Вахтында ҝөстәрилән көмәк
1 Һәмиманлыларыны руһландырмағын ваҹиблијини ҝөрәрәк, һәвари Петер онлары хатырлатмаларла ојандырды вә мәһәббәтлә руһландырды (2 Пет. 1:12, 13; 3:1). О, ‘имана малик оланлары’ тәшвиг етди ки, “Рәббимиз Иса Мәсиһи танымагда фәалијјәтсиз вә сәмәрәсиз” галмамалары үчүн өзләриндә мәсиһчи кејфијјәтләри јетишдирмәјә давам етсинләр (2 Пет. 1:1, 5-8). Петерин мәгсәди гардашлары, Јеһовадан алдыглары дә’вәтдә вә интихабда мөһкәмләнмәләринә көмәк етмәк иди ки, Јеһова “[онлары] нөгсансыз, ләкәсиз вә сүлһ ичиндә” тапсын (2 Пет. 1:10, 11; 3:14). Мәсиһчиләрин чоху үчүн Петерин сөзләри вахтында ҝөстәрилән көмәк олду.
2 Бу ҝүн мәсиһчи нәзарәтчиләри Аллаһын халгына буна бәнзәр гајғы ҝөстәрирләр. Бу “чәтин анларда” Јеһованын чох хидмәтчиләри ағыр шәраитләрдә јашајырлар (2 Тим. 3:1). Артмагда олан малијјә, аилә вә ја шәхси проблемләрлә тоггушаркән, бә’зиләри Давудун һиссләрини кечирә биләрләр: “Сајсыз шәрләр әтрафымы сарыды; фәсадларым ардымдан јетишди вә бахмаға ҝүҹүм јетмәз; башымын сачларындан чохдурлар; вә үрәјим мәни бурахды” (Мәз. 40:12). Проблемләрин чохлуғундан, бә’зиләри ән зәрури руһани мәс’улијјәтләрә е’тинасызлыг ҝөстәрмәјә башлајыр вә артыг мәсиһчи хидмәтиндә иштирак етмирләр. Лакин чәтин шәраитләрә бахмајараг, онлар Јеһованын әмрләрини унутмурлар (Мәз. 119:176). Инди ағсаггаллар үчүн, һәмин баҹы вә гардашлара лазыми көмәклик ҝөстәрмәјин әсл вахтыдыр (Иш. 32:1, 2).
3 Бу мәгсәдлә ағсаггаллар, һазырда тәблиғ хидмәтиндә гејри-фәал оланлара хүсуси диггәт ајырмаға тәшвиг олунублар. Ағсаггаллар март ајынын сонуна гәдәр, буна бәнзәр иши сә’јлә јеринә јетирәҹәкләр. Китабөјрәнмә нәзарәтчиләринә тапшырылмышдыр ки, гејри-фәал тәблиғчиләри руһән мөһкәмләтмәк вә мәсиһчи фәалијјәтини бәрпа етмәкдә көмәк етмәк мәгсәди илә, онлара баш чәксинләр. Тәләб олунарса, гејри-фәалларла Мүгәддәс Китаб өјрәнмәси башланаҹаг. Башга тәблиғчиләрдән дә көмәк истәмәк олар. Бу ҹүр хаһишлә сәнә мүраҹиәт едәрләрсә, сәнин көмәјин, хүсусән дә әҝәр башгаларыны хејирхаһлыгла вә анлајышла руһландырмағы баҹарырсанса, чох фајдалы олаҹагдыр.
4 Ким исә мәсиһчи фәалијјәтини јенидән бәрпа едәндә, бизим һамымызын севинмәк үчүн әсасымыз олур (Лука 15:6). Сөјләдијимиз руһландырыҹы сөзләр гејри-фәаллар үчүн һәгигәтән дә “јериндә сөјләнән сөз” ола биләр (Сүл. мәс. 25:11).