“Һәмишә... јахшылыг етмәјә чалышын”

¹ Биз, бир мәсиһчи кими “һәмишә... һамыја јахшылыг етмәјә” чалышмалыјыг (1 Салон. 5:15). Вилајәт конгресләринә јығышдығымыз заман башгаларына јахшылыг етмәјә чох әсасымыз вар. Конгресләр заманы инсанларын диггәт мәркәзиндә олуруг вә тәмасда олдуғумуз инсанларда давранышларымызын әсасында бизим һаггымызда мүәјјән фикирләр јараныр. Јеһованын Шаһидләри кими јахшы адымызы горујуб сахламаг үчүн, “һамыја һөрмәт” етдијимизи әмәлләримизлә ҝөстәрмәлијик (1 Пет. 2:17). Бу, о демәкдир ки, “һәр кәс јалныз өз мәнфәәтини дејил, башгаларынын да мәнфәәтини” ҝүдмәлидир (Филип. 2:4). Ҝәлин ҝөрәк, бу принсипи, конгрес заманы јерләшдирилмә гајдасына неҹә тәтбиг етмәк олар.

² Конгрес заманы галмаг үчүн мәнзил мәсәләсини һәлл етмисинизми? 1) Мәнзил саһибләри бүтүн бош отаглары истифадәјә вермәк марағында олдуглары үчүн, истифадә едәҹәјиниздән артыг отаг сифариш етмәјин. 2) Мәнзил үчүн әризәләринизи конгресин комитәсинә почт васитәсилә ҝөндәрин. Сифаришләринизи телефон васитәсилә етмәјин. 3) Сәбирли олун вә сизи јерләшдирмәјә чалышан мүәссисәнин ишчиләринә һөрмәтлә јанашын. 4) Саһибләрин ҝөстәрдикләри гонагпәрвәрлијә ҝөрә миннәтдарлыг един вә онларын гонагпәрвәрлијиндән суи-истифадә етмәјин. 5) Јашадығыныз јерә аид олан әмлака даир бүтүн гајда-ганунлара риајәт един. 6) Әҝәр гәбул олунандырса, хидмәт едән һеј’әтә бәхшиш сахлајын.

³ Јахшылыг етмәји ушагларыныза өјрәдин. Елә һаллар олмушдур ки, јашадыглары јердә валидејнләр тәрәфиндән нәзарәтсиз галан ушагларын пис давранышы уҹбатындан чәтинликләр јаранмышдыр (Сүл. мәс. 29:15). Бә’зән валидејнләр өз ишләри илә мәшғул олур, бу заман отагда, дәһлиздә вә ја башга јерләрдә өзбашына галан ушагларына нәзарәт етмирдиләр. Бә’зи ушаглар өзләрини о дәрәҹәдә шылтаг апарырдылар ки, мүдиријјәт вә ја саһибләр онлары мүәјјән јерләрә бурахмыр вә ја бә’зи јерләри үмумијјәтлә бағлајырдылар. Бу, орада јашајан һәм Шаһидләрин, һәм дә Шаһид олмајан инсанларын нараһатчылығына сәбәб олмушдур.

⁴ Валидејнләр, јахшы оларды ки, конгресдән габаг ушагларынызла бирликдә әјләшиб, онлардан мүәјјән вахтда вә мүәјјән јердә тәләб олунан давраныш тәрзини мүзакирә едәсиниз (Ефес. 6:4). Мәсәлән, онларын нәзәринә чатдырын ки, әсл мәсиһчи мәһәббәти “кобуд давранмаз, өз мәнфәәтини ахтармаз, һирсләнмәз” (1 Кор. 13:5). Бөјүкләр јахшы нүмунә ҝөстәрәрәк, бу сөзләри давранышлары илә ҝүҹләндирә биләрләр. Ушаглар, сиз валидејнләринизә гулаг асараг, јашадығыныз јерин әмлакына диггәтлә јанашараг вә әтрафыныздакы инсанлара һөрмәт ҝөстәрәрәк јахшылыг етмәјә чалыша биләрсиниз (Колос. 3:20). Мүштәрәк тәрздә бүтүн инсанлара јахшылыг етмәјә чалышанда, “Хиласкарымыз Аллаһын тә’лимини ҹазибәли” едирик (Тит. 2:10).

⁵ Јахшы давранышымыз үмумијјәтлә јалныз бизи әһатә едән инсанлара дејил, һәмчинин бу вә ја диҝәр сәбәбдән бизә тәнгиди јанашанлара да мүсбәт тә’сир бағышлајыр. Һәр заман вә һәр јердә, конгресдә оларкән, күчә илә јеријәркән вә ја ресторанда наһар едәркән, меһманханада динҹәлән вә ја күчәдә гејри-рәсми тәрздә тәблиғ едәркән, сөзләримиз вә әмәлләримиз һамыја јахшылыг етмәк истәјимизә шәһадәт етмәлидир.

[4 сәһифәдәки чәрчивә]

Хаһиш олунур јадда сахлајын:

■ Сәбирли олун вә јашадығыныз јерин әмлакы илә еһтијатлы давранын.

■ Јатагхананын мүдиријјәти вә ја ев саһиби тәрәфиндән тә’јин едилән гајдалара риајәт един.

■ Ев саһибләринин гонагпәрвәрлијиндән суи-истифадә етмәјин.

■ Ушагларын давранышына лазыми тәрздә нәзарәт един.