Суаллар гутусу

◼ Јығынҹагда алдығымыз тапшырыглара неҹә јанашмалыјыг?

Јеһованын халгынын јығынҹағындакы низам-интизама үмуми сә’јләр сајәсиндә риајәт олунур (1 Кор. 14:33, 40). Јалныз бир јығынҹаг ҝөрүшүнүн кечирилмәси үчүн нәләр тәләб олундуғу барәдә фикирләш. Програмдан әлавә ҝөрүшдән габаг вә сонра ҝөрүләси ишләр чохдур, буна ҝөрә дә баҹы вә гардашлара мүхтәлиф тапшырыглар верилир. Адәтән нәзәрә чарпмајан ишләри дә јеринә јетирмәк ваҹибдир. Бизләрдән һәр биримиз бу ишләрдә неҹә иштирак едә биләрик?

Өз көмәјини тәклиф ет. Һазырлыг руһу ҝөстәрәнләр үчүн һәмишә иш тапылаҹагдыр (Мәз. 110:3). Хәстәләрин вә јашлыларын гајғысына гал. Падшаһлыг Залынын јығышдырылмасына көмәк ет. Биздән хүсусилә хаһиш едилмәдән, бир чох фајдалы ишләр ҝөрә биләрик. Садәҹә көмәк етмәк арзумуз олмалыдыр.

Тәвазөкарлыгла хидмәт ет. Тәвазөкар инсанлар башгаларына хидмәт етмәјә шаддырлар (Лука 9:48). Тәвазөкарлыг бизә үзәримизә јеринә јетирә биләҹәјимиздән артыг ишләр ҝөтүрмәмәјимизә көмәк едәҹәк. Һәмчинин тәвазөкарлыг бизи сәлаһијјәтләримиздән кәнара чыхмагдан сахлајаҹаг (Сүл. мәс. 11:2).

Е’тибарлы ол. Мусаја гәдим Исраилдә мәс’ул вәзифәләрә “һәгигәт адамлары”, јә’ни е’тибарлы адамлар тә’јин етмәк мәсләһәти верилди (Чых. 18:21). Бу хүсусијјәтә бизим ҝүнләримиздә дә еһтијаҹ вар. Алдығын һәр бир тапшырығы виҹданла јеринә јетир (Лука 16:10). Әҝәр сәнә тапшырылан иши јеринә јетирә билмирсәнсә, гајғы ҝөстәр ки, сән олмајанда һәмин иши башгасы јеринә јетирсин.

Әлиндән ҝәләни ет. Мәсиһчиләр һәтта дүнјәви ишләриндә белә ҹанла-башла чалышмалыдырлар (Колос. 3:22-24). Аллаһын Падшаһлығы наминә чалышаркән, бу ҹүр етмәјимиз хүсусилә ваҹибдир. Бизә әһәмијјәтсиз кими ҝөрүнән иш тапшырылса белә, ону јахшы јеринә јетирсәк, јығынҹаға чохлу фајда ҝәтирәр.

Бизә верилән һәр бир тапшырыг Јеһоваја вә гардашларымыза мәһәббәт ҝөстәрмәк үчүн ҝөзәл имкан јарадыр (Мат. 22:37-39). Ҝәлин бизә е’тибар олунан һәр бир тапшырығы сә’јлә јеринә јетирәк!