Рајон конгресинин јени програмы

Бу сон дәрәҹә “чәтин анлар”да Аллаһын лүтфүнү газанмаг вә ону горујуб сахламаг үчүн бизә Онун мүдриклији лазымдыр (2 Тим. 3:1). “Јухарыдан назил олан һикмәти” рәһбәр тутуруг” адлы мөвзуда вурғуландығы кими, 2005-ҹи хидмәт или үчүн рајон конгресинин програмы бизә практики нәсиһәтләр верәҹәк вә бизи руһландыраҹаг (Јаг. 3:17).

“Јухарыдан назил олан һикмәти” һәјатымызда тәзаһүр етдиририк” башлығы алтындакы мә’рузәләр силсиләсинин биринҹи һиссәси бизә әхлаглы, сүлһсевәр, дүшүнҹәли вә итаәткар олмаг үчүн нә тәләб олундуғуну баша дүшмәкдә көмәк едәҹәк. Сонра исә рајон нәзарәтчиси јухарыдан назил олан һикмәтин диҝәр үч тәрәфинә диггәт јетирәҹәк. Вилајәт нәзарәтчиси бә’зиләринин мәсиһчи хидмәтчиләрини “охумамыш, авам адамлар” һесаб етмәләринә бахмајараг, онларын Аллаһын һикмәтини данышмаг үчүн тәҹһиз олундугларыны ҝөстәрәрәк конгресин биринҹи ҝүнүнә јекун вураҹаг (Һәв. иш. 4:13).

Конгресин икинҹи ҝүнү “Инкишаф етдирән шејләрә ҹан атын” башлығы алтындакы мә’рузәләр силсиләси бизә көмәк едәҹәк ки, бизи руһани ҹәһәтдән зәифләдә билән шејләри мүәјјән едәк вә онлардан гачынаг. Бу бизә һәмчинин јығынҹаг ҝөрүшләриндә, тәблиғ хидмәтиндә вә аилә үзвләримизин арасында башгаларыны неҹә инкишаф етдирә биләҹәјимизи ҝөстәрәҹәк. “Аллаһын һикмәти хејир-дуалар мәнбәјидир” адлы ачыг мә’рузә Аллаһын принсипләрини һәјатымызда тәтбиг едәрәк әлдә етдијимиз хејир-дуалара ҝөрә олан миннәтдарлығымызы артыраҹаг. “Аллаһын һикмәти бизи горујур” адлы јекун мә’рузә бу ахыр ҝүнләрдә Јеһовадан мүдриклик истәмәк ҹәһдимизи ҝүҹләндирәҹәк.

Һәр бир конгресин әламәтдар һиссәси јени шаҝирдләрин вәфтиз олунмасыдыр. Теократик Хидмәт Мәктәби вә “Ҝөзәтчи Гүлләси”нин өјрәнилмәси дә програмын сәҹијјәви хүсусијјәти олаҹаг. Јеһова истәјир ки, бизим һамымыз Онун тәгдим етдији һикмәтдән фајда әлдә едәк. Рајон конгресиндә алаҹағымыз мәсләһәт вә руһландырылма бизи руһани ҹәһәтдән зәнҝинләшдирәҹәк (Сүл. мәс. 3:13-18).