«Вахтлы-вахтында јемәк»
1. Хүсуси бирҝүнлүк конгресин програмы сәнә вә башгаларына неҹә көмәк едиб?
1 Хүсуси бирҝүнлүк конгресдән сонра биз чох вахт дејирик: «Бу лап мәним үчүн иди!» Бир рајон нәзарәтчиси хәбәр верир ки, онун хидмәт етдији рајонда чохлары конгресин програмына гулаг асдыгдан сонра хидмәтләрини ҝенишләндирмәк арзуларыны билдирмишләр. Диҝәр сәјјар нәзарәтчи исә дејир: «Конгрес һәјатда етдијимиз сечимләри јенидән нәзәрдән кечирмәклә һансы зәманәдә јашадығымызы ајдын баша дүшмәјә көмәк едир». Башга бир рајон нәзарәтчиси исә дејир: «Бәзи тәблиғчиләрин билдирдикләри кими, конгрес онлары, санки, ојадыр вә диггәтләрини чох ваҹиб олан хидмәтә ҹәмләмәјә көмәк едир». Бәс хүсуси бирҝүнлүк конгрес сәнә неҹә көмәк едиб?
2. Нөвбәти хидмәт илинин програмында һансы мөвзу нәзәрдән кечириләҹәк?
2 Нөвбәти хидмәт илинин програмы да бизим тәләбатларымызы өдәјәҹәк. Онун «Јеһоваја пәнаһ ҝәтирин» адлы мөвзусу Мәзмур 118:8, 9 (ЈД) ајәләриндән ҝөтүрүлүб. Конгресдә ашағыдакы мөвзулар мүзакирә олунаҹаг: «Дар ҝүндә Јеһова неҹә пәнаһ јери ола биләр?», «Башгаларына Јеһованын ганадлары алтында пәнаһ тапмаға көмәк ет», «Пәнаһ тәгдим едән Јеһованы тәглид ет», «Еј ҝәнҹләр, гој Јеһова пәнаһыныз олсун!» вә «Руһани ҹәннәт Јеһованын тәгдим етдији сығынаҹагдыр».
3. Конгресин програмындан неҹә там фајда әлдә едә биләрик?
3 Програмдан неҹә фајдалана биләрик? Конгресин тарихи елан олундугдан сонра ишләрини елә планлашдыр ки, конгресдә иштирак едә биләсән; Мүгәддәс Китабы өјрәтдијин адамлары да дәвәт ет. Дөзүмлә бәһрә ҝәтирмәк үчүн ешитдикләримизи унутмамалыјыг (Лука 8:15). Програма диггәтлә гулаг ас вә әсас фикирләри, еләҹә дә һәјатында вә хидмәтиндә тәтбиг етмәк истәдијин мәсләһәтләри гејд ет. Конгресдән сонра аиләликлә програмы, һәмчинин орада ешитдијиниз мәлуматы неҹә тәтбиг едәҹәјинизи мүзакирә етмәк үчүн вахт ајырын.
4. Нәјә ҝөрә биз гаршыдан ҝәлән хүсуси бирҝүнлүк конгреси сәбирсизликлә ҝөзләјирик?
4 Ләзиз вә фајдалы јемәкләрлә долу сүфрә кими, буилки хүсуси бирҝүнлүк конгрес дә бөјүк мәһәббәтлә вә дүшүнүлмүш шәкилдә һазырланыб. Арзу едирик ки, Јеһова сәнин конгресә ҝетмәк сәјинә хејир-дуа версин вә сән мәсиһчиләрин бәсләнмәси үчүн «вахтлы-вахтында» тәгдим олунан руһани јемәкдән фајда әлдә едәсән (Мат. 24:45).