Аилә графики: тәблиғ хидмәти
1 Јеһова, ҝәнҹләрин Онун адыны иззәтләндирдијини ҝөрәндә севинир (Мәз. 148:12, 13). Исанын јашадығы дөврдә һәтта ‘кичик ушаглар вә әмзикли оланлар’ белә Аллаһа һәмд едирдиләр (Мат. 21:15, 16). Бу ҝүн дә һәмән шеј баш верир. Валидејнләр, сиз ушагларыныза Јеһованын сә’јли хидмәтчиләри олмагда неҹә көмәк едә биләрсиниз? Бундан әввәлки мәгаләдә дејилдији кими, ән әсас амил сизин шәхси нүмунәниздир. Бир ата: «Ушаглар өз валидејнләриндән нүмунә ҝөтүрүр вә буна ҝөрә нә данышдығымыз јох, нә етдијимиз даһа ваҹибдир» дејәрәк, бир чох валидејнләрин һиссләрини ифадә етмишдир.
2 Мәсиһчи аиләсиндә бөјүмүш бир баҹы хатырлајыр: «Шәнбә ҝүнү сәһәр јухудан ојананда биз һеч вахт хидмәтә ҝедиб-ҝетмәјәҹәјимизи сорушмурдуг. Билирдик ки, ҝедирик». Ејни тәрздә сиз дә өз ушагларынызда бүтүн аилә илә бирликдә һәр һәфтә хидмәтә ҝетмәк вәрдишини јаваш-јаваш инкишаф етдирә биләрсиниз. Бунун сајәсиндә ушагларын сиздән өјрәнмәк имканы олаҹаг, сиз исә онларын дүшүнҹә тәрзини, һәрәкәтләрини вә нә өјрәндикләрини мүшаһидә едә биләҹәксиниз.
3 Даими тә’лим. Ушаглар хидмәтә һазырлашанда, даһа јахшы тәблиғ едир вә хидмәтдән севинҹ дујурлар. Сөзләри әввәлки абзасда ситат ҝәтирилән баҹы һәмчинин демишдир: «Биз һеч вахт ишлә мәшғул олан валидејнләрин ардынҹа ҝедән “гујруг” олмамышыг. Тәблиғ заманы ишимизин јалныз гапынын зәнҝини басмагдан вә Падшаһлыг Залына дә’вәтнамә вермәкдән ибарәт олса да, биз билирдик ки, валидејнләримизлә әмәкдашлыг едирик». Јахшы һазырлашмағын сајәсиндә биз нә дејәҹәјимизи билирдик». Сиз дә аиләви өјрәнмә заманы вә ја бир башга вахт һәфтәдә бир нечә дәгигә ајыра биләрсиниз ки, ушағынызы хидмәтә һазырлашмаға өјрәдәсиниз.
4 Аиләликлә хидмәт етмәк ушаглара һәгигәти ашыламаг үчүн даһа бир имкандыр. Бир мәсиһчи ата 10 километр мәсафәдә јерләшән кәнддә трактат пајламаг үчүн гызыны өзү илә апарырды. Инди һәмән баҹы хош тәәссүратла хатырлајыр: «Мәһз о заман атам јол боју һәгигәти мәнә ашыламышдыр» (Ганун. 6:7). Гој сизин дә аиләниз ејни хејир-дуалара саһиб олсун — тәблиғ хидмәти сизин аилә графикинизин бир һиссәси олсун!