Тәблиғ етмәк бизи руһани ҹәһәтдән мөһкәм сахлајыр

1. Тәблиғ иши бизә һансы фајданы ҝәтирир?

¹ Тәблиғ ишиндә фәал иштирак етмәк бизи руһани ҹәһәтдән мөһкәмләндирә вә севинҹимизи артыра биләр. Дүздүр, биз тәблиғ ишиндә әсасән Јеһованы разы салмаг үчүн иштирак едирик. Бунунла јанашы, ‘кәламы тәблиғ ет’ әмринә табе олмагла, Јеһованын хејир-дуаларыны газаныр вә һәмчинин өзүмүз үчүн мүхтәлиф фајдалар әлдә едирик (2 Тим. 4:2; Јешаја 48:17, 18). Бәс тәблиғ иши бизи неҹә мөһкәмләндирә вә севинҹимизи артыра биләр?

2. Хидмәт бизи неҹә мөһкәмләндирир?

² Мөһкәмләнир вә хејир-дуа газанырыг. Тәблиғ етмәк бизи диггәтимизи индики нараһатчылыглара јох, Падшаһлығын хејир-дуаларына јөнәлтмәјә тәшвиг едир (2 Кор. 4:18). Мүгәддәс Китаб тәлимләрини изаһ едәндә Јеһованын вәдләринә иманымыз мөһкәмләнир вә һәгигәтә ҝөрә миннәтдарлығымыз артыр (Јешаја 65:13, 14). ‘Дүнјадан олмамалары’ үчүн башгаларына руһани ҹәһәтдән инкишаф етмәјә көмәк етдикҹә бу мәсәләдә өз мөвгејимизи мөһкәмләндиририк (Јәһ. 17:14, 16; Ром. 12:2).

3. Хидмәтимиз мәсиһчи кејфијјәтләрини инкишаф етдирмәјә неҹә көмәк едир?

³ Хидмәтдә иштирак етмәк бизә мәсиһчи кејфијјәтләрини инкишаф етдирмәјә көмәк едир. Мәсәлән, ‘һәр кәс үчүн һәр шеј олмаға’ чалышаркән даһа чох тәвазөкар олуруг (1 Кор. 9:19-23). «Чобансыз гојунлар кими тагәтсиз вә дағыныг» кәсләрлә сөһбәт едәндә биз шәфгәтли вә мәрһәмәтли олмағы өјрәнирик (Мат. 9:36). Етинасыз мүнасибәтлә вә ја мүгавимәтлә үзләшәндә дөзүмлү олмағы өјрәнирик. Һәјатымызы башгаларына көмәк етмәк үчүн сәрф едәндә севинҹимиз ашыб-дашыр (Һәв. иш. 20:35).

4. Хидмәтинә неҹә јанашырсан?

⁴ Ибадәтимизә лајиг олан јеҝанә Шәхси иззәтләндирән бу хидмәтдә иштирак етмәк неҹә дә бөјүк хејир-дуадыр! Хидмәт бизи мөһкәмләндирир. Бу, өзүнү тамамилә ‘Мүждәјә шәһадәт етмәјә’ һәср едән инсанлара бол-бол хејир-дуалар ҝәтирир (Һәв. иш. 20:24).