‘Иман сөзләри илә бәсләнирик’
1 Аллаһа сәдагәти горујуб сахламаг үчүн чох гүввә сәрф етмәк тәләб олунур (1 Тим. 4:7-10). Әҝәр јалныз өз гүввәмизә ҝүвәнсәк, бу јолда гала билмәрик вә тез бир заманда јорулуб зәифләјәрик (Јешаја 40:29-31). Јеһовадан гүввә әлдә етмәк үсулларындан бири ‘иман сөзләри илә бәсләнмәкдир’ (1 Тим. 4:6).
2 Бол руһани гида. Јеһова бизи Өз Кәламынын вә «садиг вә ағыллы гул»ун васитәсилә бол руһани гида илә тә’мин едир (Мат. 24:45). Биз бундан истифадә едирикми? Мүгәддәс Китабы һәр ҝүн охујуругму? Шәхси өјрәнмә вә өјрәндијимиз шејләр үзәриндә дүшүнмәк үчүн вахт ајырырыгмы? (Мәз. 1:2, 3). Бу ҹүр сағлам руһани гида бизә ҝүҹ верир вә Шејтан дүнјасынын бизи зәифләдә биләҹәк тә’сириндән горујур (1 Јәһ. 5:19). Әҝәр биз зеһнимизи фајдалы фикирләрлә долдуруругса вә өјрәндикләримизи һәјатымызда тәтбиг едириксә, Јеһова бизимлә олаҹагдыр (Филип. 4:8, 9).
3 Јеһова бизә јығынҹаг ҝөрүшләринин васитәсилә дә ҝүҹ верир (Ибр. 10:24, 25). Бу ҝөрүшләрдә алдығымыз руһани нәсиһәтләр вә фајдалы үнсијјәт сынаглара таб ҝәтирмәкдә бизи мөһкәмләндирир (1 Пет. 5:9, 10). Бир ҝәнҹ мәсиһчи демишдир: «Бүтүн ҝүнү мәктәбдә олдугдан сонра өзүмү јорғун вә руһдан дүшмүш һисс едирәм. Амма ҝөрүшләр сәһрадакы тәравәтләндириҹи ваһә кимидир вә нөвбәти ҝүн мәктәбә ҝетмәјә мәнә ҝүҹ верир». Ҝөрүшләрә ҝәлмәк үчүн сәрф етдијимиз гүввә чохлу хејир-дуалар ҝәтирир!
4 Һәгигәти тәблиғ етмәк. Иса үчүн тәблиғ етмәк гида кими иди. Бу ону гүввәтләндирирди (Јәһ. 4:32-34). Инсанларла Аллаһын һејранедиҹи вә’дләри һагда данышанда, бу, бизә дә гүввә верир. Мүнтәзәм олараг хидмәтдә иштирак етмәјимиз, һәмчинин үрәјимизи вә зеһнимизи Падшаһлыға вә тезликлә олаҹаг хејир-дуалара ҹәмләшдирмәјә көмәк едир. Бу бизи һәгигәтән дә тәравәтләндирир (Мат. 11:28-30).
5 Јеһованын бу ҝүн Өз халгына тәгдим етдији бол руһани гидадан фајда әлдә едә билмәјимиз һәгигәтән дә бөјүк хејир-дуадыр. Ҝәлин үрәкдән тәрәннүм едәрәк, Аллаһы иззәтләндирмәјә давам едәк! (Јешаја 65:13, 14).