Хатирә Ҝеҹәси дөврү тәблиғдә фәал иштирак етмәк вахтыдыр
1. Һәр ил гејд олунан бајрамлар Аллаһ горхусуна малик олан исраиллиләрә неҹә тә’сир едирди?
1 Гәдим исраиллиләр илин мүәјјән ҝүнләриндә ‘Рәббин тә’јин етдији бајрамлары’ гејд едирдиләр (Лев. 23:2). Һәмин бајрамларда онлар Аллаһын хејирхаһлығы үзәриндә дүшүнүрдүләр, бу исә онлара чохлу севинҹ ҝәтирир вә тәмиз ибадәтә сә’јлә јанашмаларына көмәк едирди (2 Салн. 30:21–31:2).
2, 3. Хатирә Ҝеҹәси дөврүндә тәблиғ хидмәтиндә даһа фәал олмағымыз нәјә ҝөрә мүнасибдир вә бу ил Хатирә Ҝеҹәсини нә вахт гејд едәҹәјик?
2 Бизим ҝүнләрдә дә теократик фәалијјәтимиз һәр ил Хатирә Ҝеҹәси дөврүндә хүсуси севинҹ ҝәтирир. Бу вахт әрзиндә биз Јеһованын уғрумузда вердији чох гијмәтли бәхшиш үзәриндә Онун ваһид Оғлу барәдә дәриндән дүшүнүрүк (Јәһ. 3:16; 1 Пет. 1:18, 19). Јеһованын вә Онун Оғлунун тәзаһүр етдирдикләри мәһәббәт үзәриндә дүшүнмәклә, биз Јеһоваја һәмд етмәјә вә Онун ирадәсини јеринә јетирмәк үчүн әлимиздән ҝәләни етмәјә тәшвиг олунуруг (2 Кор. 5:14, 15).
3 Бу ил Рәббин Хатирә Ҝеҹәси ҹүмә ахшамы мартын 24-дә ҝүн батдыгдан сонра гејд олунаҹаг. Март, апрел вә мај ајларында тәблиғ хидмәтиндә даһа фәал неҹә иштирак едә биләрик?
4, 5. а) Хош хәбәри даһа чох инсанлара чатдырмагда бә’зиләринә нә көмәк етмишдир? б) Сизин әразидә еффектив сурәтдә неҹә тәблиғ етмәк олар?
4 Даһа чох инсанлара тәблиғ ет. Тәблиғ хидмәтиндә оларкән имкан дахилиндә даһа чох инсанларла данышмаға чалыш. Наһардан сонра вә ја ахшамүстү, јә’ни инсанларын чохунун евдә олдуғу вахт евдән-евә тәблиғ етмәји планлашдыра биләрсәнми? Әҝәр сизин китабөјрәнмә групунда ҝөрүшдән габаг тәблиғ етмәк истәјәнләр варса, китабөјрәнмәнин нәзарәтчиси тәблиғ үчүн гыса ҝөрүш тәшкил едә биләр. Бундан сонра јахынлыгда јерләшән биналарда тәблиғ етмәк олар.
5 Хош хәбәри даһа чох инсанлара чатдырмаг үчүн иҹтимаи јерләрдә дә тәблиғ едә биләрик. Јапонијада бир баҹы там иш ҝүнү ишләмәсинә бахмајараг, көмәкчи пионер олмаг истәјирди. Бир ағсаггал она тәклиф етмишдир ки, һәр ҝүн ишә ҝетмәздән әввәл дәмирјол стансијасында тәблиғ етсин. Ҹәсарәтсизлијинин вә бә’зи сәрнишинләрын истеһзаларынын өһдәсиндән ҝәлдикдән сонра, баҹы сәрнишинләри, стансија ишчиләрини вә јахынлыгда јерләшән мағазаларын саһибкарларыны да дахил етмәклә, 40 нәфәрә мүнтәзәм олараг журналлар ҝәтирмәк имканына наил олду. Баҹы, орта һесабла, һәр ај 235 журнал пајлајырды. Һәр ҝүн бир нечә дәгигә әрзиндә Мүгәддәс Китабдан бир нечә фикри инсанларла мүзакирә етмәклә о, алты Мүгәддәс Китаб өјрәнмәси башлаја билди.
6. Ҝәнҹ мәсиһчиләр тәблиғ хидмәтиндә неҹә даһа да фәал ола биләрләр?
6 Тәблиғ етмәк имканлары. Мәктәбдә охујан тәблиғчиләрин тә’тилләри олур. Бу, көмәкчи пионер кими хидмәт етмәк үчүн ҝөзәл имкандыр. Бундан савајы, ҝәнҹ мәсиһчиләр бу ајларда мәктәбдә даһа фәал тәблиғ едә биләрләр. Синиф јолдашларынын сәнин иманына нә дәрәҹәдә мараг ҝөстәрдикләри сәни тәәҹҹүбләндирә биләр. Синифдә апарылан мүзакирә заманы вә ја инша јазаркән тәблиғ етмәк имканындан нијә истифадә етмәјәсән? Бә’зи ҝәнҹ тәблиғчиләр бизим тәшкилатын бурахдығы видеофилмләри синифдә нүмајиш етдирмәклә шаһидлик етмишләр. Башгалары синиф јолдашлары илә Мүгәддәс Китаб өјрәнмәләри башламыш вә онлара руһани ҹәһәтдән инкишаф етмәкдә, өзләрини Јеһоваја һәср едиб вәфтиз олунмагда көмәк етмишләр. Бүтүн бунлар ‘Рәббин исминә һәмд етмәк’ үчүн ҝөзәл имканлардыр (Мәз. 148:12, 13).
7. а) Тәблиғ етмәк имканындан бир гардаш неҹә истифадә едир? б) Сәнинлә охшар һадисә баш верибми?
7 Ҝүн әрзиндә гаршылашдығын инсанларла ҝөзәл Аллаһымыз вә Онун һејрәтли вә’дләри һагда данышмаг үчүн имканлар ахтар. Бир гардаш һәр сәһәр електрик гатарында ҝедәркән имкан дүшән кими сәрнишинләрә тәблиғ едир. Мәсәлән, платформада гатары ҝөзләјәркән һәр ҝүн беш дәгигә әрзиндә бир ҝәнҹ кишијә тәблиғ едирди. Нәтиҹәдә һәмин ҝәнҹ вә онун иш јолдашы Мүгәддәс Китабы өјрәнмәјә разылыг вердиләр. Өјрәнмә гатарда кечирди. Бир мүддәтдән сонра онларын сөһбәтләринә гулаг асан бир јашлы гадын јахынлашыб онунла да Мүгәддәс Китаб өјрәнмәси кечирилмәсини хаһиш етди. Гадын електрик гатарында ҝедән ҝүнләри гардаш онунла да Мүгәддәс Китаб өјрәнмәси кечирирди. Беләликлә, гардаш гатарда он Мүгәддәс Китаб өјрәнмәси кечирирди.
8. Јашла вә ја хәстәликлә бағлы проблемләр уҹбатындан имканлары мәһдуд олан баҹы-гардашлар хидмәтдә фәал олмаг үчүн һансы үсуллардан истифадә едә биләрләр?
8 Бәс әҝәр јашла вә ја хәстәликлә бағлы проблемләр уҹбатындан хидмәт етмәкдә сәнин имканларын мәһдуддурса, неҹә? Буна бахмајараг, Јеһованы даһа фәал сурәтдә иззәтләндирмәк үчүн сән дә имканлар тапа биләрсән. Телефон васитәсилә тәблиғ етмәјә чалышмысанмы? Әҝәр буну неҹә етмәји дәгиг билмирсәнсә, онда китабөјрәнмәнин нәзарәтчисинә мүраҹиәт ет. О, телефон васитәсилә јахшы тәблиғ етмәји баҹаран баҹы-гардашлардан хаһиш едәр ки, онлар сәнә көмәк етсинләр. Бирҝә хидмәт едәркән сиз бир-бириниздән чох шеј өјрәнә биләрсиниз вә еффектив тәблиғ етмәк үчүн бир-биринизә көмәк едә биләрсиниз. Телефон васитәсилә јахшы тәблиғ етмәјин үсулларыны 2001-ҹи илин «Бизим Падшаһлыг Хидмәтимиз»ин феврал сајынын 6-ҹы сәһифәсиндә (рус.) тапмаг олар.
9. Мүгәддәс Китабы өјрәнәнләрин јығынҹагла бирҝә тәблиғ хидмәтинә гошулмаларына неҹә көмәк едә биләрик?
9 Хатирә Ҝеҹәсинә ҝәлмәк јени тәблиғчиләри Јеһованы даһа чох иззәтләндирмәјә тәшвиг едә биләр. Онлара јығынҹагла бирликдә тәблиғ етмәјә мане олан горху һиссинин өһдәсиндән ҝәлмәјә көмәк едә биләрсән. Бунун үчүн хидмәтдә сәнинлә баш вермиш мүсбәт һадисәләри даныш, тәдриҹән Мүгәддәс Китабын тә’лимләрини изаһ етмәји вә өз иманларыны мүдафиә етмәји онлара өјрәт (1 Пет. 3:15). Әҝәр Мүгәддәс Китабы өјрәнән инсан хош хәбәрин тәблиғчиси олмағы арзулајырса, онда сәдрлик едән нәзарәтчијә мүраҹиәт ет. О, өјрәнәнлә ҝөрүш тә’јин едиб, онун јығынҹагла тәблиғ ишиндә иштирак етмәјә һазыр олуб-олмадығыны мүәјјән едәҹәк. Мүбаһисәли суалын һәллиндә даһа чох инсанлар Јеһованын тәрәфини тутанда, О неҹә дә севинир! (Сүл. мәс. 27:11).
10. а) Көмәкчи пионер кими хидмәт етмәкдә јахшы тәртиб олунан график бизә неҹә көмәк едә биләр? б) Өтән ил Хатирә Ҝеҹәси дөврүндә көмәкчи пионер кими хидмәт етмисәнми? Бунун үчүн сән нә етмишдин?
10 Көмәкчи пионер кими хидмәт едә биләрсәнми? Көмәкчи пионерләрин һәр ај 50 саат тәблиғ етмәләри тәләбинә ҹидди јанашылмалыдыр (Мат. 5:37). Бу о демәкдир ки, һәр һәфтә, орта һесабла, 12 саат тәблиғ етмәк лазымдыр. Көмәкчи пионер хидмәти үчүн 5-ҹи сәһифәдә тәклиф олунан графикләрин һансыса сәнин шәраитинә ујғундурму? Әҝәр ујғун дејилсә, онда март, апрел вә мај ајларында көмәкчи пионер кими хидмәт етмәк үчүн өз шәхси графикини тәртиб едә биләрсәнми? Јеһовадан хаһиш ет ки, хидмәтдә даһа чох иштирак етмәк мәгсәдилә ҝөстәрдијин сә’ји хејир-дуаландырсын (Сүл. мәс. 16:3).
11. Көмәкчи пионер кими хидмәт едәҹәк тәблиғчиләри ағсаггаллар вә хидмәти көмәкчиләр неҹә дәстәкләјә биләрләр?
11 Ағсаггаллар вә хидмәти көмәкчиләр бүтүн ҝүҹләрини сәрф едәҹәкләр ки, Хатирә Ҝеҹәси дөврүндә сән Јеһоваја хүсуси ҹидд-ҹәһдлә һәмд едәсән. Еһтимал ки, онлардан бир чохлары көмәкчи пионер кими хидмәт едәҹәкләр. Ҝүнортадан сонра, һәфтәарасы ахшамлар вә тәләб олунарса, истираһәт ҝүнләри дә хидмәт етмәк үчүн ағсаггаллар әлавә ҝөрүшләр тәшкил едәҹәкләр. Бу ҝөрүшләрин һарада вә нә вахт кечириләҹәјини вә һәмчинин онлары кимин апараҹағыны мүәјјән етмәк үчүн, ағсаггаллар пионер кими хидмәт едән вә ја буну етмәк фикриндә олан баҹы-гардашларын һамысы илә сөһбәт едәҹәкләр. Ағсаггаллар әлләриндән ҝәләни едәҹәкләр ки, хидмәт үчүн ајырдығын вахт әрзиндә сәнин һәмишә әмәкдашын олсун. Бунун сајәсиндә планларын баш тутар вә бөјүк наилијјәтләрә мүвәффәг ола биләрсән (Сүл. мәс. 20:18).
12. Јеһоваја һәр заман һәмд етмәјә бизи нә тәшвиг едир?
12 Вар гүввәтинлә чалыш. Әҝәр сәнин шәраитин көмәкчи пионер кими хидмәт етмәјә јол вермирсә, јадында сахла ки, Јеһова бизим ҹәһдимизи вә гурбанларымызы «инсанда олмајан мала ҝөрә дејил, олан мала ҝөрә» гәбул едир (2 Кор. 8:12). Биз, Јеһоваја миннәтдар олмаг үчүн чох шејләрә маликик. Давуд там әсасла јазмышдыр: «Һәр заман Рәббә алгыш едәҹәјәм, Она даим мәним дилим һәмд едәҹәк» (Мәз. 34:1). Гој Хатирә Ҝеҹәси дөврүндә бизим дә белә әһвал-руһијјәмиз олсун!
[3 сәһифәдәки чәрчивә]
Тәблиғ хидмәтиндә неҹә даһа фәал ола биләрсән?
◼ Инсанлар евдә оланда тәблиғ ет
◼ Иҹтимаи јерләрдә тәблиғ ет
◼ Иш јериндә вә ја мәктәбдә тәблиғ ет
◼ Телефон васитәсилә тәблиғ ет
◼ Көмәкчи пионер кими хидмәт ет
[5 сәһифәдәки ҹәдвәл]
Көмәкчи пионер хидмәти үчүн тәклиф олунан графикләр—Һәфтә әрзиндә тәблиғ хидмәтинин 12 саатыны бөлүшдүрмәјин үсуллары
Базар ертәсиндән шәнбә ҝүнүнәдәк сәһәрләр
Истәнилән ҝүнү базар ҝүнү илә әвәз етмәк олар
Ҝүн Вахт Саат
Базар ертәси сәһәр 2
Чәршәнбә ахшамы сәһәр 2
Чәршәнбә сәһәр 2
Ҹүмә ахшамы сәһәр 2
Ҹүмә сәһәр 2
Шәнбә сәһәр 2
Ҹәми: 12 саат
Бүтөв ики ҝүнү
Һәфтәнин истәнилән ики ҝүнүнү сечмәк олар. (Һәфтәнин һансы ҝүнләрини сечмәкдән асылы олараг, бу графикә ҝөрә ајда јалныз 48 саат тәблиғ етмәк мүмкүндүр)
Ҝүн Вахт Саат
Чәршәнбә бүтүн ҝүн 6
Шәнбә бүтүн ҝүн 6
Ҹәми: 12 саат
Һәфтә әрзиндә ики ахшам вә истираһәт ҝүнләри
Һәфтәарасы ҝүнләрдән истәнилән ики ахшамы сечмәк олар
Ҝүн Вахт Саат
Базар ертәси ахшам 1 1⁄2
Чәршәнбә ахшам 1 1⁄2
Шәнбә бүтүн ҝүн 6
Базар ҝүнү јарымҝүн 3
Ҹәми: 12 саат
Һәфтәарасы ҝүнләрдән үч ҝүнорта вахты вә шәнбә
Истәнилән ҝүнү базар ҝүнү илә әвәз етмәк олар
Ҝүн Вахт Саат
Базар ертәси ҝүнорта 2
Чәршәнбә ҝүнорта 2
Ҹүмә ҝүнорта 2
Шәнбә бүтүн ҝүн 6
Ҹәми: 12 саат
Тәбли хидмәти үчүн тәртиб шәхси графиким
Һәр ҝүн нечә саат тәблиғ едәҹәјини мүәјјән ет
Ҝүн Вахт Саат
Базар ертәси
Чәршәнбә ахшамы
Чәршәнбә
Ҹүмә ахшамы
Ҹүмә
Шәнбә
Базарҝүнү
Ҹәми: 12 саат