Јахшы ишләрдә нүмунә олаг
1. Нәјә ҝөрә вилајәт конгресиндә өз давранышымыза хүсусилә диггәт јетирмәлијик?
1 Биз вилајәт конгресләриндә чох сајда топлашанда, давраныш вә һәрәкәт тәрзимиз башгаларынын нәзәринә хүсусилә чарпыр. Буна ҝөрә һәр биримиз Мүгәддәс Китабын тәмкинли олмаг вә “һәр шејдә өзүнү јахшы ишләрин нүмунәси ҝөстәр”мәк нәсиһәтинә хүсусилә диггәт јетирмәлијик (Тит. 2:6, 7). ‘Јалныз өз мәнфәәтини дејил, башгаларынын да мәнфәәтини ҝүдмәк’ үчүн, еһтимал ки, хүсуси сә’ј тәләб олунаҹаг (Филип. 2:4). Ҝәлин, гаршыда кечириләҹәк “Аллаһа иззәт верин” адлы вилајәт конгресиндә бу мәсләһәтә һансы саһәләрдә риајәт едә биләҹәјимизи нәзәрдән кечирәк.
2. Мәнзил мәсәләсиндә нәји јадда сахламалыјыг?
2 Мәнзил мәсәләси. Мәнзил мәсәләсиндә һамымызын јахшы ишләрин нүмунәсини ҝөстәрмәјә ҝөзәл имканы вар. Хаһиш олунур ки, мәнзил үчүн сифаришләринизи габагҹадан јоллајасыныз. Сизә лазым олан гәдәр јер сифариш един. Бизә мәсләһәт ҝөрүлән јашајыш јериндә галмагла мәнзил шө’бәсиндә чалышан гардашларын ҝәрҝин ишини асанлашдырарыг. Әҝәр тәгдим олунан мәнзилдән мүәјјән сәбәбләрә ҝөрә истифадә едә билмириксә, бу һагда мәнзил шө’бәсинә габагҹадан билдирмәлијик. Һәр бир шәраитдә Аллаһын руһунун сәмәрәсини әкс етдирәрәк, ҝөзәл нүмунә веририк (Ҝал. 5:22, 23). Әҝәр биз сифаришимизи фәрди мәнзилдә јашамаг үчүн тәгдим етмишиксә — лакин бу ҹүр сифариш верәнләрин һамысынын хаһишини тә’мин етмәк мүмкүн олмур — бизи башга јердә јерләшдирә биләрләр.
3. Јашадығымыз јердә һамыја неҹә јахшылыг едә биләрик?
3 Башгаларынын гејдинә галмағымыз әмәлдә әкс олунмалыдыр. Һамынын вахтында јатмасы вә јахшы истираһәт етмәси үчүн, јашајыш јеринә чох ҝеҹ гајытмајаҹаг вә ја ҝеҹә јарысына гәдәр сөһбәт етмәјәҹәјик. Онда сәһәр јемәјини јемәк вә конгресә һазырлашмаг үчүн сәһәр тездән дура биләҹәјик вә һамымыз, о ҹүмләдән ев саһиби, конгресә вахтында ҝәлә биләҹәк. Бир чох баҹы вә гардашларымызын ҝәлиринин аз олдуғуну јадда сахлајараг, конгрес заманы ев саһибләринин бизим јемәјимиз үчүн гајғы ҝөстәрәҹәкләрини ҝөзләмәјәҹәјик. Ев саһибләринин тә’јин етдији гајдалара риајәт етмәк вә онларын әмлакыны еһтијатла истифадә етмәк чох ваҹибдир. Конгресдән сонра евимизә гајыдаркән һөкмән ев саһибләринә тәшәккүрүмүзү билдирәҹәјик. Бу ҹүр давранараг биз ‘һамыја... јахшылыг едәрәк’ әтрафдакылара јахшы шаһидлик верәҹәјик (Галат. 6:10).
4, 5. Ушаглар Јеһоваја неҹә иззәт ҝәтирә биләрләр вә валидејнләр һансы мәс’улијјәти дашыјырлар?
4 Валидејнләр вә ушаглар. Бизим ушагларымыз дүнјәви ҝәнҹләрдән олдугҹа фәргләнир, бу исә Јеһоваја вә Онун тәшкилатына иззәт ҝәтирир. Лакин бә’зән кифајәт дәрәҹәдә нәзарәт олмадығы үчүн проблемләр јараныр (Сүл. мәс. 29:15). Валидејнләр ушагларыны нә јашадыглары јердә, нә дә конгресдә нәзарәтсиз бурахмалы дејилләр.
5 Бә’зи валидејнләр белә бир гәнаәтә ҝәлмишләр ки, конгресдән габаг ушаглара өзләрини неҹә апармалы олдугларына даир јаддашлыг етмәк фајдалыдыр (Ефес. 6:4). Онлар ушагларына изаһ едирләр ки, әсл мәсиһчи мәһәббәти “кобуд давранмаз, өз мәнфәәтини ахтармаз” (1 Кор. 13:5). Вилајәт конгреси бизим Јеһовадан тә’лим алдығымыз бир вахтдыр, буна ҝөрә һәм ушаглар, һәм валидејнләр неҹә ки, конгресдә еләҹә дә башга јерләрдә өз давранышлары илә бу мәрасимә һөрмәт етдикләрини ҝөстәрә биләрләр (Иш. 54:13).
6. Бизим давранышымыз башгаларына неҹә тә’сир бағышлаја биләр?
6 Бизим нүмунәви давранышымыз, һаггымызда олан јанлыш тәсәввүрләри арадан галдыра биләр вә инсанлары һәгиги ибадәтә ҹәлб едә биләр (Мат. 5:16; 1 Пет. 2:12). Гој вилајәт конгресиндә ҝөрүшәҹәјимиз адамларын һамысы, бизим әмәлләримиз вә давранышымыз сајәсиндә јахшы шаһидлик алсынлар. Беләликлә ‘һәр шејдә јахшы ишләрин нүмунәсини ҝөстәрәҹәјик’ (Тит. 2:7).
[4 сәһифәдәки чәрчивә]
Башгалары һагда дүшүнәрәк...
▪ Јашајыш јерләрини јалныз лазыми сајда сифариш едәк.
▪ Мәнзил мәсәләсиндә сәбирли олаг.
▪ Вахтында јатаг.
▪ Ушагларымыза нәзарәт едәк.
▪ Гонагпәрвәрлик үчүн тәшәккүрүмүзү билдирәк.