Һесабатын дәгиг олмасында сәнин көмәјин вармы?
1 Мүгәддәс Китабда гејд олунан бир чох һадисәләр өзүнә, баш верән һадисәләри даһа јахшы тәсвир етмәјә көмәк едән сәҹијјәви рәгәмләр дахил едир. Мәсәлән, Ҝидеон мидијалылара ҹәми 300 адамла галиб ҝәлди (Һаким. 7:7). Јеһованын мәләји 185 000 Ассурија дөјүшчүсүнү мәһв етди (2 Крал. 19:35). Ерамызын 33-ҹү илинин Пентикост ҝүнүндә 3 000-ә јахын адам вәфтиз олунду вә иманлыларын сајы тезликлә 5 000 нәфәр олду (Һәв. иш. 2:41; 4:4). Бу мә’луматлардан ҝөрүнүр ки, Аллаһын гәдим дөврдә јашајан хидмәтчиләри баҹардыгҹа там вә дәгиг гејдләр етмәјә чалышырдылар.
2 Бу ҝүн Јеһованын тәшкилаты бизи, тәблиғ фәалијјәти барәдә һәр ај һесабат вермәјә тәшвиг едир. Бу мәсәләдә ҝөстәрдијимиз итаәткарлыг, тәблиғ хидмәтинә еффектли шәкилдә рәһбәрлик етмәјә көмәк едир. Мәсәлән, һесабатлар хидмәтин һансы саһәләринә хүсуси диггәт јетирмәјә вә һансы өлкәләрдә тәблиғчиләрә даһа чох еһтијаҹ олдуғуну ҝөрмәјә көмәк едир. Јығынҹагларын ағсаггаллары һесабатлар әсасында һансы тәблиғчинин ҝәләҹәкдә өз хидмәтини ҝенишләндирә биләҹәјини, һансы тәблиғчинин исә көмәјә еһтијаҹ дујдуғуну мүәјјән едә биләрләр. Падшаһлыг һаггында хәбәрин даһа ҝениш јајылмасы барәдә һесабатлар бүтүн мәсиһчи гардашлығымызы севиндирир. Һесабатын дәгиг олмасында сәнин көмәјин вармы?
3 Шәхсән сәнин гаршында дуран тәләб. Елә олурму ки, ајын ахыры ҝәлдикдә нә гәдәр вахт тәблиғ етдијини вә нә гәдәр әдәбијјат пајладығыны јада салмаг чәтин олсун? Әҝәр беләдирсә, нәјә ҝөрә бүтүн бунлары хидмәтдән дәрһал сонра гејд етмәјәсән? Бә’зиләри бунун үчүн тәгвимдән вә ја ҝүндәликдән истифадә едирләр. Диҝәрләри исә өзләрилә һесабат үчүн бланк ҝәздирирләр. Ајын ахырында тә’хирә салмадан һесабаты китабөјрәнмәнин нәзарәтчисинә вер. Ја да ки, истәсән, ону Падшаһлыг Залындакы һесабатлар үчүн гутуја сал. Һесабаты вермәји унутмусанса, китабөјрәнмәнин нәзарәтчисинин сәнә мүраҹиәт етмәсини ҝөзләмәдән, дәрһал онунла әлагә сахла. Виҹданла һесабат верәрәк сән, Јеһованын халгы арасында мөвҹуд олан гајда-гануна һөрмәт, һесабатлары топламаг вә һесабламаг үчүн тә’јин олунмуш гардашлара диггәт ҝөстәрмиш олурсан (Лука 16:10).
4 Китабөјрәнмә нәзарәтчисинин ролу. Китабөјрәнмәнин нәзарәтчиси, ајыг вә гајғыкеш чобан кими, ај әрзиндә китабөјрәнмә групунун фәалијјәтиндән хәбәрдар олмаға чалышыр (Сүл. мәс. 27:23). О, групда олан бүтүн тәблиғчиләрин мүнтәзәм вә кејфијјәтли тәрздә, һәмчинин севинҹлә тәблиғ едиб-етмәдикләриндән хәбәрдардыр. Чох вахт ондан, тәблиғчиләри руһландырмаг, практики мәсләһәтләр вермәк вә ја өзү илә хидмәтә дә’вәт етмәк ҝөзләнилир.
5 Ајын ахырында китабөјрәнмәнин нәзарәтчиси групун бүтүн үзвләринин һесабат вериб-вермәдијини ајдынлашдырыр ки, ҝөрсүн катиб нөвбәти ајын алтысы үчүн јығынҹағын дәгиг һесабатларыны ҝөндәрә биләҹәк, ја јох. Ајын ахырына јахын нәзарәтчи өз групуна һесабатлары вермәк һаггында јаддашлыг едә биләр. Һәмчинин јахшы оларды ки, китабөјрәнмәнин кечирилдији јердә еһтијатда һесабат үчүн бланклар олсун. Әҝәр ким исә хидмәт фәалијјәти һаггында һесабат вермәји тез-тез унудурса, нәзарәтчи она мүлајимликлә габагҹадан јаддашлыг едә биләр.
6 Һесабатлары вахтлы-вахтында вермәјин сајәсиндә, ҝөрүлән иш барәдә дәгиг мә’луматымыз олур. Һесабатын дәгиг олмасында сәнин көмәјин олаҹагмы?