Јахшылыгда Јеһованы тәглид един
1 Ҝүнәшин ҝөзәл гүрубуну мүшаһидә едәрәк вә ја дадлы јемәкләрдән ләззәт алараг, мәҝәр биз һәр бир јахшылығын Мәнбәји олан Јеһоваја миннәтдарлыг етмәјә тәшвиг олунмуругму? Јеһованын јахшылығы бизи Ону тәглид етмәјә тәшвиг едир (Мәз. 119:66, 68; Ефес. 5:1). Бу кејфијјәти башгаларына мүнасибәтдә неҹә әкс етдирә биләрик?
2 Иманымыза шәрик олмајанлара. Биринҹиси, иманымыза шәрик олмајан инсанлара сәмими мараг ҝөстәрмәклә јахшылыгда Јеһованы тәглид едә биләрик (Галат. 6:10). Бизим јахшы ишләримизин сајәсиндә инсанлар Јеһованын Шаһидләринә вә чатдырдығымыз хәбәрә даһа јахшы мүнасибәт ҝөстәрәҹәкләр.
3 Мәсәлән, јерли мүалиҹәханада һәкимин гәбулуна нөвбә ҝөзләјән ҝәнҹ пионер гардашымыз гәбула ҝәләнләр арасында ән хәстә ҝөрүнән јашлы бир гадынын јанында отурмушду. Һәкимин јанына кечмәк үчүн онун нөвбәси чатанда, гардашымыз өз нөвбәсини гадына верди. Бир гәдәр вахтдан сонра о, һәмин гадынла јенидән ҝөрүшдү, бу дәфә исә базарда; гадын ону ҝөрмәјә чох шад иди. О деди ки, әввәлләр Јеһованын Шаһидләрини динләмәсә дә, инди билир ки, Јеһованын Шаһидләри өз јахынларыны һәгигәтән дә севирләр. Онунла мүнтәзәм олараг Мүгәддәс Китаб өјрәнмәси башланды.
4 Һәмиманлыларымыза. Икинҹиси, һәмиманлыларымыза көмәк етмәклә дә јахшылыгда Јеһованы тәглид етмиш олуруг. Фәлакәтләр заманы гардашларымызын көмәјинә биринҹи ҝәләнләрдән бири биз олуруг. Һәмчинин башгаларына јығынҹаг ҝөрүшләри кечирилән јерә ҝәлмәјә көмәк етмәклә, хәстәләрә баш чәкмәклә вә јығынҹагда јахшы танымадығымыз кәсләрлә даһа јахындан таныш олмаға чалышмагла да јахшылыг етмиш олуруг (2 Кор. 6:11-13; Ибр. 13:16).
5 Јеһованын јахшылығы Онун инајәтли олмасында да әкс олунур (Мәз. 86:5). Башгаларыны сәхавәтлә бағышламагла да биз Ону тәглид едә биләрик (Ефес. 4:32). Бунун сајәсиндә һәмиманлыларымызла олан мүнасибәтләримиз чох јахшы вә хош олаҹаг (Мәз. 133:1-3).
6 Гој Јеһованын “бөјүк јахшылығы” бизи Ону иззәтләндирмәјә вә севинҹдән шө’лә сачмаға тәшвиг етсин. Ҝәлин, етдијимиз һәр бир шејдә јахшылыг әкс етдирәрәк Ону тәглид едәк! (Мәз. 145:7; Јер. 31:12).