Чохдилли әразидә әдәбијјат пајлајырыг
1. Бир чох јығынҹаглара нәјә ҝөрә әҹнәби дилдә олан әдәбијјатлар лазымдыр?
1 Бир чох јерләрдә хидмәт заманы тәблиғчиләр башга дилләрдә данышан инсанлара тез-тез раст ҝәлирләр. Онлардан әксәријјәти бизим нәшрләри өз ана дилләриндә охујанда даһа јахшы баша дүшүрләр. Һәгигәтә мараг ҝөстәрән инсанлар даһа јахшы баша дүшдүкләри дилдә олан Мүгәддәс Китаб нәшрләрини неҹә әлдә едә биләрләр?
2. Бир әразидә мүхтәлиф дилләрдә данышан инсанлара тәблиғ едән ики вә ја үч јығынҹаг неҹә әмәкдашлыг етмәлидир?
2 Әдәбијјатын пајланмасы. Бир әразидә мүхтәлиф дилләрдә данышан инсанлара ики вә ја үч јығынҹаг тәблиғ едирсә, бу јығынҹагларын ағсаггаллар шурасынын әмәкдашлыг етмәси ваҹибдир. Онлар хидмәти нәзарәтчиләрин васитәсилә һәм јығынҹаглара әлверишли олан тәрздә, һәм дә мүхтәлиф дилдә данышан инсанлара әсаслы сурәтдә шаһидлик етмә үчүн тәблиғ хидмәти ҝөрүшләри тәшкил едирләр. Евдән-евә тәблиғ едәркән, тәблиғчиләр бир гајда олараг башга јығынҹағын (јығынҹагларын) данышдығы дилдә әдәбијјат пајламырлар. Лакин тәблиғчиләр иҹтимаи јерләрдә гејри-рәсми сурәтдә шаһидлик едән заман мүхтәлиф дилләрдә әдәбијјат пајлаја биләрләр. (“Бизим Падшаһлыг Хидмәтимиз”ин 1991-ҹи ил мај сајында (рус.) “Суаллар гутусу”на бах.)
3. Јығынҹаг һансы һалларда башга дилдә олан әдәбијјат еһтијаты әлдә етмәлидир?
3 Әдәбијјат еһтијаты. Әҝәр сизин әразидә башга дилдә данышан инсанларын сајы чохдурса, лакин бу дилдә тәблиғ едән јығынҹаг јохдурса нә етмәк олар? Белә олан һалда һәмин дилдә олан әсас әдәбијјатлардан, мәсәлән, трактатлардан, “Аллаһ тәләб едир” вә “Аллаһын досту” брошүраларындан, һәмчинин “Билик” китабындан кичик еһтијат тәшкил етмәк олар. Тәблиғчиләр бу дилдә охујан адамлара раст ҝәләндә онлара һәмин әдәбијјатлардан тәклиф едә биләрләр.
4. Әҝәр јығынҹагда башга дилдә әдәбијјат јохдурса, ону неҹә әлдә етмәк олар?
4 Әдәбијјат сифариши. Јығынҹагда марагланан адамын охудуғу дилдә әдәбијјат јохдурса ону неҹә әлдә етмәк олар? Тәблиғчи вә әдәбијјатлара ҹавабдеһ олан гардаш һәмин дилдә мөвҹуд олан нәшрләрин сијаһысыны јохламалы вә лазым олан әдәбијјатлары нөвбәти сифариш заманы сифариш етмәлидир.
5. Мәсиһчи нәшрләрини пајлајаркән нәјә наил олмаг истәјирик?
5 Ҝәлин мәсиһчи нәшрләриндән сәмәрәли сурәтдә истифадә едәк ки, һансы дилдә данышмаларындан асылы олмајараг ‘бүтүн инсанларын хилас олараг һәгигәти дәрк етмәләринә’ көмәк едәк (1 Тим. 2:3, 4).