Мүнтәзәм олараг журнал ҝәтирдијин адамларын марағыны инкишаф етдир
1. Мүнтәзәм олараг журнал ҝәтирдијин адамларын марағыны неҹә инкишаф етдирә биләрсән?
1 Хидмәтдә растлашдығымыз инсанларын бир чоху бизимлә сөһбәт етмәјә шаддырлар вә әдәбијјатларымызы мәмнунијјәтлә ҝөтүрүрләр, лакин Мүгәддәс Китаб өјрәнмәсинә разылыг вермәкдә тәрәддүд едирләр. Онларын марағыны инкишаф етдирмәк үчүн, биз мүнтәзәм олараг онлара журнал ҝәтирә биләрик. Журнал вердијин адамын адыны, үнваныны, онунла сөһбәт етдијин тарихи, вердијин нәшрин адыны, мүзакирә етдијиниз ајәни вә сәнин зәннинҹә, онда мараг ојадаҹаг һәр бир шеји гејд ет. Јени журналда она мараглы ола билән фикирләри гејд ет. Она баш чәкәркән һәмин журналы тәклиф ет (1 Кор. 9:19-23). Вахт кечдикҹә, охудуғу мәгаләләрдән бири онун марағыны артыра вә онда даһа чох билик алмаг истәји ојада биләр.
2. Јеһованы инди ахтармаг нә үчүн ваҹибдир вә буну етмәкдә инсанлара даһа неҹә көмәк едә биләрик?
2 Биз баша дүшүрүк ки, инсанларын чоху садәҹә олараг бизим журналлары охудуглары үчүн, Јеһованын хидмәтчиләри олмајаҹаглар. Инсанларын Јеһованы инди ахтармаларынын ваҹиб олдуғуну нәзәрә алараг, биз онлара көмәк етмәк үчүн даһа нә едә биләрик? (Сеф. 2:2, 3; Вәһј 14:6, 7). Биз онлар үчүн мүвафиг Мүгәддәс Китаб ајәси сечә биләр вә һәр дәфә јени журнал ҝәтирәндә мүзакирә едә биләрик.
3. а) Мүзакирә үчүн бир-ики ајәни неҹә һазырлаја биләрик? б) Саһәндә јашајан инсанлары ән чох нә марагландырыр?
3 Бир ајәнин мүзакирәси. Мүнтәзәм олараг журнал ҝәтирдијин инсанлар һаггында фикирләш вә онларын хүсуси тәләбатларыны нәзәрә алараг мүзакирә үчүн бир-ики ајә сеч (Филип. 2:4). Мәсәлән, әҝәр баш чәкдијин адамын әзизләриндән ким исә өлүбсә, бир нечә башчәкмә әрзиндә Мүгәддәс Китабын өлүләрин вәзијјәти вә дирилмәјә олан үмид һаггында нә дедијини мүзакирә ет. Сән бу ајәләри «Сәнә әзиз олан адам өләндә» брошүрасындан сечә биләрсән. Бундан сонра исә хәстәликләрин, гоҹалығын вә өлүмүн арадан галдырылаҹағы кими мөвзулары мүзакирә етмәк олар. Мәгсәд — инсаны марагландыран мөвзуну тапмаг вә Мүгәддәс Китабын бу һагда нә дедијини тәдриҹән ҝөстәрмәкдир.
4. Мүгәддәс Китаб ајәләрини башгаларына баша дүшмәкдә көмәк етмәк нәјә ҝөрә ваҹибдир вә биз буну неҹә едә биләрик?
4 Баша сал. Бу мүзакирәләрин гыса вә садә олмасына бахмајараг, биздән садәҹә ајә охумагдан чох шеј ҝөзләнилир. Шејтан инсанларын зеһнини кор едиб (2 Кор. 4:3, 4). Һәтта Мүгәддәс Китабла таныш олан инсанларын да ону баша дүшмәк үчүн көмәјә еһтијаҹы вар (Һәв. иш. 8:30, 31). Буна ҝөрә дә, Теократик Хидмәт Мәктәбиндә етдијин кими, ајәни изаһ ет вә ону неҹә тәтбиг етмәк лазым ҝәлдијини ҝөстәр (Һәв. иш. 17:3). Гој инсан Аллаһын Кәламынын практики дәјәрини өз һәјатында ҝөрсүн.
5. Мүнтәзәм олараг журнал ҝәтирдијин адамла Мүгәддәс Китабы өјрәнмәјә неҹә башлаја биләрсән?
5 Әҝәр өјрәндикләри инсанын хошуна ҝәлирсә, һәр ҝәләндә мүзакирәјә ики-үч ајә әлавә етмәк олар. Јахшы шәраит јарананда «Аллаһ тәләб едир» брошүрасыны вә ја «Билик» китабыны тәклиф етмәјә чалыш. Беләликлә мүнтәзәм сурәтдә журнал ҝәтирдијин адамларла Мүгәддәс Китаб өјрәнмәси башлаја биләрсән.