Мүгәддәс Китаба әсасланмыш әдәбијјатымыздан мүдрикликлә истифадә ет
1, 2. Чохлары бизим әдәбијјатлара неҹә јанашыр вә бундан ирәли ҝәләрәк һансы суал јараныр?
1 «Сизин әдәбијјаты 1965-ҹи илдән охујурам. Охујаркән Мүгәддәс Китаба мүраҹиәт едирәм вә сизин әдәбијјатдакы һәр бир фикрин Мүгәддәс Китаба ујғун ҝәлдијини ҝөрүрәм. Мән һәмишә Аллаһ вә Иса һаггында һәгигәти билмәк истәмишәм вә инди тәмиз виҹданла дејә биләрәм ки, сизин нәшрләринизин вә Мүгәддәс Китабын сајәсиндә суалларыма дүзҝүн ҹаваблар тапырам». Бу сөзләр Јеһованын Шаһидләринин мәркәзи идарәсинә мәктуб јазан бир кишијә аиддир. Һәмин мәктубда о, онунла Мүгәддәс Китаб өјрәнмәсинә башланмасыны хаһиш етмишди.
2 Миннәтдарлығыны билдирән бу киши кими, милјонларла инсан «садиг вә ағыллы гул»ун Мүгәддәс Китабы өјрәнмәк үчүн тәгдим етдији көмәкчи вәсаитләри јүксәк гијмәтләндирир (Мат. 24:45). Һәр ил сәмими гәлбли инсанларын ‘һәгигәти дәрк етмәләринә’ көмәк етмәк үчүн чохлу сајда әдәбијјат нәшр олунур (1 Тим. 2:4). Биз Мүгәддәс Китаба әсасланан әдәбијјатларымыздан неҹә дүзҝүн истифадә едә биләрик?
3. Әдәбијјатдан сәмәрәсиз истифадә етмәкдән неҹә гачына биләрик?
3 Гәнаәтчилик. Вахт кечдикҹә биздә истифадә едә биләҹәјимиздән даһа чох әдәбијјат јығыла биләр. Дәјәрли әдәбијјатларымызы сәмәрәсиз истифадә етмәкдән гачынмаг үчүн нә едә биләрик? Тәблиғ хидмәтиндә истифадә етмәк үчүн јығынҹагдан әдәбијјат ҝөтүрәркән дүшүнҹә илә һәрәкәт етмәк лазымдыр. Тәгдим едәҹәјимиз әдәбијјатдан чох ҝөтүрмәкдәнсә, бир нечә әдәд ҝөтүрә вә онлары пајладыгдан сонра, лазым ҝәләрсә јенә әлавә ҝөтүрмәк олар. Бу, чохлу сајда әдәбијјатын евимиздә јығылыб галмасынын гаршысыны алаҹагдыр. О ҹүмләдән, әҝәр евдә пајланмамыш чохлу журналларымыз варса, сифариш вердијимиз журналларын сајыны азалтмаг мүдриклик оларды.
4. Әҝәр јығынҹагда јығылыб-галан әдәбијјат варса нә етмәк олар?
4 Јығылыб-галан әдәбијјат. Әҝәр јығынҹагда мүәјјән әдәбијјат јығылыб галмышдырса, әдәбијјат үчүн ҹавабдеһ гардаш арашдыра биләр ки, ҝөрсүн һәмин әразидәки башга јығынҹаглар бу әдәбијјаты истифадә едә биләрми. Тәблиғчиләр көһнә нәшрләри иманларына шәрик олмајан аилә үзвләринә, Мүгәддәс Китабы өјрәнәнләрә вә башгаларына тәклиф едә биләрләр. Јығынҹагла јениҹә үнсијјәтә ҝирәнләр көһнә нәшрләрин шәхси теократик китабханаларында олмаларыны истәјә биләрләр.
5. Биз әдәбијјатымызы гијмәтләндирдијимизи неҹә ҝөстәрә биләрик?
5 Биз истәјирик ки, әдәбијјатымыз ондан ҝөзләдијимиз мәгсәдә, јә’ни сәмими инсанлара Јеһованын валеһедиҹи нијјәтләри һаггында даһа чох өјрәнмәјә көмәк етмәк мәгсәдинә чатсын. Иса халгы мө’ҹүзә илә дојдурдугдан сонра артыг галан јемәји бош јерә сәрф етмәдији кими, бизим дә мәгсәдимиз Мүгәддәс Китаба әсасланан дәјәрли әдәбијјатымыздан даһа сәмәрәли истифадә етмәк олмалыдыр (Јәһ. 6:11-13). Әҝәр хиласедиҹи хәбәрә малик олан әдәбијјатымыз китаб рәфиндә вә ја чантамызда галарса, дүзҝүн мејлли инсанларын үрәјинә тә’сир едә билмәјәҹәкдир. Буна ҝөрә дә хидмәт үчүн әдәбијјат ҝөтүрәркән, дүшүнҹәли олмалы вә башгаларына фајда ҝәтирмәк үчүн ондан мүдрикликлә истифадә етмәлијик (Филип. 4:5).