Хүсуси бирҝүнлүк конгресин 2010-ҹу ил үчүн програмы
1. а) Сон илләрдә Хүсуси бирҝүнлүк конгресдә Мүгәддәс Јазылара әсасланан һансы мөвзулар арашдырылмышдыр? б) Өтән хүсуси бирҝүнлүк конгресләрдә сәсләнән һансы фикирләрин хидмәтинизә фајдасы дәјмишдир?
1 ‘Ән үстүн дәјәрләри ајырд един’, ‘Бир сүрү кими сабит дурун’, ‘Һәгигәтә шәһадәт един’, ‘Биз ҝилик, Јеһова исә Дулусчумуз’ (Филип. 1:9, 10, 27; Јәһ. 18:37; Јешаја 64:8). Бунлар өтән хүсуси бирҝүнлүк конгресләрдә мүзакирә едилән мөвзулардан бир нечәсидир. 2010-ҹу хидмәт илиндә кечириләҹәк хүсуси бирҝүнлүк конгреси сәбирсизликлә ҝөзләјирсинизми? Орада 1 Коринфлиләрә 7:29 ајәсинә әсасланан «Вахт азалмышдыр» адлы мөвзу арашдырылаҹаг.
2. Бу конгреси һәвәслә ҝөзләмәк үчүн нә едә биләрик?
2 Конгресин вахты јығынҹағынызда елан едилдији андан етибарән конгресин програмыны һәвәслә мүзакирә етмәјә башлајын. Бәзи валидејнләр ушагларынын конгреси һәвәслә ҝөзләмәси үчүн тәгвимдә конгресин тарихини ишарәләјир вә јанына һәр кәсин конгресә ҝөтүрмәли олдуғу шејләрин сијаһысыны јапышдырыр, сонра исә конгресә нечә ҝүн галдығыны һесаблајырлар. Аиләви ибадәт ахшамында өтән илләрин хүсуси бирҝүнлүк конгресиндә етдијиниз гејдләри нәзәрдән кечирә биләрсиниз. Һәмчинин үрәјинизи бу тәдбирә һазырламаг үчүн «Теократик Хидмәт Мәктәбиндә тәлим алырыг» китабынын 13-16-ҹы сәһифәләриндәки (рус.) материалы да тәкрарлаја биләрсиниз. Бу исә һәм өзүнүзә, һәм дә аиләнизә ‘неҹә динләдијинизә диггәт вермәјә’ көмәк едәҹәк (Лука 8:18).
3. Програмдан там фајдаланмаг үчүн нә едә биләрик?
3 Өјрәндикләринизи тәтбиг един. Адәтән конгресдән сонра бу ифадәни ешидирик: «Неҹә дә ҝөзәл програм иди!» Бу, һәгигәтдир, чүнки хүсуси бирҝүнлүк конгрес Јеһованын вердији чохсајлы хејир-дуалардан биридир (Сүл. мәс. 10:22). Мәлуматын сәмәрә ҝәтирмәси үчүн онун үзәриндә дүшүнмәк вә јаддашымыза һәкк етмәк лазымдыр (Лука 8:15). Конгресдән гајыдаркән аиләнизлә вә ја бир нәглијјатда ҝәлдијиниз һәмиманлыларла орада ешитдијиниз фикирләри мүзакирә един. Мәгсәдләриниз вә хидмәтдә фајдалы олаҹаг фикирләр һаггында сөһбәт един. Белә етмәклә конгресдә ешитдијиниз фикирләрин фајдасыны узун мүддәт ҝөрәҹәксиниз (Јаг. 1:25).
4. Нәјә ҝөрә бу конгрес бизим үчүн фајдалы олаҹаг?
4 Кимсә бизә һәгигәтән еһтијаҹымыз олан әшјаны һәдијјә едәндә чох севинирик. Бәс Јеһованын хүсуси бирҝүнлүк конгресдә бизим үчүн һазырладығы шејләри сәбирсизликлә ҝөзләмәли дејиликми? Әмин ола биләрик ки, орада ешитдикләримизин бизә һәр саһәдә фајдасы дәјәҹәк. Тапшырдығы иши јеринә јетирмәк үчүн сәмави Атамыз Јеһованын руһландырмагла вә тәлим вермәклә бизә мәһз лазым олан һәдијјәни верәҹәјини ҝөзләјә биләрик (2 Тим. 4:2; Јаг. 1:17).