Ләјагәтли оланлары ахтарырыг
1 Исанын өјрәтдији кими тәблиғ етмәк асан дејил. О демишдир: “Һансы шәһәрә, ја кәндә ҝирсәниз орада ләјагәтли кимдирсә ахтарын” (Мат. 10:11). Бу ҝүн инсанлар ҝет-ҝедә евләриндә даһа аз вахт кечирирләр. Бәс биз онлары неҹә “ахтараг”?
2 Тәблиғ етдијин әрази һаггында дүшүн. Илк нөвбәдә тәблиғ етдијин әразидә јашајан инсанлар һаггында дүшүн. Онлар әсасән нә вахт евдә олурлар? Ҝүн әрзиндә онлар һарада олурлар? Һәфтә әрзиндә елә бир ҝүн вә ја вахт вармы ки, онлар динләмәјә даһа мејлли олсунлар? Хидмәтини бу әразидә јашајан инсанларын графикинә вә шәраитинә ујғунлашдырмаг сәнә ән јахшы нәтиҹәләр әлдә етмәкдә көмәк едә биләр (1 Кор. 9:23, 26).
3 Бир чох тәблиғчиләр инсанлары евләриндә ахшамүстү тапмаға мүјәссәр олурлар. Бу заман ев саһибләринин бә’зиләри истираһәт едир вә сөһбәтә даһа мејлли олурлар. Гыш ајларында ҝүн тез гаралан заман телефонла хидмәт етмәк (иҹазә верилән јерләрдә) еффектли ола биләр. Ишҝүзар әразидә вә иҹтимаи јерләрдә тәблиғ етмәк дә, инсанлара хош хәбәри чатдырмаг үчүн јахшы үсуллардыр.
4 Хүсуси фәалијјәт ҝөстәрилән ај әрзиндә бир јығынҹагда тәблиғ хидмәтини шәнбә вә базар ҝүнләри наһардан сонра, чәршәнбә вә ҹүмә ҝүнләри исә ахшамчағы саатларында тәшкил етмишдиләр. Онлар һәмчинин телефонла вә ишҝүзар әразидә дә тәблиғ иши тәшкил етмишдиләр. Бу тәдбирләр хидмәтә гаршы елә ҝүҹлү һәвәс ојатмышдыр ки, јығынҹаг онлары давам етдирмәји гәрарлашдырыб.
5 Тәкрар-тәкрар ҝәлмәк үчүн сә’ј ҝөстәр. Әҝәр әразиндә олан инсанлары тәкрар башчәкмә заманы евдә тапмаг чәтиндирсә, чалыш ки, нөвбәти ҝөрүшүнүз һагда әввәлҹәдән данышасан. Шәртинизә һөкмән әмәл ет (Мат. 5:37). Әҝәр мүнасибдирсә, ев саһибиндән онун телефон нөмрәсини алмаға чалыш. Бу да сәнә онунла әлагә сахламаға көмәк едәҹәк.
6 Ләјагәтли инсанлары тапмаг вә ҝөстәрдикләри марағы инкишаф етдирмәк үчүн сәмими сә’јимизә, шүбһәсиз ки, Јеһова хејир-дуа верәҹәкдир (Сүл. мәс. 21:5).