Падшаһлыг залларындакы китабханалара даир јенилик
Артыг узун илләрдир ки, бүтүн јер үзүндәки јығынҹагларда Падшаһлыг Залларынын, әввәлләр Теократик Хидмәт Мәктәбинин китабханасы адланан китабханалары вар. Әввәлләр һесаб олунурду ки, һәр јығынҹағын өзүнүн ајры китабханасы олмалыдыр. Лакин бир чох Падшаһлыг Залларында бир нечә јығынҹаг ҝөрүшүр вә онлардан бә’зиләри әҹнәби дилли јығынҹаглардыр. Буна ҝөрә дә гәрара ҝәлинмишдир ки, Падшаһлыг Залында һәр дилдән олан груплар үчүн бүтүн нәшрләрлә тәҹһиз олунмуш јалныз бир китабхана олса јахшы олар. Әҝәр Падшаһлыг Залы бир нечә Залдан ибарәтдирсә, һәр Залда, орада ҝөрүш кечирән һәр бир групун китабханасы олмалыдыр.
Бу јенилик һәм Падшаһлыг Залындакы јерә, һәм дә мадди вәсаитләрә гәнаәт етмәјимизә көмәк едәҹәкдир. Бундан әлавә, ики вә даһа артыг јығынҹагларын китабханаларынын бирләшдирилмәси, бүтүн нәшрләрдән ибарәт китабхана тәшкил етмәјә имкан јарадаҹагдыр. Јердә галан нәшрләри сахламаг вә јени Падшаһлыг Залларынын китабханалары үчүн истифадә етмәк олар. Әҝәр Падшаһлыг Залында “Ҝөзәтчи Гүлләсинин китабханасы”ндан ибарәт дисклә тәҹһиз едилмиш компүтер варса, бу, Мүгәддәс Китабы арашдырмагда тәблиғчиләр үчүн гијмәтли вәсаитдир.
Һәр Падшаһлыг Залынын китабханасында бир гардаш китабханачы кими хидмәт едәҹәкдир. Јахшы оларды ки, һәмин гардаш Теократик Хидмәт Мәктәбинин нәзарәтчиси олсун. О, вахты-вахтында китабхананы јени нәшрләрлә тә’мин етмәли вә ҹилдин ич тәрәфиндә бу нәшрләрин Падшаһлыг Залынын китабханасына мәхсус олдуғуну гејд етмәлидир. Һеч олмаса ил әрзиндә бир дәфә, сијаһыда олан бүтүн нәшрләрин јериндә олдуғуну вә онларын јарарлы вәзијјәтдә олуб-олмадығыны јохламалыдыр. Китабхананын нәшрләрини Падшаһлыг Залындан кәнара чыхармаг олмаз.
Падшаһлыг Залларынын китабханалары бундан сонра да јығынҹағын бүтүн үзвләри үчүн фајдалы олаҹагдыр. Ҝәлин онлары горујаг вә онлардан истифадә едәрәк “Аллаһ билијини” ахтараг (Сүл. мәс. 2:5).