Гулаг асын вә өјрәнин
1. Нәјә ҝөрә вилајәт конгресләриндә гулаг асмаг вә өјрәнмәк үчүн даһа чох сәј тәләб олунур?
1 Тезликлә 2013-ҹү илин вилајәт конгресләри кечирилмәјә башлајаҹаг. Бүтүн дүнјадакы баҹы-гардашларымызын тәләбатларыны өдәјән бу програмын һазырланмасы үчүн бөјүк ишләр ҝөрүлүб. Конгресин һәр үч ҝүнүндә иштирак етмәк үчүн әлиндән ҝәләни етмисәнми? Бөјүк конгресләрдә диггәти јајындыран чохлу шејләр олдуғундан диггәтини програма ҹәмләмәк үчүн даһа чох сәј ҝөстәрмәк лазым ҝәлә биләр. Јығынҹаг ҝөрүшләриндән фәргли олараг, конгрес програмы даһа узун олдуғундан фикримизи топлајыб гулаг асмаг чәтин ола биләр. Үстәлик, узун јол гәт етмәјимиз вә диҝәр амилләр уҹбатындан јорула биләрик. Гулаг асыб өјрәнмәк үчүн сајыглығымызы горумаға нә көмәк едәҹәк? (Ганун. т. 31:12).
2. Үрәјимизи конгресин програмына неҹә һазырлаја биләрик?
2 Конгресдән габаг. Рәсми веб-сајтымызда (www.jw.org) конгресин програмы габагҹадан јерләшдирилир. Орада бүтүн мәрузәләрин адлары вә онларын әсасландығы бир-ики ачар ајә гејд олунур. Әҝәр Интернетә дахил олмаг имканыныз варса, бу мәлуматы нәзәрдән кечирмәклә үрәјинизи конгресә һазырлајаҹагсыныз (Езра 7:10, «Китабы Мукаддес»). Аиләнизин конгреси сәбирсизликлә ҝөзләмәси үчүн габагҹадан програмы аиләви ибадәт ахшамында мүзакирә едә биләрсинизми?
3. Диггәтлә гулаг асмагда бизә нә көмәк едә биләр?
3 Програм вахты. Имкан дахилиндә ајагјолуна ҝөрүш башламаздан әввәл ҝет. Вә мүмкүнсә, телефонуну сөндүр ки, зәнҝләр вә ја месажлар диггәтини јајындырмасын, јахуд да програм вахты башгаларына месаж јазмаг истәји јаранмасын. Әҝәр ваҹиб зәнҝ ҝөзләјирсәнсә, телефону елә режимә гој ки, башгаларына мане олмасын. Планшетдән истифадә едәркән дә чалыш, башгаларынын диггәтини јајындырмајасан. Програм заманы јемәк вә ичмәк дүзҝүн дејил (Ваиз 3:1). Ҝөзләрини натигдән ајырма. Ајәләри өз Мүгәддәс Китабындан излә вә гыса гејдләр ет.
4. Валидејнләр ушагларына гулаг асмаға вә өјрәнмәјә неҹә көмәк едә биләрләр?
4 Биз ушагларымызын да гулаг асмаларыны вә өјрәнмәләрини истәјирик. Сүлејманын мәсәлләри 29:15 ајәсиндә дејилир: «Өзбашына галан ушаг анасыны рүсвај едәр». Буна ҝөрә дә аиләләрин бирҝә отурмасы јахшы оларды. Бу заман валидејнләр ушагларына нәзарәт едә биләҹәкләр ки, онлар сөһбәт етмәк, месажлашмаг вә ја әтрафда долашмаг әвәзинә, диггәтлә програма гулаг ассынлар. Әҝәр ушаглар мәрузәләри баша дүшәҹәк јашда дејилләрсә, онда онлара ҝөрүш вахты јатмамағы вә сакит отурмағы өјрәтмәк олар.
5. Програмы тәкрарламаг нәјә ҝөрә фајдалыдыр вә биз буну неҹә едә биләрик?
5 Һәр ҝүн програмдан сонра. Чалыш, ҝеҹәјарысына гәдәр отурмајасан. Тез јат ки, кифајәт гәдәр динҹәлә биләсән. Конгресдә ешитдикләрини тәкрарламаг онларын јадында галмасына көмәк едәҹәк. Буна ҝөрә дә һәр ахшам програмы бир нечә дәгигә әрзиндә аиләликҹә мүзакирә етмәк фајдалы оларды. Әҝәр достларынла кафејә вә ја ресторана ҝедирсәнсә, онда гејдләрини өзүнлә ҝөтүр вә хошуна ҝәлән бир-ики фикри онларла бөлүш. Конгресдән сонра евә гајыданда аиләви ибадәт заманы вахт ајырараг ешитдијиниз мәлуматы аиләликҹә неҹә тәтбиг едә биләҹәјинизи мүзакирә един. Һәмчинин јени чыхан нәшрләрин һәр бирини арашдырмаг үчүн һәр һәфтә вахт ајырмаг олар.
6. Конгресдә садәҹә иштирак етмәк кифајәтдирми? Изаһ ет.
6 Әҝәр ҝетдијимиз зијафәтдә һеч нә јемәсәк, ондан ләззәт алмајаҹағыг. Ејни шеји руһани зијафәт — вилајәт конгреси барәдә дә демәк олар. Ҝәлин бу руһани зијафәтин һәр бир һиссәсиндә иштирак етмәклә, диггәтлә гулаг асмагла вә өјрәндикләримизи тәтбиг етмәклә ондан там фајда әлдә едәк.