Ҝөрүшләрдә мүнтәзәм олараг иштирак етмәк олдугҹа ваҹибдир

¹ Мүнтәзәм олараг јығынҹаг ҝөрүшләриндә иштирак етмәк мәсиһчи аиләләри үчүн чох ваҹибдир. Лакин һәјат гаршымыза өз тәләбләрини гојур: ев ишләри, дүнјәви иш вә ја мәктәб дәрсләри — бунларын һамысы үчүн вахт лазымдыр. Бунлары етмәкна сәндә теократик ишләрә ајрылан вахтдан истифадә етмәк мејли јаранырмы? Әҝәр һәр шејә Јеһованын нөгтеји-нәзәри илә бахсаг, нәјин даһа ваҹиб олдуғуну дүзҝүн мүәјјән едә биләҹәјик (1 Сам. 24:6; 26:11).

² Исраиллиләрдән бири биләрәкдән Јеһованын нөгтеји-нәзәрини инкар едиб, шәнбә ҝүнү одун јығмаға ҝедиб. Ола билсин, о, аиләсинин гајғысына галдығыны вә ја һеч бир гәбаһәт иш етмәдијини дүшүнүб. Анҹаг она чыхарылан һөкмдән ҝөрүнүр ки, Јеһоваја ибадәтә ајрылан вахт әрзиндә ҝүндәлик ишләрлә мәшғул олмаг ҹидди ҝүнаһдыр (Сај. 15:32-36).

³ Чәтинликләрин өһдәсиндән ҝәлирик. Чохлары наил олмушлар ки, дүнјәви иш јығынҹаг ҝөрүшләриндә иштирак етмәкдә онлара мане олмасын. Бә’зиләри өз мүдиријјәтләри илә сөһбәт етмишләр, диҝәрләри иш јолдашлары илә данышмышлар ки, онлары әвәз етсинләр, башгалары исә өзләри үчүн даһа мүнасиб иш тапыб вә ја һәјатларыны садәләшдирибләр. Шүбһәсиз ки, һәгиги ибадәт наминә ҝәтирилән бу ҹүр гурбанлар Аллаһа мәгбулдур (Ибр. 13:16).

⁴ Мәктәбдә охумаг да сынаға чеврилә биләр. Мәктәбли бир гыз демишдир: “Дәрсләримин бир гисмини јығынҹаға ҝетмәздән габаг едирәм, галаныны исә јығынҹагдан евә гајытдыгдан сонра”. Аиләнин јығынҹаға ҝетдији ахшамлар ушаг дәрсләринин һамысыны етмәји чатдырмырса, бә’зи валидејнләр мүәллимләрин јанына ҝедиб изаһ едирләр ки, мәсиһчи ҝөрүшләриндә иштирак етмәк онларын аиләси үчүн олдугҹа ваҹибдир.

⁵ Бүтүн аиләнин ҝөрүшләрә вахтында ҝәлә билмәси үчүн јахшы планлашдырма вә ев ишләрини бирликдә ҝөрмәк лазымдыр (Сүл. мәс. 20:18). Һәтта балаҹа ушаглары белә мүәјјән вахт үчүн әјинләрини ҝејинмәјә вә евдән чыхмаг үчүн һазыр олмаға өјрәтмәк олар. Ҝөрүшләрин ваҹиб олдуғуну валидејнләр өз нүмунәләри илә ҝөстәрә биләрләр (Сүл. мәс. 20:7).

⁶ Һәјатын ҝет-ҝедә чәтинләшдији бир вахтда мүнтәзәм олараг јығынҹаг ҝөрүшләринә ҝетмәк чох ваҹибдир. Ҝәлин һәр шејә Јеһованын нөгтеји-нәзәри илә бахмаға давам едәк вә ҝөрүшләрдә мүнтәзәм иштирак етмәји чох ваҹиб һесаб едәк (Ибр. 10:24, 25).