Конгресләрин програмыны тәкрарламаг үчүн јенилик
Шејтанын дүнјасы ҝет-ҝедә писләшдији бир вахтда Јеһова бизи тәшвиг едир ки, Она “гаршы һөрмәтсизлији вә дүнјәви еһтираслары рәдд едиб, бу дүнјада тәмкинли, салеһ вә Аллаһ јолуна ујғун бир өмүр сүрәк” (Тит. 2:12). “Садиг вә ағыллы гулун” васитәсилә О бизим үчүн ҝөзәл руһани мәрасимләр, о ҹүмләдән һәр ил кечирилән рајон вә бирҝүнлүк хүсуси конгресләр һазырлајыр (Мат. 24:45). Бу руһани мәрасимләр бизи неҹә дә гүввәтләндирир!
Конгресдә алдығымыз нәсиһәтләри јахшы јадда сахламаг вә тәтбиг етмәк үчүн 2005-ҹи хидмәт илиндә рајон вә бирҝүнлүк хүсуси конгресләрин програмынын тәкрары кечириләҹәк. Бу әлавә вәрәгәнин 5-ҹи вә 6-ҹы сәһифәләриндәки мәгаләләрдә гаршыда олаҹаг конгрес програмынын хүласәси вә һәмчинин тәкрар үчүн суаллар вар. Јығынҹаглар бу мә’луматы конгресдән бир гәдәр әввәл кечириләҹәк хидмәти ҝөрүшдә вә конгресдә иштирак етдикдән тез сонра мүзакирә едәҹәкләр. Бу неҹә олаҹаг?
Рајон конгресиндән бир вә ја ики һәфтә әввәл хидмәти ҝөрүшдә конгресин програмына мараг ојатмаг үчүн “Рајон конгресинин јени програмы” адлы мәгаләнин әсасында 10 дәгигәлик мә’рузә тәгдим олунаҹаг. Мә’рузәчи һәмчинин тәкрар үчүн суаллара диггәт јетирәҹәк вә конгресдән сонра бир нечә һәфтә әрзиндә кечириләҹәк тәкрара һазырлашмаг үчүн һамыны гејдләр етмәјә тәшвиг едәҹәк.
Конгресдән сонра бир нечә һәфтә әрзиндә хидмәти ҝөрүшдә конгресин биринҹи ҝүнүнүн програмынын 15 дәгигәлик тәкрары кечириләҹәк. Ондан сонракы һәфтәдә исә 15 дәгигә әрзиндә икинҹи ҝүнүн програмы мүзакирә олунаҹаг. Һәмин мүзакирәләр бу әлавә вәрәгәдә чап едилмиш суалларын әсасында кечириләҹәк. Тәкрар заманы әсас диггәт мә’луматын практики дәјәринә јетирилмәлидир. 15 дәгигәлик тәкрарлар үчүн вахт ајырмаг мәгсәдилә ағсаггаллар хидмәти ҝөрүшүн башга һиссәләрини гысалда, ләғв едә вә ја башга вахта сала биләрләр.
Бу јенилик һәмчинин хүсуси бирҝүнлүк конгресләрә дә аиддир. Лакин онун програмыны тәкрарламаг үчүн 15 дәгигәлик мүзакирә бир дәфә кечириләҹәк. Бизим һамымыз бу әлавә вәрәгәни сахламалыјыг ки, онун көмәји илә Јеһованын нәсиһәтләриндән даһа чох фајда әлдә едәк (Иш. 48:17, 18).