Гејри-фәаллары унутма
1. Нә үчүн гејри-фәаллары руһландырмаға ҹан атмалыјыг?
1 Гејри-фәаллашмыш тәблиғчиләрдән кимисә таныјырсан? Ола билсин о, јығынҹагла әлагәсини кәсиб вә һәгигәтдән узаглашыб. Бәлкә сән беләләриндән бири илә евдән-евә тәблиғ заманы гаршылашмысан. Јаддан чыхармајаг ки, о адам һәлә дә бизим һәмиманлымыздыр. Биз она олан мәһәббәтимизи сүбут етмәк, јығынҹаға вә ‘ҹанларымызын Чобанына вә Нәзарәтчисинә’ тәрәф дөнмәсинә көмәк етмәк истәјирик (1 Пет. 2:25).
2. Гејри-фәалы неҹә руһландыра биләрик?
2 Онларла мараглан. Гејри-фәала зәнҝ етмәк ја да баш чәкмәклә ону унутмадығыны ҝөстәрәҹәксән. Биз онунла нә һагда даныша биләрик? Онун һаггында дүшүндүјүмүзү демәклә артыг ону руһландыра биләрик. Үрәкачан вә фајдалы шејләр һаггында данышмаг олар (Филип. 4:8). Мәсәлән, сон ҝөрүшләрдә хүсусилә үрәјинә јатмыш бир фикирлә бөлүш. Јахуд да ҝөрүшә вә ја конгресә дә’вәт ет. Онун үчүн јанында јер сахлајаҹағыны сөјлә вә истәсә, ҝөрүшә бир јердә ҝедин.
3. Бир баҹыја хидмәтини бәрпа етмәјә неҹә көмәк етдиләр?
3 Тәблиғчиләр саһәни ишләјәркән 20 илдән артыг гејри-фәал олан бир баҹы илә гаршылашырлар. Баҹы Мүгәддәс Китабы өјрәнмәјә һәвәсли олмаса да, онунла растлашмыш тәблиғчи она јени журналлар верир. Вилајәт конгресиндән сонра һәмин тәблиғчи хошуна ҝәлән бә’зи фикирләри гејри-фәал баҹы илә бөлүшүр. Нәһајәт, баҹы өз хидмәтини бәрпа едир.
4. Ҝөрүшләрә ҝәлмәјә башлајан гејри-фәал һәмиманлымыза неҹә мүнасибәт ҝөстәрмәлијик?
4 Һәмиманлымыз гајыданда. Гејри-фәал һәмиманлымыз јенидән ҝөрүшләрә ҝәләрсә, она неҹә мүнасибәт ҝөстәрмәлијик? Јадына сал, Иса ону мүвәггәти тәрк етмиш шаҝирдләринә неҹә мүнасибәт ҝөстәрмишди? Иса онлары меһрибанҹасына ‘гардаш’ адландырмыш вә онлара е’тибар етдијини ҝөстәрмишди. Һәтта онлара мүһүм бир тапшырыг да вермишди (Мат. 28:10, 18, 19). О һадисәдән гыса вахт сонра, шаҝирдләр хош хәбәри тәблиғ етмәкдән «ваз кечмирдиләр» (Һәв. иш. 5:42).
5. Ағсаггаллара гејри-фәалларла бағлы һансы һалда мүраҹиәт етмәк лазымдыр?
5 Узун мүддәт гејри-фәал олмуш адама Мүгәддәс Китабы өјрәнмәји вә ја хидмәтә бирҝә ҝетмәји тәклиф етмәздән әввәл, ағсаггала мүраҹиәт етмәк лазымдыр. Әҝәр саһәдә гејри-фәал тәблиғчи илә растлашмышыгса, онда ағсаггаллара хәбәр вермәк лазымдыр ки, она лазыми көмәји ҝөстәрсинләр.
6. Гејри-фәаллара көмәк етмәклә һансы севинҹи дуја биләрик?
6 Мүгәддәс Јазылар ајдын ҝөстәрир ки, јалныз сона гәдәр сәбр едәнләр хилас олаҹаг (Мат. 24:13). Она ҝөрә дә бүдрәмишләри вә ја һәгигәтдән сојумушлары јаддан чыхартма. Әҝәр Јеһованын мәһәббәтини сәбрлә әкс етдирсәк, гејри-фәаллара сәмими мараг ҝөстәрсәк, онда онларын мүгәддәс хидмәтләрини бәрпа етмәләринин севинҹинә шәрик олаҹағыг (Лука 15:4-10).