Рәһбәрлик Шурасынын мәктубу

Падшаһлығын әзиз тәблиғчиләри!

Биз бөјүк бир һәјәҹанла әразимиздә Падшаһлыг ишинин неҹә ҝенишләндијини мүшаһидә едирик! 2002-ҹи илин сентјабр ајындан е’тибарән Русијада вә филиалымызын нәздиндә олан башга өлкәләрдә 28 000 Мүгәддәс Китаб өјрәнмәси башланмышдыр!

Јеһова әҹнәби дилли әразиләрдәки фәалијјәтимизә хејир-дуа вермишдир. Рус дилиндә кечирилән јығынҹаглардан савајы бизим әразидә даһа 10 дилдә јығынҹаг вә груплар мөвҹуддур. Өтән хидмәт илиндә татар дилиндә илк јығынҹаг тәшкил олунмушдур. 2003-ҹү илин феврал ајында Русијадакы жест дилиндә олан јығынҹаг вә груплардан бир рајон тәшкил олунмушдур.

Биз филиалымызын әразисиндә 2003-ҹү илин јаз ајларында әлдә едилән ҝөзәл наилијјәтләрә ҝөрә чох шадыг! (Вәһј 2:19). Јаз ајларында Русија вә Белорусијада пионерләрин сајы јүксәк нөгтәјә чатмышдыр. Апрел ајында Газахыстанда, мај ајында исә Азәрбајҹанда вә Белорусијада тәблиғчиләрин сајы јүксәк нөгтәјә чатмышдыр. Апрелдә Азәрбајҹанда вә Русијада тәблиғ хидмәтиндә кечирилән саатларын сајы јүксәк нөгтәјә чатмышдыр. Бизим әразинин бир чох өлкәләриндә Мүгәддәс Китаб өјрәнмәсинин сајы јүксәк нөгтәјә чатмышдыр.

Биз сизинлә бирликдә 2004-ҹү хидмәт илинә башлајараг Јеһованын Падшаһлыг тохумуну бундан сонра да бөјүтмәси үчүн дуа едирик (1 Кор. 3:6).

Сизин гардашларыныз,

Јеһованын Шаһидләринин Русијадакы филиалы.