Јеһова Она ҝүвәнән кәсләрә јардым едир
1 Бир чох инсанлар пула, һакимијјәтә вә инсан исте’дадына мүвәффәгијјәтин ачары кими бахырлар (Мәз. 12:4; 33:16, 17; 49:6). Лакин Мүгәддәс Китаб Јеһовадан горханлары вә Она ҝүвәнәнләри әмин едир ки, Јеһова онларын “јардымы вә галханы”дыр (Мәз. 115:11). Ҝәлин, Јеһоваја ҝүвәнмәли олдуғумуз ики саһәни нәзәрдән кечирәк.
2 Мәсиһчи хидмәтчиләри кими. Биз јығынҹагда чыхыш едән вә ја тәблиғ едән заман, Аллаһа ҝүвәнмәлијик. Иса Мәсиһ неҹә давранырды? Аллаһын Оғлу олмасына бахмајараг, о, өз билијинә вә баҹарығына дејил, тамамилә өз сәмави Атасына ҝүвәнирди (Јәһ. 12:49; 14:10). Ҝөрүн буну етмәк бизим үчүн нә гәдәр ваҹибдир! (Сүл. мәс. 3:5-7). Бизим тәвазөкарлыгла ҝөстәрдијимиз сә’јләр јалныз Јеһованын хејир-дуасы сајәсиндә Она шәрәф вә башгаларына фајда ҝәтирәҹәкдир (Мәз. 127:1, 2).
3 Биз Јеһованын рәһбәрлијинин вә мүгәддәс руһунун көмәји үчүн дуа етмәклә Она ҝүвәндијимизи ҝөстәририк (Мәз. 105:4; Лука 11:13). Бундан әлавә, биз өјрәтдикләримизи Аллаһын Кәламы олан Мүгәддәс Китаба әсасландырдыгда Она ҝүвәндијимизи ҝөстәририк. Мүгәддәс Китабын мүждәси инсанларын үрәјинә тә’сир етмәјә вә һәјатларыны дәјишмәјә гадирдир (Ибр. 4:12). Биз ‘Аллаһын тә’мин етдији гүввәтлә хидмәт едәндә’ Јеһова иззәтләнир (1 Пет. 4:11).
4 Проблемләрин һәлли заманы. Биз чәтинликләр вә проблемләрлә гаршылашан заман да јардым үчүн Јеһоваја мүраҹиәт етмәлијик (Мәз. 46:1). Мәсәлән, мүдир конгрес үчүн бизә иҹазә вермәк истәмир, јахуд аиләмиздә һансыса чәтин вәзијјәт јараныб. Әҝәр Јеһоваја сәмими гәлбдән дуа едир вә Онун Өз Кәламы вә тәшкилаты васитәсилә тәгдим етдији рәһбәрлијә риајәт едириксә, Она ҝүвәндијимизи ҝөстәририк (Мәз. 62:8; 119:143, 173). Бу ҹүр давранараг, Јеһованын хидмәтчиләри Онун јардымыны дујурлар (Мәз. 37:5; 118:13, 16).
5 Јеһова Өзү бизи әмин едир: “Нә хошбәхтдир о адам ки, Рәббә ҝүвәнир вә онун ҝүвәндији Рәбдир” (Јер. 17:7). Ҝәлин, етдијимиз һәр бир ишдә Јеһоваја ҝүвәнәк! (Мәз. 146:5).