Тәблиғ хидмәти мәтанәтли олмағымыза көмәк едир
1 Аллаһын Кәламы бизи тәшвиг едир ки, «гаршымыза гојулан јарышда мәтанәтлә гачаг» (Ибр. 12:1). Јарышда гәләбә газанмаг үчүн гачышчыја мәтанәтли олмаг тәләб олундуғу кими, әбәди һәјат ән’амына наил олмаг үчүн бу кејфијјәт бизә дә лазымдыр (Ибр. 10:36). Мәсиһчи хидмәти сона гәдәр мәтанәтли галмағымыза неҹә көмәк едир? (Мат. 24:13).
2 Руһән мөһкәмләнирик. Мүгәддәс Китабдан әдаләтли јени дүнја һаггындакы ҝөзәл хәбәри бәјан етмәклә өз үмидимизи дә мөһкәмләндиририк (1 Салон. 5:8). Мүнтәзәм олараг тәблиғ хидмәтиндә иштирак етмәјимиз Мүгәддәс Китабдан өјрәндијимиз һәгигәтләри башгалары илә бөлүшмәјимизә көмәк едир. Хидмәт етдијимиз заман өз иманымызы горујур вә руһән мөһкәмләнирик.
3 Башгаларыны мәһарәтлә өјрәтмәји баҹармаг үчүн Мүгәддәс Китаб һәгигәтләрини өзүмүз ајдын баша дүшмәлијик. Мүгәддәс Китаба әсасланан материалы арашдырмаг вә онун үзәриндә дүшүнмәк лазымдыр. Белә сә’ј ҝөстәрмәјимиз сајәсиндә билијимиз дәринләшир, иманымыз мөһкәмләнир вә руһән тәравәтләнирик (Сүл. мәс. 2:3-5). Беләликлә, башгаларына көмәк етдијимиз заман өзүмүз дә мөһкәмләнирик (1 Тим. 4:15, 16).
4 Хидмәтдә сә’јлә иштирак етмәјимиз Иблисин вә ҹинләрин һүҹумларына гаршы дурмаг үчүн тәләб олунан ‘Аллаһын бүтүн зиреһләринин’ әсас бир һиссәсидир (Ефес. 6:10-13, 15). Мүгәддәс хидмәтлә мәшғул олмағымыз диггәтимизи руһән инкишаф етдирән дәјәрләрә мәркәзләшдирмәјә вә Шејтан дүнјасынын позуҹу тә’сириндән гачынмаға көмәк едир (Колос. 3:2). Башгаларына Јеһованын јоллары илә ҝетмәји өјрәдәркән, биз өзүмүз дә нүмунәви һәјат тәрзи сүрмәјин неҹә ваҹиб олдуғуну унутмајаҹағыг (1 Пет. 2:12).
5 Аллаһ бизи мөһкәмләндирир. Бундан әлавә, тәблиғ ишиндә иштирак етмәклә, һәр шејдә Јеһоваја ҝүвәнмәји өјрәнирик (2 Кор. 4:1, 7). Аллаһа ҝүвәнмәји баҹармаг доғрудан да хејир-дуадыр! Бу бизә јалныз хидмәтимизи иҹра етмәјә дејил, һәмчинин ҝүндәлик һәјатда гаршылашдығымыз чәтинликләрин өһдәсиндән ҝәлмәјә дә көмәк едир (Филип. 4:11-13). Һәгигәтән дә, мәтанәтли олмаг үчүн, Јеһоваја там ҝүвәнмәјимиз ваҹибдир (Мәз. 55:22). Беләликлә, тәблиғ бир чох саһәләрдә мәтанәтли олмағымыза көмәк едир.