Рајон конгреси руһанилијимизи горумаға көмәк едир
1. Хош хәбәри бәјан етмәк тапшырығыны јеринә јетирмәкдә бизә көмәк етмәк үчүн Јеһованын ҝөрдүјү тәдбирләрдән бири һансыдыр?
1 Јеһова бизә хош хәбәри бөлүшмәји тапшырмагла јанашы, бу иши јеринә јетирмәк үчүн билик вә тәлим верир, һәмчинин руһландырыр (Мат. 24:14; 2 Тим. 4:17). Һәр ил кечирилән рајон конгресләри Јеһованын буну етмәк үчүн ҝөрдүјү тәдбирләрдән биридир. Рајон конгресинин 2010-ҹу хидмәт или үчүн олан јени програмын мөвзусу Ромалылара 8:5 вә Јәһуда 17-19 ајәләринә әсасланараг «Руһанилијини гору» адланыр. Бу програм 2009-ҹу ил августун 31-дән етибарән кечирилмәјә башлајаҹаг.
2. а) Рајон конгресиндән һансы фајданы әлдә едәҹәјик? б) Өтән рајон конгресинин хидмәтдә сизә һансы көмәји дәјмишдир?
2 Бизә фајдасы. Програм бизи тәһлүкәләрдән, мәсәлән, вахтымызы алан вә диггәтимизи ваҹиб мәсәләләрдән јајындыран шејләрдән хәбәрдар едәҹәк. Өзбашыналыг руһуна неҹә гаршы дура биләҹәјимизи өјрәнәҹәк вә руһани инсан олмаға нәјин дахил олдуғуну арашдыраҹағыг. Базар ҝүнү сөјләнәҹәк мәрузәләр силсиләси ҝөстәрәҹәк ки, ајры-ајры шәхсләр вә ја аиләләр ҝетдикҹә артан тәгибләр вә иман сынаглары гаршысында руһаниликләрини мөһкәмләндирмәк үчүн һансы аддымлары ата биләрләр. Програм көмәк едәҹәк ки, үрәјимизи, руһани сағламлығымызы горујаг вә бу ҹүр давранан инсанлары ҝөзләјән хејир-дуалары јаддашымыза һәкк едәк.
3. Нөвбәти рајон конгреси нә вахт олаҹаг вә сән нәјә гәрарлы олмалысан?
3 Рајон конгресинин һарада вә нә вахт кечириләҹәјини билән кими, һәр ики ҝүнүн бүтүн һиссәләриндә олмаг вә диггәтлә гулаг асмаг үчүн лазыми тәдбирләри ҝөр. Әмин ол ки, Јеһова чалышган инсана хејир-дуа верир (Сүл. мәс. 21:5).
4. Гаршыдан ҝәлән рајон конгресиндән һансы фајданы әлдә едәҹәјимизә әминик?
4 Һәгигәтән дә, бу јахшы бәхшишин Мәнбәји Јеһовадыр. Садиг гулун һазырладығы програм мәсиһчи хидмәтини иҹра етмәк үчүн лазым олан тәлим олаҹаг. Бизә ‘играр етдијимиз үмиди тәрәддүд етмәдән мөһкәм тутмаға’ көмәк етмәк үчүн мәһәббәтлә етдији һәр шејә ҝөрә Јеһоваја миннәтдарыг (Ибр. 10:23-25; Јаг. 1:17).