шәхс Јеһовадыр (Мәз. 118:8, 9). Ҝәлин, Аллаһымыза даһа чох ҝүвәнмәк үчүн, гаршыдан ҝәләҹәк конгрес програмынын һеч бир һиссәсини бурахмајаг.