Мүнтәзәм журнал апармаг өјрәнмә башламаг үчүн әла фүрсәтдир
1. Јеһованын тәшкилаты нә үчүн тәблиғчиләри мараглананлара мүнтәзәм журнал апармаға тәшвиг едир?
1 Бәзи инсанлар бизимлә Мүгәддәс Китабы өјрәнмәсәләр дә, журналларымызы севә-севә охујурлар. Буна ҝөрә дә Јеһованын тәшкилаты тәблиғчиләри мараглананлара мүнтәзәм журнал апармаға тәшвиг едир. Журналларымызы мүнтәзәм охујан инсанларда чох вахт Аллаһын Кәламына гаршы ҝүҹлү истәк јараныр (1 Пет. 2:2). Нәтиҹә етибарилә, онларын охудуглары һәр һансы фикир Мүгәддәс Китаб өјрәнмәсинә разылашмаларына тәкан ола биләр.
2. Мүнтәзәм журнал вердијимиз адамын марағыны неҹә артыра биләрик?
2 Һәгигәт тохумуну сула. Журналлары марагланан инсана вериб тез ҝетмәк әвәзинә, онунла үнсијјәт ет вә јахшы мүнасибәт гурмаға чалыш. Бу, сәнә онун шәраитини, мараг даирәсини вә нәләрә инандығыны өјрәнмәјә вә мүдрикликлә данышмаға көмәк едәҹәк (Сүл. мәс. 16:23). Һәр башчәкмәјә һазырлаш. Мүмкүнсә, журналдан мүәјјән фикри вә мүвафиг ајәни гысаҹа вурғуламагла онун үрәјиндә олан һәгигәт тохумуну сула (1 Кор. 3:6). Һәр дәфә ҝәлдијин тарихи, сахладығын журналы, мүзакирә етдијин мөвзуну вә ајәни гејд ет.
3. Мүнтәзәм журнал вердијимиз адамын јанына нә гәдәр вахтдан бир ҝетмәлијик?
3 Нә гәдәр вахтдан бир ҝәлмәли? Ајда бир дәфә журналларын сон сајларыны ҝәтирәрәк тәкрар баш чәкә биләрсән. Анҹаг шәраитиндән вә инсанын марағындан асылы олараг, бир аз да тез-тез ҝәлә биләрсән. Мәсәлән, журнал сахладыгдан бир вә ја ики һәфтә сонра јенидән баш чәкә вә дејә биләрсән: «Мән сахладығым журналдан бир-ики фикри гысаҹа бөлүшүб ҝедирәм». Бу, онда һәмин мәгаләни охумаг үчүн иштаһа ојадаҹаг. Әҝәр о, артыг һәмин мәгаләни охујубса, ондан мәгалә һагда нә фикирләшдијини соруша вә гысаҹа мүзакирә едә биләрсән. Јахуд инсан әдәбијјатларымызы мәмнунијјәтлә охујурса, һәмин ај тәгдим едилән трактаты, брошүраны вә китабы она вермәк үчүн тәкрар ҝәлә биләрсән.
4. Мүнтәзәм журнал вердијимиз инсанын Мүгәддәс Китабы өјрәнмәк истәјиб-истәмәјәҹәјини мүәјјән етмәк үчүн вахташыры олараг нә етмәлијик?
4 Ҝөзләмә ки, инсан өзү сәндән өјрәнмә кечирмәјини хаһиш етсин. Өзүн тәшәббүс ҝөстәр. Һәтта, ола билсин, әввәлләр о, Мүгәддәс Китабы өјрәнмәјә разылыг вермәјиб, бунунла белә вахташыры олараг «Ҝөзәтчи гүлләси» журналындан «Мүгәддәс Јазылара аид суаллара ҹаваб» рубрикасыны тәклиф едә вә онун бу мөвзуну сәнинлә арашдырмаг истәјиб-истәмәдијини мүәјјән едә биләрсән. Бәлкә дә, сән гапы ағзында өјрәнмә башладын. Лакин әҝәр өјрәнмә башламаг алынмырса, онун марағыны даһа да артырмаг үчүн журнал ҝәтирмәјә давам едә биләрсән.