‘О, јорғунлара ҝүҹ верәр’
1 Һәр биримиз һәрдән өзүмүзү јорғун һисс едирик. Бу јорғунлуг јалныз физики ишлә мәшғул олдуғумуза ҝөрә јох, һәмчинин бу ‘чәтин анларда’ гаршылашдығымыз проблемләрә ҝөрә ола биләр (2 Тим. 3:1). Јеһованын хидмәтчиләри олан бизләр хидмәтдә зәифләмәмәк үчүн руһани көмәји һарадан әлдә едә биләрик? Буна, ‘бөјүк гүдрәти’ олан Јеһоваја е’тибар етмәклә наил ола биләрик (Јешаја 40:26). О бизим тәләбатларымызы билир вә сәмими гәлбдән көмәк етмәк истәјир (1 Пет. 5:7).
2 Јеһованын көмәк үсуллары. Јеһова Каинаты јаратмаг үчүн истифадә етдији мөһтәшәм мүгәддәс руһу васитәсилә бизә ҝүҹ верир. Аллаһын руһу тагәтдән дүшдүјүмүз заман бизә ‘јени гүввә алмаға’ көмәк едир (Јешаја 40:31). Өзүндән соруш: «Мәсиһчи мәс’улијјәтими јеринә јетирмәјә көмәк етсин дејә, мүгәддәс руһ алмаг үчүн ахырынҹы дәфә нә вахт дуа етмишәм?» (Лука 11:11-13).
3 Аллаһын илһамланмыш Кәламыны һәр ҝүн охумаг вә үзәриндә дүшүнмәклә, һәмчинин руһән гидаланмаг үчүн нәшрләримизи мүнтәзәм өјрәнмәклә ‘ахар сулар кәнарына әкилмиш, барыны мөвсүмүндә верән, јарпағы солмајан’ сәмәрәли ағаҹа бәнзәјәҹәјик (Мәз. 1:2, 3).
4 Јеһова бизә ‘тәсәлли верә биләҹәк’ һәмиманлыларымыздан да истифадә едир (Колос. 4:10, 11). Онлар бизи јығынҹаг ҝөрүшләриндә руһландырыҹы үнсијјәтләри, шәрһләри вә чыхышлары илә гүввәтләндирирләр (Һәв. иш. 15:32). Хүсусилә дә мәсиһчи ағсаггаллар руһани көмәклик ҝөстәрир, мөһкәмләндирир вә руһландырырлар (Јешаја 32:1, 2).
5 Хидмәт. Өзүнү јорғун һисс едирсәнсә, тәблиғи дајандырма! Диҝәр ишләрдән фәргли олараг, хидмәтдә иштирак етмәк бизи һәгигәтән дә тәравәтләндирир (Мат. 11:28-30). Хош хәбәри тәблиғ етмәк диггәтимизи Аллаһын Падшаһлығына ҹәмләмәјә, әбәди һәјаты вә онун ҝәтирәҹәји хејир-дуалары јадда сахламаға көмәк едир.
6 Индики пис систем мәһв едилмәздән әввәл ҝөрүләҹәк ишимиз чохдур. ‘Аллаһын тә’мин етдији гүввәт’ сајәсиндә иҹра етдијимиз хидмәтдә мөһкәм галмаға бир чох сәбәбимиз вар (1 Пет. 4:11). Биз бу ишимизи Јеһованын көмәјилә баша чатдыраҹағыг, чүнки ‘О, јорғунлара ҝүҹ верир’ (Јешаја 40:29).