Бу ән’амы сығышдыр
1 Бир дәфә Иса шаҝирдләри илә никаһ һаггында сөһбәт едәркән, субајлығы ән’ам адландырды. О деди: “Буну сығышдыра билән сығышдырсын” (Мат. 19:10-12, ЈД). Бир нечә илдән сонра һәвари Павел субајлығын үстүн ҹәһәтләриндән јазмышдыр вә башгаларыны да өзү кими субај галмаға тәшвиг етмишдир (1 Кор 7:7, 38). Бу ҝүн бир чохлары субајлыг ән’амыны ‘сығышдырмыш’ вә онун үстүн ҹәһәтләриндән фајдаланмышлар. Бу ҹәһәтләрдән бә’зиләри һансылардыр?
2 Јајынмадан хидмәт етмәк. Павел демәк истәјирди ки, субај галараг о, Јеһоваја “фикрини дағытмајараг”, јә’ни јајынмадан хидмәт едә билир. Бу ҝүн дә ејни тәрздә субај гардаш, мәсәлән, Хидмәти Тәкмилләшдирмә Мәктәбиндә тә’лим алмаг үчүн сә’ј ҝөстәрә биләр. Үмумијјәтлә, пионер хидмәтинә башламаг, башга дили өјрәнмәк, тәләбат олан јерә көчмәк, Бејт-Елдә хидмәт етмәк вә ја хидмәтини даһа неҹәсә ҝенишләндирмәк субај баҹы-гардашлар үчүн даһа асандыр. Онларын, Мүгәддәс Китабы дәриндән тәдгиг етмәк, үзәриндә дүшүнмәк вә сәмими дуада Јеһоваја мүраҹиәт етмәк үчүн даһа чох вахтлары вә имканлары вар. Адәтән евли олмајанлар башгаларына даһа чох көмәк едә билирләр. Бунларын һамысы субајлығын ҝәтирдији ‘хејирдир’ (1 Кор. 7:32-35; Һәв. иш. 20:35).
3 Аллаһа јајынмадан хидмәт етмәк бол-бол хејир-дуалар ҝәтирир. Кенијада 27 ил хидмәт етмиш бир субај баҹы јазыр: “Орада мәним чохлу достларым варды вә мән олдугҹа чох тәблиғ едирдим! Биз һәр шеји бирликдә едир вә бир-биримизә гонаг ҝедирдик... Субајлыг мәнә даһа чох азадлыг верирди, мәнә һеч нә мане олмурду, һәр заман хидмәт етмәклә мәшғул идим вә бундан бөјүк севинҹ дујурдум”. О әлавә едир: “Һәмин илләр әрзиндә мән Јеһоваја даһа чох јахынлашдым”.
4 Бу ән’амы неҹә ‘сығышдырмалы’? Иса демишди ки, субајлыг “ҝөјләрин Падшаһлығы уғрунда” олмалыдыр (Мат. 19:12, И–93). Субајлыг севинҹ вә мәмнунлуг ҝәтирсин дејә, һәр бир һәдијјә илә олдуғу кими, ону лајигли шәкилдә истифадә етмәк лазымдыр. Субајлығын тәгдим етдији имканлардан истифадә едәрәк, Јеһовадан һикмәт вә гүввәт диләјәрәк, бир чох субај мәсиһчиләр бу ән’амы сығышдырмағын нә дәрәҹәдә гијмәтли олдуғуну дәрк етмишләр.